十月 哈佬喂

十月尾係哈佬喂, 每年都好想買套costume比妹妮著, 可惜讀過兩間學校都無搞halloween party, 所以最後都打消念頭

不過月尾halloween正日, 學校搞了個生日party, 大家唔駛著校服. 我諗大部份同學會著halloween costume扮野, 但係妹妮咁啱又係今個月生日, 都算係主角之一, 於是都係比佢著番生日衫算了.

今個星期突然轉涼, 我見手冊話十一月先開始換季, 連冬季校服都未買呀. 好彩有個party頂住, 唔駛著夏季校服咁單簿咋.

妹妮放學返黎多左個皇冠呀!

夜晚係爸b媽咪既天地了!!! 叫了幾個朋友一齊來拆蟹呀.

今年第一次食, d膏好多好正呀!

大家都好專心同認真咁食

連爸b都要有地專心拆蟹

廿四隻就係咁被纖滅了

Eldora姐姐去美國旅行買了對蝙蝠髮夾比妹妮, 趁halloween拎出黎夾下.

妹妮都好鐘意呀, 襯埋黑色衫好型呢. 夜晚樓下clubhouse都有哈佬喂活動, 不過妹妮慣了 8:30上床, 又無佢份啦.

 

爸b又單挑帶妹妮去街街

今次又搭mtr

大鄉里已經當係一個節目黎架.

過到海都係飲下野

食下雪糕, 以前妹妮食雪糕只會好似貓仔一様lam lam下, 食到溶晒都仲係lam得幾啖. 而家進步好多了, 會大啖大啖咁食!

回程爸b帶佢去搭船

 

呢d節目對妹妮黎講都算係新奇又刺激了!! 其實好想帶妹妮去halloween party, 可惜都無呢d party可去, 無野扮.

下晏表弟黎陪玩, 不過妹妮咁重, 兩個坐上單車都係做樣架喇

一個無節目既halloween就咁過左.  

3歲女

上星期日, 我家最後一個十月之星都生日了, 之後又回歸平淡, 要等成年先再慶祝生日了!

 

最開心都係妹妮！ 又有蛋糕又有爉燭，當正自己係主角，仲吹埋爉燭，仲切埋蛋糕潻!!

yayaGigi生日我地都會慶祝下架, 都係間間單單買個蛋糕咁啦, 大家都有得食, 幾開心!

 yayaGigi黎我地屋企無耐妹妮就出世了, 所以過往都有同妹妮一齊切蛋糕架, 不經不覺今年就第3年了.

呢張係上年妹妮兩歲

1歲

7日大

睇番d舊相, 覺得妹妮大個左好多呀. 而家真係大個女了. 以前我成日覺得d 有番一米左右高, 4,5歲以上既細路就已經唔可愛了. 因為又唔係bb, 又唔係細細個唔識講野, 反而成個大人一樣...而家妹妮好快就要踏入呢個唔可愛既歲數了. 不過輪到自己個女, 先知原來3歲都唔係大人得晒既, 仲有時都係bb咁架.

返左學兩個月, 妹妮學多左好多野...並唔係講緊學術上噃, 而係自理能力高左. 之前識自已著涼鞋，但對返學鞋有啪鈕就扣極都扣唔到，而家扣到了！每次去完街返到屋企識自動自覺除鞋仔。

手仔的mobil skill都好零活，而家油顏色都控制得好好

雖然出界就在所難免，不過都可以控制到在一定範圍內。

砌積木一樣OK，跟住圖畫照砌得到，個腦仔都轉得幾快。

做功課，沿墟線畫，無難度啦。

大隻妙3歲女，重36.8磅，高103cm。

睇番健康院本書仔，都係爆標一簇，over 97﹪

開始轉季，攞出D年頭去日本旅行時買的衫仔，當時覺得好大件，而家已經啱著了。買衫要買110，買鞋要10﹣11號（17CM）。

以妹妮過去3年，除第一年高左2Ｘcm外，兩年都每年激增1Xcm，佢應該好快去到我心口咁高了！

不過我都係想佢好似而家咁細細個

得意好多呀

上星期日一家人出街食晚飯，妹妮居然小有地肯戴head band，仲摸下自己個額頭話no hair -___-"