新Playtown + 蒙古燒烤

打占寫左今日先， 一早起身我地係屋企食小小野就出去玩了。今日帶妹妮去新開既九龍playtown，其實playtown之前係九龍都有分店，可能小人去所以執左，而家再開番對我地D九龍人都係好事，近近地有得玩吖嘛！

最開心莫過於妹妮啦，佢一聽到有playtown去不知幾開心！不過沿途又話：呢度都未去過既。仲問爸B係咪行錯路潻！而家好巴閉架，佢認得路，以前黎過會認得架



呢度其實都係用番之前舊鋪既物料，所以都係埃及主題



不過就再大D，多左呢D大型滑梯



同埋呢條旋轉滑梯



我地自從妹妮生日會後都無去過呢D室內遊樂場了，所以妹妮玩得好開心，成身出晒汗！



最弊係佢成日叫住‘爹D’，爸B唯陪玩跟到足




去過大棠荔枝園之後妹妮練到好大膽，玩繩網一D都唔怕仲有咁高爬到咁高！仲成隻馬騮一樣掛住係個網度



我地玩左半個鐘已經好似玩左好耐咁，但係＄210／2大1細 半個鐘就走真係好嘥，於是叫妹妮繼續玩啦！



即係爸B都要繼續一齊囉！



兩個反轉係玩滑梯



妹妮幾開心！



終於玩到妹妮都話要休息下



好攰喎



呢個時候我地發現有擧石玩，妹妮即刻走去玩



又幾叻噃，爬得幾高



仲一D都唔驚架



爬到最頂了



一鬆手鬆腳就sir番落地了，佢話好好玩，爬左起碼6，7次！



最後都hea左成個鐘我地先去食晏



點知出到門口，醒起呢個彈床未玩噃，玩埋先啦



妹妮好鐘意跳彈床架，有得跳真係跳番夠本呀



我地見近近地，係playtown隔離有間mongolian sizzler， 於是走入去試下！好多年無食蒙古烤了，以前係LA都間中會同媽咪一齊去食下，都成十年了。。。記得以前好似四個幾美金就有得食（午餐價），而家唔知收幾＄呢？呢度就收＄88/大人，＄68/4﹣11歲。價錢都合理既，任食噃～！

妹妮就未夠高夾餸，要抱起佢先夾到，有部份餸近開面都勉強可以自已𢳂得到



揀完麵/飯，再揀餸，再加自己心水既醬汁

香料，妹妮就揀提子乾

妹妮呢碗就有粗麵，蝦，扎肉，栗米，青豆，魚肉



醬汁就揀左豉油，照燒汁同蒙古汁，唔知好唔好味呢？



揀好晒然後放向廚房枱面，師傳就會幫我地炒熟佢架喇！



呢碗爸B



呢碗媽me既



排晒隊好整齊架，自己返埋位，煮好就有人送到上枱架喇



妹妮話自己果碗好好味噃



我呢碗炒好就係咁樣，同以前係美國食個D唔同，我記得以前D肉全部都好簿片卷埋晒既，呢度D牛肉就厚D。同埋以前果D廚師，就算唔同地區既餐廳食，廚師不約而同都好似墨西哥人（定係蒙古人？）



我同爸B都食左3輪呀！每次食小小，可以炒多幾次嘛，妹妮自己都炒左兩碗



其實佢想出去夾野多D囉！見我夾緊佢都走出黎問我駛唔駛幫手揀野食！



同個廚房影下相



食完仲有生果同甜品任食，其實都幾抵食既！下次再黎playtown都可以再食多次



今日節目就係咁多了，我地埋單返屋企都已經成兩點幾。妹妮話今日好開心，因為有得玩有得食！佢話因為佢係細路仔所以無得自己煮，我話我係大人都無得自己煮架，廚師煮嘛！佢話火鍋就可以大人自己煮喇



瞓醒晏覺，睇套電影，又一個sunday了！

東京箱根之旅2012 ﹣ Day 5 去探Anpanman

有一晚食完飯，爸B吩咐妹妮去買薯片，點知佢又真係咁叻買啱晒！！ 真係好似阿笨阿詹咁！

2月 1日，今日係last day了，晚上就返香港了。每次旅行去到最後一日都特別唔捨得，一來唔知下次幾時再來，二來返到香港即係又要開工，back to normal。一早起身最後衝刺浸多次溫泉先。其實妹妮真係好鐘意浸溫泉架，黎之前我問佢仲記唔記得舊年去日本浸hot spring呀？佢猛話記得，仲話記得舊年佢個額頭貼住塊貼潻！又係噃，佢舊年到日本後第二日就開始唔舒服呀陰功。今年佢一早就講左要黎浸spring （係hot spring至啱！）



