普通話兒歌 ＜小公雞＞

 

妹妮學左國語都有三年幾了，佢兩歲入nursery 班已經有國語學。幼稚園又有國語班，加上參加興趣班，佢d普通話比爸b媽me叻架。有次我將朱古力講成＂ju gou li"  妹妮即刻笑我亂噏！應該係＂巢卡Li " 至啱呀！

近呢半年普通話班換左老師，又會幫小朋友報下朗誦比賽，妹妮又參加下啦！其實比佢參加都係想訓練下佢大膽d，夠膽對住一班人講野。初初參加時佢都好怕醜好驚好細聲，其實玩多兩次已經明顯有進步，叫做大膽左。見佢唔記得台詞就深呼吸，好搞笑！雖然係屋企就咁大聲，但係去到比賽就點都有d怯，加油妹妮

妹妮最愛大海水

妹妮唔怕大海水，被浪冚完一D都唔驚，仲好開心！

又兩條片

上星期同妹妮去playroom玩, 佢自己執開晒d野將玩具擺晒入個空置既store room, 再用舊野擋住做收銀. 做老闆賣野都幾搞笑架! 而家日日都話要去開鋪, 不過yaya話唔係成日都有小朋友陪妹妮玩, 所以有時都開唔成鋪架.

之前管家婆又幫yaya手鋪床, 鋪完仲識拍拍下, 不過都係緊張d頭髮多d

 

幾段片

Yahoo Blog個upgrade真係唔掂，想post幾條片都做唔到！ 打好成篇野但係加左片之後D文字唔見晒！ 再加一條片就連條片都display唔到！究竟keep返舊function 有幾難？！
呢條片係兩個月前架喇，yaya教妹妮唱，靠記憶記歌詞唱到咁多算唔錯呀！

K1表演﹣summer holiday

6月24日，妹妮學校有表演睇呀！因為學校有好多班，要分好多日表演，於是我地呢日已經係最後一日，今日有8班表演。

唔講咁多住，睇表演先！

其實每班都表演兩首歌架，第一首係之前成日聽到佢唱既‘比比鐘意chu-gu-lik蛋糕’，因為相機用來影相，所以爸B用手機拍晒兩首歌

回帶睇返啱啱到會場時先，幫妹妮在衫腳打個結時，佢居然喊晒口話同學仔都無個結。。。咁細個就開始受同輩影響喇！好彩後尾見到D同學仔都有打結佢先無事。

妹妮同D同學仔都好friend架，拖晒手仔入場

好多家長呀，小朋友就由中間出場上台表演

學校叫我地幫小朋友著花碌碌恤衫加牛仔裙，原來班班都著唔同衫架。

妹妮出場喇！有D擔心佢會唔會發台瘟呢？因為老師上台都話D小朋友見到台下咁多人，可能會驚，叮囑我地唔好同佢地揮手架！

上到台老師幫佢地排好位

開始喇，見到佢好大動作一D都唔驚，個刻覺得佢好叻呀！其他小朋友都係，佢地咁細個又記得歌詞多跳舞仲有走位，真係好勁呀！

唱完第一首歌妹妮已經見到我地喇，仲係台上大叫爹D媽me！所以第一段片開頭佢猛跳跳下就係因為見到我地呀

so proud of you!!

跟住仲有其他班表演，我留意到老師原來係台下比指示架，所以D小朋友唔會唔記得D舞步

真係唔知我地睇表演時佢地呢左去邊？8班都表演完後，家長就順住班名離開表演廳，出到去小朋友一早已按班別排好晒隊等我地接放學了！

復活節假期 之飲飲食食

話明復活節, 都買隻復活蛋應下節啦. 其實今次係第一次買復活蛋比妹妮架. 呢隻唔係kinda, 不過入面都有公主玩具架

仲有chu 姑 lik 潻! 真係有得玩有得食架. 唔知第時會唔會成日買kinda出奇蛋呢?

最近除左食腸粉仲鐘意食叉燒餐包同錦鹵雲吞, 可以食到成個架!

仲有鐘意食生果, 咩生果都咁鐘意食!

星期四, 我地去同公公飲茶, 妹妮又即席畫公公個樣

未去到茶樓時, 妹妮落車就問係咪同公公飲茶? 凡我話係呀, 佢居然話好掛住公公, 我叫佢一陣話比公公知啦. 佢去到茶樓就同公公講 : 公公我好掛住你呀! 真係冧到暈啦.

飲完茶仲有時間我地一齊去馬鞍山公園放電

仲帶埋上次去錦田買既飛天玩具(唔知叫咩名), 妹妮自己都識玩!

