復活節假期,本來一早想去布吉hea下,但係check左機票, package勁貴,於是轉呔跟朋友再遊 長隆。舊年我地同另一班朋友係佛誕假期去,記得當時熱到汗流夾背,今次比上次早一個月,希望天氣無咁熱啦。妹妮上次玩得好開心,所以一聽到長隆已經興𡚒,加上上次爸B出差無去,今次佢就做導遊話比爸B知呢度果度。
我地一早去左食早餐先,呢日10:50船但眇錯以為10:30,一早就食完早餐等上船了。
出發前影張團體照
因為Kennis EE帶左畫面筆,所以我塊面都不能幸免
妹妮就梗係第一時間要畫啦!
Kennis EE功多藝熟,好快就畫到HelloKitty大花臉了!
捱左兩個半鐘船先到蓮花山港,再要坐多成大半個鐘shuttle
去到check 埋in 都成兩點幾,舊年可能搭早船,記得黎到無咁晏。因為另外兩個小朋友細d又唔敢玩機動遊戲,所以今次無去歡樂世界呀,妹妮有d失望。佢自從去過美國玩d好激既機動遊戲後,就上左癮,仲要玩好勁果d,所以今次無去我同爸B都可以避過了 :P 於是慢慢嘆下茶食個lunch
今次都係住狩獵房,但係因為有浴缸貴$200一晚,所以選了無浴缸。
因為無浴缸,於是無左由廳望入浴室既大窗口,於是多左呢個梳化位
唔去歡樂世界我地提早睇大馬戲!
佛牌團體照
今次天熱比上年涼快,雖然都廿幾度但係起碼無熱到滴汗,已經舒服好多了!
雖然預早左到,但係酒店預留客房區一樣爆滿,我地本來坐番舊年個位!
但係之後都走左去另一邊睇
其實舊年先睇過,都有小小擔心會同上次一模一樣,雖然大部份表演都大同小異,但係都有改動,不是完全一樣呀
妹妮就猛話比daddy聽我睇過呢個喇,我睇過果個喇
睇得好專心架!!
今次睇5點場,睇完可以食過正常晚餐,舊年因為去左樂園再趕去睇show,我地只可食food court咋。不過呢晚係酒店日本餐廳食,都係嘛嘛地,最好食反而係我地飲茶果度!