二月二十 - 二月二十四日, 又有得飛喇!! 今年有幸跟公司去旅行, 目的地--沙巴!
雖然沙巴比較冷門, 不過我同爸b好多年前拍緊拖都去過架...咁數下都有起碼6年了. 今次再跟公司去, 不過掉低妹妮同爸b, 同一班同事一齊大旅行. 一早8點起飛, 兩個幾鐘就到, 香港得十三度, 去到有成三十度, 離遠見到都知係陽光與海灘了.
Day 1
一到步即刻食lunch先, 之後先上房settle down
上次黎住megellan hotel, 印象唔錯, 又近市又幾靚. 今次住Nexus, 間房幾大, 不過得一個人瞓咋噃. 之後酒店將兩張床迫埋變成一張大床
沙巴d酒店好似好興呢d木屋頂設計, 兩間酒店都係咁
跟住去function room玩team building. 隨左玩d basic遊戲, 大project就係分組起橋, 咁多組起好後再將所有橋泊埋一齊
要比呢架四驅車駛過又唔冚先得
team building完結就去海邊間sunset bar飲野
好耐無去resort, 因為近年有得去旅行都揀日本, 所有真係好耐無同陽光玩遊戲了. 其實係resort入面hea下都應該幾好玩既, 下次可以考慮帶妹妮去下d熱帶地方呀
第一晚就跟住大隊出去食晚飯, 係咁就休息了, 準備第朝要去玩激流呀
Day 2
一早食過早餐就上車去玩激流, 坐車都坐成45分鐘先到目的地. 我地一團人都係玩初級的. 約4-6個人一隻艇, 我地5個出發前影番張相, 不過我地似戴頭盔同揸泥鏟既地盤工人多d.
哈哈, 睇番駐場攝影師影既相, 都好似牚得似模似樣咁噃. 其實我地包尾, 只係hehe haha咁求其牚, 見到其他同事d艇過頭, 真係覺得人地好似雷霆救兵咁架
玩完一個上晝, 再食埋晏就自由活動, 好彩今早好天咋, 因為食lunch時就開始落雨了. 我地再去sunset bar食個tea...pizza
之後大隊出town行街, 但係今日落雨, 我地留係酒店玩啤牌, 仲要去我間房玩.
真係主場有利, 我係大贏家!! 成床都係錢呀!!
晚飯又係搭旅遊巴出town食, 呢間酒店離開個town太遠了, 要成45分鐘車程, 想夜媽媽出去食個宵夜都好難呀!
Day 3
一早如常去池邊食早餐, 個景咁靚點都影番張相啦
跟住出town搭船去私家島
個碼頭都幾靚架, 好似d漁人碼頭咁有晒茶座同餐廳
同事們都博命影相
上船了, 我地分三隻船先坐得晒
去到個島有條橋, 就咁睇真係有d馬爾代夫feel架
即時變成景點呀!
早上主要玩水上活動
第一樣係飛魚, 其實係打孖香蕉船
目的都係要拋你落海, 所以要用力拉住個handle同大脾用力夾住隻船, 所以玩完5分鐘後, 之後幾日雙臂同大腿都充滿乳酸, 跑都跑唔郁!
跟住玩降落傘
其實仲有其他活動如海底漫步, 香蕉船, 鈞魚等可以玩架.
lunch後再玩潛水, 今次第一次揹樽潛水呀, 不過好唔慣只用口呼吸(講就好易, 但落到水又唔係咁易噃) 我只係潛到大概十尺深隻耳就痛, 但係又唔記得要鍊住個鼻出氣, 又返上水面了. 不過個海都唔算好多野睇, d珊瑚, 魚都係灰色的多.
儲齊成班人, 又係影相時侯
有無四葉草feel呀? (中年四葉草 
)
玩完一輪, 經過呢個用樹砌既拱門去海灘另一邊食晚飯
過到島的另一邊, 啱啱睇到日落, 個景好靚呀, 個個不停影相
好多人呢, 但係都未齊晒架, 今團差唔多有成40人呀
開席前仲有野火會, 由經理點火開始
海邊擺了四圍, 真正beach side dinner
仲有跳舞表現, 又請左d同事上台一齊玩
每人一隻紀念品
臨離開個島我地點了孔明燈, 平時睇就睇得多, 第一次有份點咋
返歸了, 今日算係最多節目了.
Day 4
一早起身係spa 時間, 每人有一part 個半鐘, 爽!!!
午餐後我地跟大隊出town行街, 咁多年無黎過而家沙巴現代化左好多了, 起碼多左d比較新型既shopping center. 不過行mall前再去食野先
地道海南鷄飯, 好平架
加埋四杯拉茶都係hk$73咋!
行完shopping center(都係無咩買) 就去食d晚飯
餐廳係海邊我地又忍唔住去影番張相先
今餐晚飯又有表演, 今次我都有份上去玩埋一份!
晚飯後, 我地去左另一個shopping mall hea 一陣先再去食宵夜. 點知就係行緊mall 8 點鐘到就收到爸b電話, 話小肥永別了...真係即時咩mood都無晒了. 之後都再join番大隊去食宵夜. 自費宵夜真係好好味, d海鮮好新鮮又平又抵食, 不過講到尾個刻心情食咩都無味了.
第二朝一早食完早餐已經直去機場了, 沙巴之旅就始結束. 希望出年公司會再搞呢d大旅行啦!
每次去生日會都驚覺時間過得太快, 不是Ellie識行識走即係妹妮又多個玩伴了. 暫時Ellie仲細, 每次do-re-mi 3個一齊妹妮都淨係捉住康然玩, 妹妮好快可以捉埋Ellie玩了. 
