雙十節 birthday spa

雙十節係EE同大肥生日呀，今年我同EE約左去半島酒店做spa。聽落係咪好豪呢？其實因為半島有個生日優惠，包埋lunch，90分鐘spa同生日蛋糕，好'抵'呀！！一年先生日一次，對自己好D（雖然成日都對自己好：P）

我地2:30去到，首先換好衫來個pool side lunch

呢日天氣好好，可惜無開門行唔到出去個露台啦

EE生日快樂！！

我地著晒浴袍食晏，不過又好relax

lunch就係健康餐，我地略嫌清淡左D，我叫左蝦沙律頭盤

EE叫甘筍湯

魚扒都算清淡得來幾好味。

EE的雞扒

食完正餐仲有甜品

壽星同未來壽星，其實呢日都係我地隻肥貓大肥既生日呀! 好希望大肥健健康康，長命百歲，妹妮大個仲要買樓同埋你一齊住架！

食完個晏就去spa喇！呢度有個Thermal suite，入面有桑拿同薄荷steam，個薄荷蒸氣真係聞到連鼻塞都通架！

焗同蒸左一陣我地去左攤抖一陣等按摩

係呢度我瞓著左呀，跟住個按摩師入黎接我地去按摩。

係香港平時都有去按摩，不過呢度個按摩師手勢真係好呀，唔係泵骨果種效果，而係去泰國做spa既感覺呀！真係好想再去呀，但爸B又唔肯黎。呢D special offer淨係生日月至有咋，出年再黎過。

做完spa仲有 ＄300 coupon，同一個生日蛋糕送比我地拎走，真係大滿足！

十。八 爸B生日

吖，唔記得post番妹妮畫比爸B張生日卡潻！

其實爸B生日正日媽me要去上海，我地早一晚慶祝。爸B生日係星期二，本來想星期日提早去Morton's，但爸B一直唔舒服，於是呢日都係留係屋企食。叫yaya買左D鮮蝦，同埋包左爸B最鐘意食既餃子

妹妮既甜心爹哋生日，佢都好開心。妹妮日日爹D呀，爹D呀咁冤住爸B。但係爸B就好鬼鐘意妹妮咁冤住佢。睇下妹妮一邊錫住都不忘一邊豎起兩隻手指仔

小不了得全家幅，呢晚D蝦好好味呀，妹妮自己都食左十隻有多！佢好鐘意食蝦架！！

呢日買左Ms B蛋糕

黑白格仔襯晒男人啦

妹妮好似比爸B興𡚒呀，佢隻V手指又自動出黎了

個蛋糕好靚呀！！其實有幾個唔同款既可以揀，而呢個係butter cake，可能爸B未必咁鐘意食，但係又有芝麻味好似幾吸引，於是試下啦。賣相真係一流架，賞心悅目呀！

個蛋糕太靚了，容許我地影多幾張相 ：P

妹妮岳高晒頭咁錫爸B，冧到暈呀

爸B今年既願望係媽me對佢溫柔d喎! 哦，好易啫 hehehehe 祝爸B係願望成真啦

 撇開好唔好食，個蛋糕好似要用好多心機先可以砌成咁。雖然自己都幾有興趣整下蛋糕，甜品，但叫我自己整真係好難成事，錢就係要比人賺的。

每次妹妮見到蛋糕都當正自己生日咁，當然要親自切蛋糕同吹焟爉啦

切開入面都係黑白格仔架！

壽星佬食番啖生日蛋糕先

可能爸B麻麻地鐘意butter cake，佢鐘意海綿蛋糕多D，爸B居然話味道似美心D件裝西餅囉 -_-"

唔緊要，蛋糕唔夠吸引仲有朱古力！Godiva寄左張生日咭送左15粒朱古力，就用黎借花敬佛

點知又係益左妹妮。。。

妹妮。大肥

其實大肥都係十月生日架，大肥已經十三歲了。不過佢身體健康而且仲好靈活，一d都無老態。呢日妹妮講故事比大肥聽，最搞笑係大肥又好似識聽咁！ 妹妮一邊讀，大肥又一邊聽。

講講下仲挨晒埋去

再挨埋D

瞓埋上去潻，不過難得係大肥又好有心機聽故事

大肥真係好抵錫架，妹妮直情另轉本書比大肥睇。自己就倒轉黎睇， 倒轉睇又點讀呢？

妹妮又當大肥係枕頭，但係大肥又任佢枕，真係好似兩兄妹，相親相愛架！

祝大肥身體健康，而且長命百歲，我地真係好愛你架！

我們的十月節又到喇！

十月係我地一家既喜慶月，成家人都係十月生日啦，結婚週年啦，以往有睇舊blog既朋友都知了。十月一日，係我同爸B既9週年結婚紀念呀，但係我地都無特別慶祝，都係出街食下飯咁。今年十。一我地一早去左mega box飲茶。。。其實同平時weekend既活動無咩分別架。

唔同係今次除左飲茶我地唔係即刻走而係留係商場逛下, 其實想去反斗城睇下遲D妹妮生日會有無野啱駛。平時行反斗城妹妮都唔會扭買野，所以好放心咁行，點知佢同爸B去試晒D halloween面具！

妹妮已經記得我地年年週年都會去Morton's据扒，除左變成了傳統一樣，妹妮仲好鐘意食Morton's既洋蔥包。有次問佢想食咩，佢都話去ymca附近果間，食麵包果間呢！諗左好耐先知佢講緊Morton's。我地年年十。一都去其實都係因為有煙花睇之除又唔會因為放煙花加價，所以我地年年十。一都去囉。今年因為舊年撞船事件，所以今年無煙花放，我又諗住既然無煙花又點有咁多人去呢？於是無訂枱，點知呢日妹妮要求去食時已經無枱了。。。我地去左另一間好鐘意食既Tonkichi

原來十。一假期，無煙花一樣有好多人出街食飯架！好彩我地早出門先有枱咋，仲有私家枱。。。有布簾遮住果種呢！

影番張全家幅先！

雖然無Morton's咁‘高級’，但係一樣好好味，因為我地成家都好鐘意食日本野，同埋吉列豬架！

以往yaya都會同妹妮一齊整心意卡同買花比我同爸B賀週年，今年無整呀，以為連花都無潻。點知返到屋企，yaya真係買左扎花比我地呀！！仲多左兩隻有我地個樣既公仔潻

講真隻公仔真係唔係好靚，但佢好有心囉。

扎花都好靚潻呀！

扎花咁靚，比妹妮捧住影下相啦

最近yaya唔知係邊拎左部小型衣車返黎，仲車左條裙比妹妮呀！！呢日見妹妮著左條未見過既裙，問佢邊黎架？人地比架？佢話唔係呀，yaya造比我架！！

雖然塊布既pattern唔算好靚，但係手工真係幾好架！而且好fit，好啱身呀

妹妮直情當自己係model一樣，急不及待要示範下條新裙呀。