成年無去過迪士尼了！妹妮講左好耐話要去，但係上左小學成日有測驗默書，真係無咩時間可以去到。終於捱到考完試了！！！努力左成個月，都覺得係時候要陪佢去玩下，放下電！星期二考完最後一科放十點鐘，呢日去接放學，妹妮都唔知去迪士尼架，因為我話遲d先去。於是妹妮話放學去"活動"，不如去公園玩吖！佢唔扭計真係好乖，點可以唔surprise你呢？
嘩！妹妮不經不覺有成130cm高了！！！平時上興趣班都有d小四，小五既同學仔同佢差唔多高，妹妮由出世時50cm，差唔多每年都高10cm...唔知呢個生長情況會持續到幾時？初初仲以為頭幾年會高得多d，點知好似年年都一樣添。
我地出街食完野嗱嗱聲返屋企換衫出發！！今次扮Sofia the first。去到見下Wendy姐姐，Wendy 姐姐係妹妮好細個時已經認識了，差不多每次去迪士尼都會探下佢架
Sofia條裙原來香港無得賣，好多小朋友見到妹妮都眼望望，仲有d anutie即刻問員工姐姐邊度有Sofia公主裙賣。妹妮雖然好鐘意Frozen, 但係佢就好鐘意呢條裙。好彩上次去美國見有折買左咋！呢日我地見到廿個Elza都有呀。
我地買左year pass，諗住如果妹妮一年考3次試，每次考完都黎都已經夠皮了！今個月member買野仲有6折，呢日烈日當空，於是買左把遮
呢d氣球真係影相最佳道具！
第一站我地就去左灰熊山莊！見到chip and dale就影左相先
其實我地分唔清邊個係chip邊個係dale，但妹妮話紅色鼻係Dale黑色鼻係Chip，佢鐘意黑色鼻多d噃
灰熊礦車居然關左檢查，我地去左迷離莊園先
原來成個迷離莊園只有一個ride咋，不過妹妮好鐘意玩呀，去到黑既地方又要驚又要玩
個城堡咁靚就梗係要影多d相啦
又碌到去toy story land了
降落山又係檢查了！我地去到Slingy，呢日迪士尼好小人，唔係排好耐隊就有得玩
妹妮成日話要玩RC Rider, 上次玩完都有d驚，倒後果刻離心力超強呀！！可能人老了，而家都覺得呢d好離心有d驚，叫妹妮自己一個去佢又唔夠膽，唯有玩啦！好彩個心仲頂得住咋！
我地行返去灰熊山莊睇下礦車有無重開，被影相哥哥截住我地影左d相
仲幫妹妮影左好多相添呀
我地買左一張就算了
之後因為無咩人 排隊，我地玩左兩次！呢個礦車雖然有d快但係就一d都唔驚
其實呢次黎住要想睇夜晚既夜光巡遊，仲有好多時間玩呀，我地消磨下時間先
盪盪下出返去大街了
上次（舊年）都無玩過tomorrow land，今次去玩下space mountain同Buzz。而家買左year pass可以再黎玩，所以唔洗好心急玩晒所有遊戲了，我地都玩左兩次buzz light year呀
又經過城堡
入左城堡就見到Frozen影相了，但係成個迪士尼好似得呢度有長龍，妹妮居然話排隊影相嘥時間，寧願去玩多個遊戲！Frozen都放棄真係唔明
經過見到Pluto 無人排隊，又話佢好慘於是反而去同佢影相
玩埋winnie the pooh終於夠鐘巡遊了，我地又好彩搵到個頭位坐
夜光巡遊又真係幾靚既
睇完巡遊我地即刻入左間餐廳食晚飯
可惜原來呢間就算有會員都無折 :(
食完野啱啱好8:30 放煙花，但係妹妮已經玩到好攰，要我揹住，我地無睇晒煙花就走了。。。揹足成條大街手都軟埋，成60磅呀！呢日都算玩得耐了，行左好多路，妹妮一上車即刻瞓著了，但總算係盡興呀！
