８⺝３０日係妹妮既大日子，事關佢今日返Ｋ１了！（其實學校叫呢班做nursery，K2＝lower，K3＝upper）
今次第一次要著黑鞋返學，比之前那學校好似嚴謹一Ｄ呢。有本簡介提及鞋子要方便穿著，於是叫妹妮試下係咪可以扣到啪鈕。。。不過佢都係啪唔到。
著起校服成個大個女一樣！叫佢企定定比我影相，又硬晒軚Ｅ起個口 -__-"
呢張好一Ｄ，真係不得不驚歎時間過得有幾快。。。除左為妹妮要展開漫。。。長的學習身涯而有點擔心她辛苦外
都嘅嘆小朋友真係大得太快，妹妮真係大個了，上Ｋ１了，好快就上小學，中學了。。。會唔會好快就唔再痴住我地呢？btw，而家個櫃去到條腰咋！上年仲係去到佢條頸咁高。
同winnie the pooh影相，話時話上次買左呢個波之後，在車上妹妮居然同個氣球講：winnie a pooh，don't be naughty OK？因為佢想個氣球唔好周圍飛。
之後仲話我地知winnie a pooh said yes潻，總之佢成日無停，你唔同佢講野佢都自己不停講！
以前細個每朝都會上我地張床砌puzzle，而家每朝都要我地講故仔，好開心妹妮對書百看不厭，就算同一本書講完都即刻話要再講。
呢本變色龍書就已經睇過都唔記得幾多次，我地去北海道都係靠佢tum妹妮食飯咋！
趁學車未到，再讀多一本！
不如比媽me影幾張校服相先啦！
頭兩日準許一位家長陪同，第一日由我帶妹妮。今日因為係orientation，所以分成Ａ，Ｂsession，我地搭校車就係Ｂsession，返晏Ｄ。Ｄ朋友話呢張相爸Ｂ好似追住架校巴好唔捨得咁。
我地一齊撘校車返新學校！
去到班房前大家齊齊洗下手先，我諗呢個洗手盤係呢間學校既標記，因為兩間campus都有一樣的洗手盤在不同角落的。
入班房了！暫時得我地架車抵達所以得幾個細路。一入去班房已經每個位有一個有名牌的書包仔，我地一齊就坐。班房面積比以前Ａ記細，不過好骨子，好多玩具，壁布等。
妹妮一坐低就同同學仔一齊玩，原來我地呢班係細Ｂ班，全部都係細Ｂ，所以老師話生日會會有好多同學仔一齊慶祝。今次第一次有廣東話教學，其實初初連我都有Ｄ唔慣，以前妹妮讀的都只有英文同國語。其實本來都想幫妹妮報英，普班，但係當初因為要見多一個普通話interview，我又擔心妹妮本身細Ｂ都未顧得掂interview，仲要考多個普通話恐怕會連累個interview所以就tick兩文三語算了。
班上有兩個老師，一個講廣東話，一個外藉講英文，兩個都長駐班中，另外又有多個英語老師負責group play，及兩個國語老師。。。單係今日都認識了５位老師。不過我地主要係對住呢兩位。
妹妮一向講開英文，見到miss Becky都無有怕。不過感覺呢間學校比以前那間會嚴謹一Ｄ，可能更有discipline。無論如何，最重要係妹妮返學返得開心，自然會有心機學野。
幾個細路一齊玩，暫時都好ＯＫ，大家都無喊喎。一個鐘就放學了，我地等老師叫咪就出去排隊上自己架車。
妹妮雖然成日講英文，但係都識聽同識講，係Ｄ音歪Ｄ，好似阿差講中文一樣。今日開始自己返學，放學返黎仲唱住：‘開心笑，開心笑’潻！相信妹妮Ｄ廣東話會好快有大進步了！