臨走時見到石春路, 即時除鞋要行下先安樂, 不過一踩上去即刻叫痛要走

好似好耐無練過小提琴了, 上過一堂之後因為復活節假期又停了一星期. 如果唔練下真係驚佢唔記得晒.

好彩佢無唔記得, 仲拉得似模似樣潻!

妹妮講故之雞雞呢

funny videos

有個好好笑既video, 有日同妹妮玩play doh, 佢叫我整條蛇出黎, 點知整左佢又驚到叫, 仲大嗌mami KILL it!!!! 估唔到佢咁殘忍呀. 不過最搞笑係佢驚到 woo woo聲, 真係好好笑. 而家話 don make snake, make caterpillar. snake is scary, caterpillar not scary. 咁 spider呢? spider a little bit scary.

繼之前rock & roll star形象深入民心, 今次趁啱啱學識唱世界真細小, 就日日不停咁唱, 雖然係聽我地唱而學識, (連我都唔記得d歌詞, 有時都係lur過) 佢居然砌到成首歌出黎仲好proud咁唔怕醜唱比好多朋友聽! 今次仲彈埋結他solo, 問你死未? 睇下佢彈結他個手勢都好過癮架.

學校玩水日

呢排妹妮好鐘意被我揹，每次唔肯去刷牙，沖涼等，都係一話揹佢就即係肯爬上我背脊，好似騎馬咁揹佢出黎就最開心。

睇住自己個video，居然指住問who is that?

托晒頭睇得幾入神？

星期五學校有個water activity day，仲叫埋家長一齊玩。等我嗰日專登騰出時間走去陪妹妮玩，雖然遲左十分鐘到，一去到老師啱啱同妹妮玩緊。

嘩，玩到成隻濕水鷄一樣

原來幫公仔沖涼呀！成班細路走埋黎，不過都係各有各玩，無咩交流。

玩完一陣水，就同家長一齊玩Ｄ接力遊戲，將一杯杯水由Ａ點拎去Ｂ點。

跟住又分隊玩‘娟’山窿

要娟過晒家長既褲襠。。。真係要娟人褲襠好唔老黎，不過大家一齊玩就無所謂啦。

一齊影相，妹妮次次都笑得咁勉強。

跟住仲有得掟水蛋！雖然玩得一個鐘，不過有得玩水真係好開心，妹妮更加係樂而忘返。

就睇下妹妮點幫公仔沖涼，雖然手勢麻麻，不過都有板有眼。應該都係學yayaGigi平時點幫佢沖，又識𢳂下水臨頭過水，算係咁啦！

仲有之前成日睇Barney，學人一邊唱歌一邊扭來扭去，最弊係唱唱下會食帶，咪就係唔記得歌詞囉。

口不停

成日話妹妮口不停，睇下就知佢平時就係咁唔停口講野嘞。最新玩意係成日要我地一齊去‘露營‘，硬係唔係真係去露營啦！係入房呢入張被度玩咋！

學左一陣，唱得到sound of music首歌喇，不過口入面嗒住粒糖好似咬字唔正咁。

上回講過有本故仔書入面有princess Eliza同個巫師，妹妮就有樣學樣成日‘叮’我地等我地唔郁得嘞。

我家有個小波士

上星期日打算出街食晏，點知未行到落街比妹妮見到個小型遊樂場。其實平時要落街搭車都會見到呢個公園仔，不過我地好少走過黎玩，今日見佢叫住要玩slide，就去玩一陣囉。

是日飛佛係呢個‘tunnel’

又要爸Ｂ陪玩搖搖板。

我地住咁耐都係黎玩過一兩次，我同爸Ｂ都話呢個火車好似係新野噃

之後去Ｋ１１食飯

見到有動物妹妮又興𡚒得績種動物叫一次

最後揀去giraffe前影相

見到商場入面有個雕像，妹妮大聲問what is that?

跟住去銀座梅林食吉豬，爸Ｂ有鋪吉豬癮，暗啞底好鐘意食但又唔會成日食。

其實Ｄ豬都好鬆軟，我就叫了滑蛋豬，等妹妮都可以下Ｄ飯。不過奄尖聲悶的爸Ｂ仍然覺得Ton吉好食Ｄ喎。

個百厭妹最後只係食左幾匙，不過成晚依嘩鬼叫無停過。

好了走時趁妹妮自己掛住口嗡嗡時我地溜走，佢一另過臉發覺唔見左爸Ｂ就開始驚，ah...ah...ah...咁想喊了，真係頂佢唔順。