K1表演﹣summer holiday

6月24日，妹妮學校有表演睇呀！因為學校有好多班，要分好多日表演，於是我地呢日已經係最後一日，今日有8班表演。

唔講咁多住，睇表演先！

其實每班都表演兩首歌架，第一首係之前成日聽到佢唱既‘比比鐘意chu-gu-lik蛋糕’，因為相機用來影相，所以爸B用手機拍晒兩首歌

回帶睇返啱啱到會場時先，幫妹妮在衫腳打個結時，佢居然喊晒口話同學仔都無個結。。。咁細個就開始受同輩影響喇！好彩後尾見到D同學仔都有打結佢先無事。

妹妮同D同學仔都好friend架，拖晒手仔入場

好多家長呀，小朋友就由中間出場上台表演

學校叫我地幫小朋友著花碌碌恤衫加牛仔裙，原來班班都著唔同衫架。

妹妮出場喇！有D擔心佢會唔會發台瘟呢？因為老師上台都話D小朋友見到台下咁多人，可能會驚，叮囑我地唔好同佢地揮手架！

上到台老師幫佢地排好位

開始喇，見到佢好大動作一D都唔驚，個刻覺得佢好叻呀！其他小朋友都係，佢地咁細個又記得歌詞多跳舞仲有走位，真係好勁呀！

唱完第一首歌妹妮已經見到我地喇，仲係台上大叫爹D媽me！所以第一段片開頭佢猛跳跳下就係因為見到我地呀

so proud of you!!

跟住仲有其他班表演，我留意到老師原來係台下比指示架，所以D小朋友唔會唔記得D舞步

真係唔知我地睇表演時佢地呢左去邊？8班都表演完後，家長就順住班名離開表演廳，出到去小朋友一早已按班別排好晒隊等我地接放學了！

食食食

之前去左大食幾餐，一直都懶update，不如睇相先啦。有日去左JW Marriot食tea buffet。

妹妮好唔客氣問姐姐攞野食

仲自己捭唔同topping，不過都係貪得意多D

某weekend同爸B一齊去the One新開既Tonkichi，好耐無食了，之前食過幾間新開既炸豬扒，但係都係呢間最好食！

真係好yummy!

食完仲有得抽獎潻！

父親節

父親節

我地一早去食早餐, 妹妮好識做錫錫爹D

下晝覺豬完就要去英文班既畢業禮。。。其實妹妮都係讀左一個學期，不過唔出席同出席都要比＄，於是去玩下囉

第一次著畢業袍，雖然無咩意義，不過都影下相啦！

成班小畢業生，都幾得意架

傍晚又出動去食飯，週圍都full booking，好彩有間餐廳有位，平平地都幾好食噃！

妹妮送紙花比爸B呀

仲爭住錫錫潻！真係冧屎爹D喇！

3Y8M

每個月都想寫低妹妮既成長歷程, 好快又3Y8M了, 妹妮呢個月開始生活上都有改變。。。而家大概110cm高，40.8磅。。。以平時觀察，應該係超大碼B。

以前每晚yayaGigi都會幫妹妮洗pat pat同豬腳仔先上床覺豬, 之前佢仲細粒可以將妹妮成隻擺上鋅盤上坐係度慢慢洗完腳仔再另轉面洗pat pat. 但係而家太重了, yayaGigi都嫌佢重抱佢唔起, 改去浴缸淋浴了

今個月開始更認真戒奶...之前妹妮食量都幾驚人架. 一早起身飲240ml奶, 驚佢返學肚仔餓yayagigi又會再比cereal或包比佢食. 返到學校自己帶snack, 通常會帶麵包或餅乾...

有次Oli姐姐整左brownies比妹妮食,我地比佢帶返學當tea食, 放學時問佢食晒嗎? 佢話yes, 咁有無比同學仔食d呀? 佢話 no, I eat all by myself...獨食易肥呀!

放學返到屋企食飯呀, 粉麵呀做lunch, 之後半個鐘度, 佢又再飲240ml奶瞓覺豬. 瞓醒後又食下生果做 tea. 黃昏又食飯或粉麵做晚餐, 瞓覺前又再飲多支240ml奶...可能因為咁妹妮長到成個巨人一樣...比同齡小朋友往往高半個頭.

於是3Y8M開始, 先戒早餐支奶...飲小240ml, 妹妮都好快習慣, 無扭計要飲奶. 聽到yaya話唔好再奶樽, 佢都主動話要用杯飲, 不過暫時仍然都係用緊奶樽...每日減至兩支奶，睇怕真正戒奶，仲有排呀