妹妮整包

見到好多朋友都買左麵包機，整出D好靚既麵包，睇相都已經覺得流口水！於是的起心肝買番個，除左貪玩係因為妹妮成日都食麵包，學校每日都要自備小食，有時我地都係買麵包比佢帶返學食。所以買部麵包機都唔會嘥，一定會整黎食。



第一次試整妹妮梗係興奮啦！！幫手倒下D材料入鍋。倒倒下佢話：媽咪，你好犀利呀！ 
我問 ： 點解呀？
妹妮：因為你識整麵包囉！
我答 ：你咪同我一齊整囉，你都好犀利架！

好多朋友都係買呢個象印麵包機，真係好易用架！小心翼翼將所有材料放晒入鍋，不過都唔係即刻有得食架！因為最快都要等兩個鐘，我地就set timer，聽朝起身就有得食喇。真係好似叮噹D發寶咁，劈晒D料入去，攪都唔駛攪就變到麵包出黎，科技真係日新月異呀。

一早起身妹妮已經聞到麵包香味！好開心去打開個機蓋，仲買埋把兒童刀比佢切麵包潻呀。

其實呢次係我第3次整了！第一次係一攞機就忍唔住即刻買料係公司同同事一齊亂打亂撞即整，效果係3次之中最好！！！第2次因為用左妹妮奶粉代替，個包升唔起，原來食譜入面D dry milk唔同細路D奶粉架。今次就好成功嘞！！

切開入而都好鬆軟，揸埋牛油真係一流呀！！

爸B買左個ipod nano手錶，比妹妮試戴，佢居然幻想自己變左超人！

識飛潻呀！！



超興𡚒！



仲笑到見牙唔見眼﹣＿＿﹣”



就係呢個象印麵包機了

第一次試已經可以焗到個包升得好高，反而之後再焗都無升得咁高，所以第一次可以話係大成功！！



出爐了



打開入面都好軟熟架！

貓相集

妹妮間中就話要探下大肥，佢仲話自己‘LOVE’大肥潻！



幫佢影相，佢就好像D明星咁反影番我轉頭！

好喇，去摸下大肥啦！妹妮無忘記小肥同肥婆呀，成日都提住佢地兩隻上左天堂

大肥真係好鐘意好鐘意人地摸佢架！一摸就扯晒鼻寒咁 咕咕聲，又典晒地咁！

食buffet

12月3日

本來呢個星期諗住同妹妮去多次大棠荔枝園, 見佢自從上次去過後都成日提住. 點知尋日突然話 : 媽咪, 我想食咖哩呀
我 : 吓? 係咪curry呀? (你do未食過咖哩)
妹妮 : 唔係呀, 係buffet呀 (仲要好似講秘密咁兩隻手仔包住個口係我耳邊講)
哦....!

其實對上一次食buffet都係一個月前之嘛！！同埋Oli姐姐同John哥哥佢地一齊既

爸b都話好耐無食buffet居然讚成一齊去食! 平時去親食buffet佢都話唔鐘意夾硬牚咁多野入口而灑晒手令晒頭，今次居然讚成去食！不過可能之前成日都一大班人去食buffet, 出發前妹妮問仲有無人一齊去呀？我話得我地3個咋，佢話’叫多D人一齊去吖‘

搵左位後褸都未除，都未坐低就一支箭標左去攞野食

好快又食第二輪了，我覺得呢間酒店既炒A8和牛幾好食噃！

初初妹妮都嫌隻碟重，不過拎左野食又好小心翼翼咁捧住隻碟埋位

而家要收錢，所以都食番夠本呀

媽me仲好鐘意新鮮炒既意粉，好好味！

不過正經野都係食得唔夠多，佢好似大部份女仔一樣有第二個胃食甜品！一食到呢D細細杯就可以食到好多抔架喇！

仲有次次必玩既朱古力噴泉！

仲有雪糕同pancake呀

一路行一路望到流口水

哦哦，忍唔住lam lam喇

飲埋暖朱古力，飽晒！！

影下聖誕裝飾，順便當散下步

好滿足咁埋單走人呀！每次食buffet都要捧住個肚走架

自拍

食飽後我地返屋企齊齊大覺瞓，簡直同豬一樣！過左一個好悠閒既一日，瞓醒覺妹妮面珠紅卜卜，成個蘋果一樣！暑假時去完有吉妹妮變左燒豬仔成隻晒黑晒，不經不覺，幾個月過去，終於變番白裏透紅了！！ 之前笑佢黑媽媽扮唔到白雪公主，佢仲話咁扮住Jasmine先啦，而家可以扮番白雪公主喇！

其實食完個buffet我地都未飽完，不過我地兩個飽妹妮都要食晚餐架，於是又出去搵食，今餐食D light D既’輕食‘。。。魚蛋粉啦！

買埋麵包返屋企比妹妮第朝食

返到屋企YayaGigi買左兩條頸巾比妹妮呀！一條雪人， 一條鹿仔，啱啱我同妹妮一藍一紅襯晒色！！

妹妮仲當兩個公仔係人，扮鹿仔同雪人講野！

 

 

 

 

 

 

 

轉季了

好小帶妹妮去打邊爐，因為通常打邊爐都好迫夾，驚D傳菜同熱野會意外淋錯人呀。不過而家天氣開始凍凍地又有條邊爐癮。。。於是3個人去打邊爐，平時同同事去一大班人可以食到好多野，而家3個人加上妹妮食半份，只可叫小小。點知妹妮原來都好鐘意食肥牛架！連蝦丸同墨丸都食得好滋味。佢呢個樣並唔係覺得唔好食，係太肉緊啫，每次食野都係咁嗡晒口臉架！



有得拾下拾下，幾爽！



星期六同埋yaya一齊去飲茶，話時話自從妹妮大左（大概都係今年開始），我地都好小要yaya跟埋我地出街了。以前都係我單挑約朋友時會叫埋yaya一齊去幫手睇下妹妮，餵下佢食野。而家妹妮大個左又容易湊好多，又識自己餵食，都唔駛yaya出黎，所以好耐無同佢一齊飲茶了。

爸B最鐘意唧妹妮



因為去得megabox多，而家妹妮飲飲下茶都認得出面紅色果座叫megabox呀！



尋日係街邊檔仔買左條裙比妹妮，佢鐘意到著左都唔想除，今朝起身第一句對話就係 ： 媽咪，今日可唔可以著條裙呀？ 當然可以啦，唔係留返黎幾時著噃！我地好日都無特備節目既！

慨然扮靚靚媽me又要讚下佢等佢增潻自信心。。。小朋友要有自信先得架。所以佢成日都係我地口中既smart girl啦，good girl啦。不過平時都會叫下佢肥妹仔，笑下佢大汗臭崩崩既。


信心十足既笑容



件cape仔都係鋪仔出品韓國貨，而家D韓國貨已經做得好精緻，拍得住日本果D喇！



不過扭頭扭髻係佢自創甫士，我地之前並無教過佢架！