朋友聚﹣山頂遊

每次去到宜傢都好想搬呢個厨櫃返屋企架，如果妹妮仲細都可能會買，因為佢咁高大，怕好快就高過個櫃，高度唔啱就唔想再玩。唯有間中帶佢去玩下啦，佢好鐘意玩架

本來今日計劃去沙灘，點知又打風又話有雨，我地改去山頂玩。

個個都係啱啱瞓醒晏覺未食飯，於是去醫醫肚先，但係又唔可以食得太飽，因為晏D book左食晚飯

有薯條就個個都興𡚒！

出去瞭望台睇下風影同影下相先

Ellie仲細個成日要爸爸抱住，康然就可以同妹妮走來走去，所以妹妮好鐘意拖住康然玩

去到行山徑又影下相

影相都係去山頂既主要節目了，去到邊都搵位影相

三個湊女公

而家抱妹妮真係好吃力，只抱到一陣就要放返落地

例牌每家人都影下全家幅啦

再去商場過下冷河，我地就出發去食晚飯了

因為有Kennis EE d coupon要用，我地去Ruby Tuseday，好耐無食過RT了。

張coupon話6折，於是我地好似唔駛錢咁瘋狂點菜！

每人都飲特飲 ：P

點知埋單折完都成二千幾蚊！！而家物價真係通漲左好多，D野都貴晒。

不過成班老友坐埋食飯，又真係幾開心既

端午節BBQ

去完沙灘游過水食飽飽覺豬豬後我地出發去EE新居BBQ，本來諗住早小小到，點知同妹妮一齊大覺瞓左兩個鐘，瞓醒都成4點了！EE搬去個新屋苑，我地去踩下場先。而家D新屋苑真係幾grand架

姨丈落黎接我地，平台都好好view架

行行下先發現原來3個都係紫衫人

呢隻貓叫肥婆，同大肥一樣都好老架喇，不過好火氣，摸多兩下都唔比架，好彩妹妮又唔驚佢，繼續摸

參觀新屋hea 一陣，妹妮又有班蘭蛋糕食又有橙汁飲，仲好招呼過係自己屋企

飲飽食醉就落去樓下參觀下會所

個playroom都好靚，好多遊戲，妹妮呢個歲數都仲啱玩，再大D可能嫌悶了。最好係成日整蠱佢既姨丈肯同妹妮玩，其實妹妮都好鐘意同姨丈玩架

playroom都有mini ghost chair，型！

仲有得扮揸車！

呢個牌子既屋苑都有呢D銀花樽，令到好似照鏡一樣！

嘩，姨丈抱抱，再大D妹妮可能唔肯比人抱了。。。又或者抱佢唔起了

6點鐘去BBQ場，姨丈個家姐知道妹妮係度，專登買了一同糖比妹妮。。。同糖就係交友既橋樑了，妹妮第一次見都即時跟住晒，仲熟到成日Angela Angela咁叫人 -_-"

爸B扮幫手

妹妮同新朋友Angela EE

個個都去扮下煮野，其實係貪玩多D

好快燒到天黑了，其實都開始熱，可能要等秋天先可以再燒野食了

妹妮見到個花樽都忍唔住要照下鏡呀 ^O^

端午節游龍舟水

今年第一次去沙灘呀，今次去左黃金海岸。己經N年無黎過，數下都有成十年有多了。妹妮心急到將件泳衣笠頭！

十點鐘到已經迫爆停車場，等左成十幾分鐘先有位呀。。。差D想走架喇

個灘又唔算太多人，妹妮見鏡頭就即刻V起手仔

第一時間已經走落水

早前去story telling 聽完 the sand turtle個故事，今次砌下sand turtle

砌砌下又去浸下水，今次帶左幾年前買既水泡，妹妮直程瞓晒上去，下次應該買個浮床去玩

番上岸又再砌個海龜

成形了，不過細左D

玩完水去海邊餐廳食埋晏

通常沙灘餐廳都係食下熱狗，小食，呢間卻係意大利餐廳，個carbonara同pizza又幾好食噃

下晝仲有節目呀，嗱嗱聲食完番屋企覺覺豬喇