初一了, 新年快樂, 祝大家身體健康, 龍馬精神, 生意興隆, 財源滾滾!
今日都係去嫲嫲同公公屋企拜年, 妹妮瞓醒晏覺, 樓下就有舞獅喇! 妹妮好鐘意睇架.
於是落樓下睇現場舞獅
笑得幾嬌艷!
呢套紅色衫幾有新年氣紛呀! 仲有埋手袋仔架
出發去拜年了
出到室外咁好陽光見到自己個影, 佢諗起gruffalo入面隻big bad mouse, 又摸住個髻扮big bad mouse嘞
之前係屋企妹妮成日唱 '共屎共屎共屎le' 又識教番我一隻手冚住另一隻拳頭做恭喜恭喜, 點知去到拜年又唔記得晒, 仲叫都唔肯做
多謝大姑媽織左條溫暖牌比妹妮, 不過要錫啖都另歪臉, 真係唔比面!
一齊tum佢唱首歌黎聽吓吖
都係鐘意食多d
同埋鐘意走去窗台跳下舞
以往細個時拜年都好開心架, 又有得去街又有得逗利是, 唔知妹妮有無咁既感覺呢?
同表妹, 嫲嫲影相
又同表弟jam番part舞
仲有玩雜耍有得飛飛潻
每年都係例牌去晒兩家拜年同食飯, 行下超市買禮物.
跟住去公公度逗利是同晚飯
今日中國娃娃做型, 連舅父德都話要同妹妮影相呀
1月31日, 又係party time, 因為last day of school了, 上學期完結前有係生日會時侯. 妹妮學校每兩個月就搞一次生日會, 今次咁啱新年前夕, 於是學校叫我地準備中國服比小朋友去今個party. 妹妮萻起成隻糉一樣.
加埋兩隻髻仔成個中國娃娃咁
新年前要大掃除, 連大, 小肥都要沖涼, 媽me都要剪髮
年廿九, 同公公食團年飯, 出發前妹妮居然幫自己化妝
用手指揩下揩下咁
EE又去完美國返黎, 次次都幫手同妹妮入貨架, 新超好靚呀!
妹妮對姨丈又愛又恨, 又怕醜又想同佢玩
對紫色BOOT著左成年了, 今年啱著都已經出奇, 係時候入定新貨, 今次EE揀了紅色. 其實幾大對架, 不過出年都著到嘛.
臨近新年, 屋企都來個小小轉LOOK, 換左餐椅同燈, 插埋花
叫妹妮幫手封利是, 點知佢攞D利是封黎玩
叫佢封利是, 都不知幾開心, 好努力幫手架. 呀仲有呀, 今個月買左張新櫈比妹妮, 張high chair因為太殘掉左了. 妹妮都好鐘意呢張私家chair, 坐定定係度食飯架!
好落力呀
不過封左幾十封開始有D呆滯了
落地抖下先啦
叫佢幫手擺全盒, 又攞d糖排隊
偷食多過幫手
呢隻馬仔而家小左玩, 爸b話將佢捐去樓下playroom, 等大家一齊玩, 妹妮又可再坐下. 臨別秋波, 妹妮騎番幾下先
其實佢都鐘意玩隻馬架, 不過成日收埋無拎出黎就無玩之嘛
年卅晚, 我地自己食團年飯, 不過我地不嬲無講究, 求其去買左d野食火煱咋.
清清地食下肥牛呀, 肉丸呀, 菜呀咁咋, 無特別大魚大肉呀.
出年可能叫yayagigi整下花膠呀, 冬菇呀咁啦
新年又到了, 新年快樂!!
準備過年了，一年好快又過，轉眼又到新一年！而家好似只有農曆新年先叫有D氣紛，個個都可以放假，D鋪頭又刪晒門，焗住你同屋企人或朋友拜年。又要趁放假前唱定錢派利是，又要執屋。而且個個都會趁新年前剪個靚髪，修個靚甲。妹妮同媽me都剪左頭髪呀，不過妹妮個頭就梗係出自YayaGigi手筆啦！
（親）子‘妹（妮）’頭
除左個人要打點一翻之外，屋企都唔例外。新年前夕的星期日，我地去花墟襯下熱閙。
前幾年通常都係約埋大姑媽臨年尾去買花，仲每年都買桃花架。不過今年天氣凍，新聞話好多挑花都唔開，爸B話買插花樽的就陪夠了，於是帶埋妹妮一齊去。
噢，其實想去花市架，不過未食早餐我地求其去附近餐廳
沿途行都有好多人， 開始迫迫地了，都係行去花市啦
妹妮見到橙色花，佢猛話要orange flowers
又爸B tum一輪先肯走，真係要買橙色花一樣
於是我地經過雀仔街行去旺角花市
一路行見到任何掛係樹上的雀籠都會大叫‘LOOK！！’
手指指
除左睇到雀仔，仲有草蜢潻～
終於行到花市了！！！已經好多年無同爸B一齊行花市了，更加好多年無夜晚年卅晚去行潻！今年一早十點幾就去到。
點知可能太早，好多乾貨鋪都未開呀，不過妹妮離遠見到D 氣球已經跑埋去！好彩無𠼱住要買
跟住我地去買花花罷啦
最後都無係花市買花呀，我地返花墟買了百合花算了。
晏覺後我地又去呢排成日行既宜傢，因為爸B話想買D野佈置下屋企
妹妮今次坐入車入面
第一餐圍年飯由嫲嫲屋企開始
妹妮今餐食左好多海參呀，佢話係啫喱喎！除左海參仲有食下魚同小小鷄，跟住仲有冬甩潻
大合照！
