7月2日 Day 2
一覺瞓到第二朝，其實妹妮內置左個閙鐘，就算幾點瞓都會每朝7點左右醒。醒左當然就好似開籠雀一樣把口不停口噏噏，唔叫醒你都比佢嘈醒！
沖個靚涼先！出面係入我地房既小徑，不過都唔知會唔會有人經過架，所以影完相即刻拉埋個簾。
行落去餐廳食早餐
行落山條斜路唔算長，一陣就到
嘩！ 食物種類比尋晚自費BBQ晚餐仲多！有中式，有西式，有泰式，妹妮唔駛＄最抵，除左免費食仲有大把smoothies 任佢飲！
一早食左意粉，香腸，粥，cereal，泰式湯粉。。。全部妹妮食架！
一望就知我地係遊客，哈哈！
泳池旁邊有個kids' club，見酒店個agenda話今日有個candle gel making class，於是去問下啦，原來唔駛等都可以即時整架，200銖啫。個度d姐姐都好友善又有心機，教妹妮整爉燭。除左爉燭要比$, 其實呢度好似playroom咁有姐姐陪小朋友玩，唔收錢架。
妹妮揀左個有d curve既pattern，就開始將唔同色既沙加入杯中
加到咁上下滿就加d 小貝殼同珠仔裝飾
搞掂！之後姐姐再幫個杯加工，鋪一層gel係面定型，我地去游完水返黎就有得攞喇！
我地返房換完衫落public pool游水已經鋪左gel晒緊等乾了
每朝都有個aquacise班，即係water aerobics。香港要上個咁既堂好貴架，所以我同爸b今朝都有玩，妹妮就係岸邊睇住我地。個班得半個鐘不過真係有小小攰喎
妹妮勁鐘意係個pool度玩
影下全家幅，我地後面就lobby 同餐廳，幅相左邊係酒店另一邊，個邊都泳池，餐廳，個spa center 都係個邊。
游池個poolside bar 比較淺水，妹妮成日游埋去，d 待應仲請佢飲沙冰潻！
天色唔算好好，不過無落雨已經還神！黎呢d resort都係想游水hea 下啫，落雨就唔知可以做咩了
有d 圓角級，妹妮當係滑梯咁sir -___-"
行番房再游過！
開始出太陽喇！正！！！
妹妮淨係有水游就得，玩左成個上晝都仲話未夠
又再沖涼喇，我地真係用盡個bathroom同個pool呀！
我地係最遠個間villa，無人高過我地，裸泳都得！但隔離個間矮d, 我地就望到佢地個pool了
妹妮沖完涼飲支奶就瞓覺豬，可能游水放晒電，一瞓就瞓兩個鐘！瞓醒都3點半，今日决定出城逛下，我地出發前準備兩本布吉旅遊書都漏低無帶，係機場買左一本，不過無咩好吸引既介紹
去最旺既芭東海灘行下先
順道去Jungcelyn商場行下食下tea
點知妹妮話要食麥當當，我地諗住陪佢食小小就食第d野，點知食小小都已飽了
行下商場啦，個商場就大，但係無咩野啱買，淨係妹妮買到條車仔檔印花裙！仲要係佢自已揀潻
之後去沙灘睇下咩環境，諗住如果好既都會黎游下水嘛！呢度好似芭提雅，岸邊有人玩降落傘架。
沙灘對面就係遊客街，好多餐廳同店鋪
街上都印晒芭東既標誌
行行下都有路邊檔架
仲有好多海鮮餐廳，露天餐廳，入黑就係飲酒既地方
好想食呢個香蕉pancake，好多年前黎泰國食過好好味，但係又差唔多要食飯，忍下口先
其實都無間特別想去既餐廳，不過想食下泰國野，於是篤左一間食宮庭泰菜既。係Thavorn beach village & spa 間酒店入面
妹妮話呢隻象係佢隻pet喎
呢間酒店都好靚呀，好傳統泰國feel呀！
d石雕擺設都好靚
唔知d房入面靚唔靚呢？下次可以考慮下住呢度噃，不過梗係覺得個泳池似水塘多d。但係又真係有幾個外藉人士係個pool side度攤唞架
行到海邊間餐廳喇，叫old siam。
入面要除鞋架，唔知d 野好唔好食呢？
遠望說係芭東海灘喇，天黑就見到點點燈光
個氣紛都唔錯，不過價錢唔平呀，埋單都成2400銖！
妹妮見個飯蓋係同葉做，好鐘意囉，但食物水準就普通，好似曼谷食個d 好味D
