最近一連兩個星期六去了兩個生日會. 好多謝大家遨請我地, 祝兩位壽星仔快高長大, 聰明伶俐!
第一個係上星期(9.18)去Phil Phil一歲生日會. 妹妮第一次去麥記開p, 不過知道有party去已經好興奮!
送禮物比壽星仔先!
周圍好多氣球, 妹妮最鍾意呀!!
我記得小學時都係去過一次麥記生日會咁大把,今次都係第二次去咋. 因為大家都未食晏,所以猦狂叫食物. 叫到成枱係.
有妹妮最鐘意的麥樂鷄. 仲叫了奶昔, 估唔到妹妮咁鐘意飲, 飲晒成杯!
開始玩遊戲喇, 有個哥哥同大家玩, 都係d好輕kan的遊戲, 不過d細路已經開心到不得了!! 妹妮係玩遊戲一堆中較細, 所以反應無咁快.
不過個哥哥都比機會佢估問答遊戲, 當然係我幫佢舉手, 叫佢講答案啦. 都好嬴左個筆袋!
玩完遊戲場切蛋糕了!!!
一大棚人爭上鏡呀.
抱下一歲Phil Phil
又再食過, 連Phil 爸都話妹妮由開場食到尾, 好似無停過一樣.
就算有波波都手執麥樂鷄架.
細路都係見有波波就好開心, 真易tum
有生日會去, 妹妮真係好開心架, 希望朋友仔門多d搞生日會啦!
9.25日 係JJ兩歲生日會, 我地當然又係必到啦!
初初去到因為無咩認識的朋友仔, 所以妹妮搵玩具自己玩.
無耐就走去開餐
一邊食都可以對住鏡頭V架.
新朋友仔Sana大妹妮十個月,不過已經好叻識畫畫, 仲可以兩隻手一齊畫潻. Sana已經可以畫到花, 太陽, 相信妹妮而家畫個圓圈都好似畫符一樣, 相信要多一段時間先可以畫得似模似樣了.
同JJ影相, 妹妮仲未食完. JJ而家未識做V字手, 所以用兩個1 代替. 我記得妹妮都係兩歲前無耐先學識架
\大食積又去攞野食, 叫佢去大食會真係無蝕架.
同JJ合照...但妹妮個口仍然食緊野
後來突然同Sana friend左, 仲一齊攞野食
不消十五分鐘已經friend過打band, 攬頭攬頸
最嚇人係妹妮d 兀籮甫士
蛋糕出場喇, 好靚既 thomas 火車呀!
索性攞埋人d波波黎玩
啱啱學識吹, 點知吹極都吹唔出聲, 仲學人去整盅人, 去吹JJ
又去吹爺爺
Sana早走, 妹妮又另覓老友.
一陣又friend到拖晒手仔去厠所.
Joycelyn 5 歲大, 好似姐姐般照顧妹妮架.
今次識左兩個朋友仔, 第時3個一齊直程係Charlie's angels呀! 我地d大人話到時JJ就可以做Charlie喇, 哈哈!!!