Day 2
呢條係我地apartment條樓梯,巴黎好多樓都係得4,5層高,但係可能係起左好耐既關係,好多都無lift要行樓梯。所以當我地租屋時都係揀樓層低d既,唔駛拎住行李行咁多層嘛!
今日開始用museum pass,因為我地買左2日pass,所以呢兩日要去盡museum pass cover到既地方。雖然話要盡去,但係心目中都已有幾處要去,同埋帶埋妹妮唔想太趕太辛苦,所以預算都係只去幾處為到本就算。
去巴黎點可唔去羅浮官?呢度珍藏左好多世界名畫。。。妹妮第一次黎一定要帶佢開下眼界啦!
呢度係標記,梗係博命影相啦
可惜天氣嘛嘛,仲開始有毛毛雨
雖然有museum pass,但係都要排一條長隊才入到去,不過都算快,十分鐘左右就入到
係外左影相就影得多,今次係入面影,無晒玻璃反光了
呢個係勝利女神
羅浮宮好大呀,呢日都幾多人
難得妹妮都幾enjoy睇畫
最出名既莫過於蒙羅麗莎的微笑了,妹妮一早已經聽過,最期待都係睇呢幅畫, 現場都係最迫人既一幅畫
羅孚官都分左3部份:(Richelieu Wing )遠東、近東、伊斯蘭文物;雕塑及14世紀至17世紀的法國油畫;德國、尼德蘭和佛蘭德斯油畫;
(Sully Wing):古埃及文物;近東文物;古希臘、伊特魯里亞、古羅馬文物及雕塑德農庭院(Denon Wing):古希臘、伊特魯里亞、古羅馬雕塑;17世紀至19世紀的法國油畫;義大利及西班牙油畫。
但係我地行左Denon同Sully兩part就算了
睇完畫再出去影下相,有毛毛雨,所以天色比較陰暗
跟住我地行去食另一'名勝' Angelina
好彩我地算早到,只係等兩,三張枱就可以入座。等位時見到d蛋糕已經流口水
我地叫左招牌特濃朱古力熱飲
呢個待應都好friendly!
雖然甜品好靚,但係lunch時候見隔離枱食鹹野,又好想食,於是的點了ravioli, 三文治。但係杯特濃朱古力真係好漏,我地叫左3杯,飲完都好飽!!
跟住經過Laduree無理由唔幫襯架!於是入去買左d Macaron外賣
買完macaron見到妹妮同爸B親親,即時影低比爸B,肯定佢回味無窮
因為係St Honore街附近,順便去朝聖左一陣,但係太多人了,Chanel要排隊,Hermes更加多人到無sales得閒理你。
好彩妹妮佢地又唔悶,可惜我地無買到任何野
妹妮後面係瑪德蓮大教堂 La Madeleine
對開就係Concorde
毛毛雨絕對影响行街意欲,不過我地下一站去聖母院Notre Dame
都係要排隊,但係都係好快就入到去
幾百年前起既樓點解可以咁宏偉架呢?
我地係入面行左一個圈就出去了,外面都好得意屋頂有好多突出黎既石像
本來我地個museum pass可以上頂樓睇,但係一早唔知個門口原來係側邊,我地錯過左開放時間,6點關門,但搵到門口已經5:45 唔比入了
我地沿住塞納河行下
一路慢慢行一路食macaron,都係一種享受
平時係香港食macaron妹妮都嫌太甜,但係呢日食每一件都好好味,無過甜,又有自己獨特既味道,真係好正呀!
沿途好多呢d攤檔,有賣舊雜誌,明信片,紀念品
行左1000米,到鎖橋 (Pont des Arts) 了!
妹妮都好想掛一把鎖係度,早知一早自備定一把啦!
我地無得寫唯有扮寫野影下相啦
其實而家鎖橋兩旁都已經圍晒木板,據說係因為d鎖太重會塔下來所以要用木板穩固住
木板小不免被人塗鴉了
離開鎖橋我地行去食青口
上次到巴黎第一餐就係食Leon's 青口,真係好味,今次又再來。
妹妮本來唔鐘意食青口,但係呢日試過後猛話好味,本來想encoure多一煲,但係怕食唔晒。但係呢餐真係平平地都好好味呀!!
今日行左好多路,我地旅行成日都做步兵,初初都有d擔心妹妮行唔到咁多,其實食完飯佢已經好攰想抱把。但係成60多磅抱唔到好耐,真係太重了,唯有返屋企覺豬囉