Aerin's first sleepover

妹妮都就黎5歲，但係都未試過同我地分開（除左佢細細個時爸B同媽me去左兩次旅行無帶佢去之外）。爸B話想比妹妮去朋友Danny叔叔屋企住一晚，有個7歲姐姐陪佢，等佢一來接觸下唔同人，二來唔駛成日都黐住我地，可以瞓練下佢唔好咁怕醜，無我地都得！



好耐無見過既Cheryl了，以前妹妮細個時都有一齊玩過架，不過近年反而小見左。對上一次玩，妹妮仲係得歲幾，Cheryl就4歲幾， 而家妹妮4歲幾， Cheryl就7歲幾。Cheryl以前都好照顧妹妮架，但係無見左咁耐，開頭仲擔心佢地怕生保，玩唔埋。

上到Cheryl屋企，大家一齊洗洗手，等佢地有D interaction 先



跟住Cheryl已經好大方，帶妹妮去廚房摷野食野飲



細路仔一撻即著，好快就熟絡了



Cheryl 學緊跳繩，晒下冷比妹妮睇下D獎牌先！！



跟住索性一齊落樓下跳繩，初初仲以為Danny叔叔話去樓下會所潻，點知原來係講緊樓下大堂呀，笑死我同爸B

原來跳繩有好多花式架，又有單車步，又有其他步。妹妮就連跳前一個圈都未識。。。



再去公園玩下

玩左一陣返一樓，兩個女仔已經自己走入房girls talk咁關晒門玩換衫，仲惜埋衫比妹妮著潻！兩個好秘密，連媽me都唔比入房架。後來話不如幫佢地兩個影相先比我入去咋！



點知原來換好衫係度晒太陽油！！佢地當太陽油係lotion咁揸呀



兩個終於肯出來喇，又走去廚房摷野食！好在Cheryl屋企多零食，換轉黎我地屋企，真係咩零食都無架

其實妹妮有得飲有得食就OK，都好易話為。。。



 睇一陣電視



入書房，妹妮就畫下畫，Cheryl就睇下準備小三開學既資料



爸B就入黎講下中國民間傳說既故事比佢地聽



兩妹子聽得好入神呀！



就係咁玩下hea下都已經搞到成6點，今晚我地會留低妹妮唔同佢食飯。妹妮好似好enjoy係呢度，一d都無覺得生保，唔好意思咁噃！



度下高，妹妮矮過Cheryl高半個頭咋，妹妮BB時都有執過Cheryl d BB二手衫著，但係而家已經差唔多size，好難再有二手衫比到我地了。



兩個再一齊彈下琴，我同爸B就走人了



點知妹妮一D都無扭計，又無話要跟我地一齊走，直程好開心咁同我地揮手bye bye!! 真係吹漲！！不過我同爸B落樓一刻，一樣無覺得難捨難離，反而覺得一身鬆晒！即刻去睇戲 （都成年無兩個人去睇戲了！！），再去打冷，大叫 ”好free呀！“



快樂時間好快就過，但係妹妮唔係屋企果種感覺又奇怪，好寧靜，好似以前未有妹妮時間屋咁靜呀。雖然都掛住佢，但又覺得好爽咁呀。第朝一早兩個就去游水。原來兩個6點就起身了！仲要拉埋工人姐姐起身煮pancake比佢地食潻。



我同爸B一覺起身都已經8點幾，好難得架，平時星期六晚同妹妮一齊瞓，佢通常第朝一早6點就起身叫醒我地架。去到Cheryl屋企佢地已經游緊水了



大家玩馬騮搶波



妹妮泳衣都無帶，又係借Cheryl既泳衣著



游左個幾鐘先肯上岸呀




仲上樓一齊沖泡泡浴，爸B就先去clubhouse沖涼先上黎




香噴噴了！兩個都好鐘意對方呀，猛話要住多幾晚！！（係就好囉，我地可以享受多幾日寧靜！）但係Danny 叔叔同auntie都要返工，又邊度得閒睇住佢兩個吖。



爸B教佢地做背對背互揹運動




本木想一齊去飲茶，但係估計星期日十一點都係周圍排長龍等位，於是求其食左越南野就算了



uncle同auntie都話尋晚妹妮算乖，但係晚餐就食好耐都食唔完！Cheryl見到妹妮食飯唔雙手揸住個碗，都提醒佢要雙手捧住個碗呀



佢地真係好似兩姐妹咁，好friend架。可能妹妮大隻，所以Cheryl又無當妹妮係細佢幾年咁對待，都係當佢係同齡朋友仔咁。兩個都想再住多幾日，唯有等下次長假期啦！



今次對妹妮應該係一個好好既經驗，而且好positive，好盡興呀，一上車無耐已經攰到瞓著了！

叮噹

8月18日了，呢日一早帶妹妮去搵叮噹影相。其實叮噹display左成個月了，但係我地又咁蹺無去過海港城。不過都想趁佢地未搬走前影下相，妹妮雖然未睇過叮噹卡通，但好細個就知呢隻藍色貓係叫叮噹了。



諗住早D去無咁多人，點知我地都係9點鐘到，已經成街係人了！



每隻叮噹都好大隻呀！！仲高過妹妮呀



在場有成一百雙叮噹，有排影！當然我地唔會逐隻影啦！ :D



影影下相妹妮突然指住個天，原來係有一群白鴿飛過



同爸B一齊做死黨（落雨擔遮）



妹妮見到咁多隻叮噹都好興奮呀！自己走來走去，呢度直情好似叮噹迷宮一樣呀



D叮噹做得好神似潻呀，連個咀嘟起都整得好靚，唔怪得知妹妮都要錫佢一啖啦！



又有啄咀既



連大雄同靜香都有呀！！



影夠相又去飲茶，妹妮最近鐘意食蝦餃同燒賣，呢日仲食左特大蝦餃潻



不這呢日去鴻星飲茶，有呢D特色點心，畢業生包！仲有男有女潻



做咩執行李？因為今個weekend妹妮要去朋友屋企過夜sleepover呀！趁暑假就放完，爸B話比妹妮試下一兩日去離家體驗。今早同妹妮講下午會去爸B個朋友屋企住一晚，仲有個姐姐陪佢玩架。妹妮一D都無話驚或抗拒，仲好期待咁！執行李時，除左帶衫，帶清潔用品同筷子，仲帶埋Barney去!水水



平時妹妮淨係星期六晚先同我地瞓，今晚我地放棄今個星期既共聚時間，其實都有D唔捨得架。不過當留低左妹妮之後，又覺我好free好正噃！爸B同媽me即刻去左睇戲，打冷。好耐無咁free 過，爽呀！！

睇戲途中，朋友都send左D相黎睇下，初初仲擔心妹妮會唔慣或怕醜，點知佢真係make herself at home！

仲好似好happy 潻



bedtime story，兩個唔知會唔會你踢我，我踢你，呢晚有無好覺瞓呢？