12月28日，呢日我地遠行，去San Diego Sea World，其實San Diego 有動物園，Safari，同Sea World，但朋友個個都推薦Sea World, 於是一於走一趟。三個地方都老幼咸宜，除左啱妹妮又啱公公，唔駛成日去theme park賴低公公咁悶。
一早又去In－N－Out食早餐，我地9點9到居然一個人都無！！原來呢間10點至開，因為舅父drop低我地就去左買野，唯有係度等下啦，十零分鐘啫。
屎坑三日香，呢日仲揸住Sophia架
我地以為自己係第一個客，點知已經有幾枱客一齊等開門，我地係第4張單
點解妹妮個pat pat咁多肉既：？
見到隔離枱男仔，妹妮竟然夠膽去撩佢地喎！但係個男仔好似好尷尬咁，後尾仲搬埋枱潻
有得食了，點知唔覺唔覺已經成11點了！！
由我地屋企出發大約個零兩個鐘，但係中途又有塞車。好彩沿途都係海邊，風景怡人
去到SeaWorld已經成1點了！！要趕緊腳步了
今次精喇，上網睇下有無買飛折扣，點知Sea World周圍都無discount，雖有排隊買飛啦！成＄76張飛，好貴呀！
入場了！！
入到場都係週圍逛下先， 妹妮見到有好多人圍住隻蜥蜴，又走埋去排隊摸
隻野咁核突，真係見到都想走開，但係妹妮夠膽摸，仲話好滑架潻，佢真係好大膽呀！
周圍都係聖誕裝飾
其實呢度同海洋公園差唔多，都係睇下企鵝，海象，海獅，海洋劇場咁。不過可能對妹妮同公公一嫩一老都唔覺悶既
睇佢見到公仔都要攬一餐，見到真動物又點會悶呢？
原來睇白鯨，好大隻呀
再去Wild Arctic, 呢度有一個機動版本同行路版本，motion版類似模疑坐直昇機遊北極，但係條隊要成個鐘！我地揀行路版算了，唔駛排！
其實妹妮都夠高玩motion版了！
呢度佈置到北極探險基地一樣！
可惜北極熊就得一隻，仲要好遠距離望啦。係飛機比妹妮睇左套北極熊紀錄片，而家北極愈來愈細，北極熊就黎無地方住了，走到去無雪既地方，有d搵唔到食物就活生生餓死。
呢度又有隻海象，一劈野咁
呢度有真既冰牆，比人感受下北極有幾凍，同冰既感覺
跟住又去左海龜館
有咩睇得咁興奮呢？
但係呢個Sea World就係無咩餐廳，要行返出正門先有d坐低既餐廳，其他都係hot dog stand，只有hot dog賣。查實我地都無咩坐低過，只係坐係度食左隻熱狗又行過。
好彩咁啱海洋劇場仲有半個鐘開始，我地走去霸定位等開場，不經不覺都坐了半個鐘，叫做唞左下。 終於開場了！
其實真係同海洋公園差唔多，不過加插左人物有份表演，同埋多左故事性
散場時影番張全家幅先！
睇完海洋劇場，對面就係鯊魚館。呢度都有好多條大大小小，唔同品種既鯊魚呀
而家冬天，5點天已經黑齊了，一天黑無太陽氣溫就降低好多，我地都係打算行多一陣就走
呢個係Sea World既地標，離開好遠已經見到呢棵'樹'了！
d海豚好乖呀
行左一陣，反而見到有賣pritzel 既檔攤，我地買左個甜既cream cheese pritzel，入面塞滿甜cream cheese，好好味呀！好食到一致話要encore呀！
行出正門，見到有snow world呀！有雪撬比細路仔玩架，但係又想離開去Old Town食飯，所以無排隊，淨係玩左一陣雪咋
仲見到Rudolph 潻！幫聖誕老人拖雪橇果隻鹿呀，又影下相先
離開Sea World, 我地去附近既Old Town，EE話前幾日同朋友黎時有一間好味餐廳，於是呢晚去食晚飯。但途中妹妮已經瞓著左
呢個Old Town係遊客區，d建築物都好有特色，好似二百年前back to the future 3 既感覺
行入呢度就係EE話好食既餐廳
我地去到呢架'貨車'影相，有人埋黎話有免費相影，於是影下啦，原來都係想sell你買相。不過我地無買呀，淨係要左佢免費果張
就係呢張了！
呢度好多佈置呀
仲有表演潻
妹妮好似好enjoy咁
可惜餐廳要等個半鐘！！但已經7點幾了，唯有求其食第d野啦
只係順道見到香料鋪又入去逛下
呢d 好沙漠feel既仙人掌樹，係呢頭好普遍
最後我地又去hometown 食buffet，諗住用左上次送既coupon。 一心想黎到San Diego食下d地方野，點知又係hometown
不過妹妮又幾enjoy，佢不嬲都鐘意食buffet，可以走來走去嘛！
自己夾野佢覺得好好玩 -_-
估唔到呢度影相都幾靚噃
呢日就咁結朿了，回程去到近LA 時突然變得好大霧，d 霧好似由天降落黎一樣，由二樓咁高慢慢飄到地下，視覺睇到真係好得意呀！