欄桿出面係條河黎架，D水流都急架，一直有流水聲架



呢個外廳其實係無暖氣架，氣溫同係條街差唔多，好凍下架



浸完浴去食早餐，呢個餐廳望出去個實景都幾靚架



仲有估唔到間旅館都幾細心，我地住兩晚，兩朝早餐係唔同架。我見其他枱大部份都係食我地尋日食果set架，可能佢地有mark低等食客唔會日日都食一樣既野

食飽飽返房執好行李準時十點出發，因為我地想臨走前去下橫濱探下anpanman呀。對上兩年都係黃昏至黎到，個playroom都關門我地淨係可以去逛商店咋。所以今次見有時間又無特別地方好想去，就再黎多次等妹妮開心下囉。



點知因為中途睇錯gps早左一個路口出就嘥左好多時間先塞得番上hi way, 足足嘥左我地成45分鐘呀！！終於到了，妹妮好開心呀！

好期待入去玩個playroom架



不過個playroom都成1000円，我同妹妮入去，爸B就去左shopping。入到個playroom原來有3層樓架，架𨋢都好精緻，有晒anpanman D公仔架。



上到黎原來都只係有好多display比你影相架咋，無咩野玩架

我地盡快影晒相落番樓下玩下



除左display就係呢D假檔口，影相用既。扮下賣湯麵



扮賣壽司同雪糕



火車都坐埋，其實樓上真係無野玩架。我地好快就走返落地下



點知初初以為係個好大既playroom，原來最大都係呢個滑梯咋！妹妮玩完都話：吓，咁細既！

出去 室外玩，突然見到有個超人呀！ 妹妮第一時間撲埋去呀！



仲攬到實晒唔放



就算其他小朋友走埋去佢都唔走，阻住晒呀

妹妮之後走去玩波波

趁妹妮走去玩我都去𥄫下有咩好買，原來呢度D衫最大係120cm，鞋最大係17cm。。。即係而家妹妮著緊既size。但係妹妮4歲咋噃，已經唔可以再買到anpanman D衫同鞋了，係咪有D過份呀，起碼都應該出到6﹣7歲碼吖！



我地離開anpanman之後仲有時間去埋bayside marina outlet 行左一陣街街潻！不過一樣無功而回，只係幫妹妮入到小小貨咋！兩點半了，我地預要個半鐘先去到成田機場，日本之旅正式畫上句號。

4點鐘真係到左機場，還車後仲有專車drop我地返terminal



多得架BB車，我地有得特快check in。今次之後呢架BB車都應該功成身退了，佢真係好駛好用，雖然大架D同重D，但係咁先可以揹得起大隻妹妮又可以將戰行品擠晒入個購物籃。而家妹妮大個了，出年就算去旅行好似都唔應該再比佢坐車喇。

入到閘口我地先坐底食lunch呀，妹妮就一早係車上食左野，閘入面見到Doutor coffee shop 仲有兩件千層蛋糕，我即時‘的’妹妮走埋去買起佢！！



即刻食埋！仲留起一件想拎返香港回味，我地3個都覺得呢件千層蛋糕好好味!！妹妮自己都食左大半件


另外再叫多個拉麵同咖哩豬扒假手，但係點都無新宿果D咁好味。。。



上機了，今次妹妮都有大進步呀，來回兩程既飛機餐佢都食晒咁滯！！



今次坐傍晚6點機，妹妮唔肯瞓仲要睇電影，佢睇藍精靈時又驚又要睇，一邊揞住眼一邊又叫daddy好驚呀, 搞到我地兩個無覺好瞓。臨落機（成十一點了），妹妮先挨埋黎話：我想試下瞓呀！（會唔會遲左D呀？？！）

返到屋企成12點了，yaya買左扎花歡迎妹妮返黎呀，仲畫左幅畫比妹妮潻，唔知妹妮識唔識覺得開心呢？

今次最大收穫又係妹妮啦！買左好小野咋。。。希望好快再有機會去過啦