游水班

6月14日，妹妮參加第一次游水班，係我地屋苑搞，所以超方便，落樓下就得！其實我細個時游校隊架，都可以教妹妮游，不過佢唔肯聽，都係比人教啦。第一次上堂原來得3個小朋友參加咋！不過人小小仲好，呢班係3﹣4歲班，但係每次妹妮都係大隻到好似高人幾班既細路咁。。。

一齊做warm up好搞笑，D手好似好短繞唔到咁！

個warm up 都好認真噃

仲有壓腿潻！

平時叫佢戴潛鏡佢鬼揸咁叫，點都唔肯，而家老師幫佢真就咁順攤！

幾happy!

同同學仔一齊聽老師指示。。。真係人地講就聽晒話，吹漲！！

每人戴手袖同浮板落水，其實老師好似係續個教， 一個輪住一個

背後再揹埋浮板

今堂無教佢地個頭落水呀，淨係浮下同游下

唔知妹妮學完8堂之後會唔會真係識游水呢？？

朋友聚﹣山頂遊

每次去到宜傢都好想搬呢個厨櫃返屋企架，如果妹妮仲細都可能會買，因為佢咁高大，怕好快就高過個櫃，高度唔啱就唔想再玩。唯有間中帶佢去玩下啦，佢好鐘意玩架

本來今日計劃去沙灘，點知又打風又話有雨，我地改去山頂玩。

個個都係啱啱瞓醒晏覺未食飯，於是去醫醫肚先，但係又唔可以食得太飽，因為晏D book左食晚飯

有薯條就個個都興𡚒！

出去瞭望台睇下風影同影下相先

Ellie仲細個成日要爸爸抱住，康然就可以同妹妮走來走去，所以妹妮好鐘意拖住康然玩

去到行山徑又影下相

影相都係去山頂既主要節目了，去到邊都搵位影相

三個湊女公

而家抱妹妮真係好吃力，只抱到一陣就要放返落地

例牌每家人都影下全家幅啦

再去商場過下冷河，我地就出發去食晚飯了

因為有Kennis EE d coupon要用，我地去Ruby Tuseday，好耐無食過RT了。

張coupon話6折，於是我地好似唔駛錢咁瘋狂點菜！

每人都飲特飲 ：P

點知埋單折完都成二千幾蚊！！而家物價真係通漲左好多，D野都貴晒。

不過成班老友坐埋食飯，又真係幾開心既

端午節BBQ

去完沙灘游過水食飽飽覺豬豬後我地出發去EE新居BBQ，本來諗住早小小到，點知同妹妮一齊大覺瞓左兩個鐘，瞓醒都成4點了！EE搬去個新屋苑，我地去踩下場先。而家D新屋苑真係幾grand架

姨丈落黎接我地，平台都好好view架

行行下先發現原來3個都係紫衫人

呢隻貓叫肥婆，同大肥一樣都好老架喇，不過好火氣，摸多兩下都唔比架，好彩妹妮又唔驚佢，繼續摸

參觀新屋hea 一陣，妹妮又有班蘭蛋糕食又有橙汁飲，仲好招呼過係自己屋企

飲飽食醉就落去樓下參觀下會所

個playroom都好靚，好多遊戲，妹妮呢個歲數都仲啱玩，再大D可能嫌悶了。最好係成日整蠱佢既姨丈肯同妹妮玩，其實妹妮都好鐘意同姨丈玩架

playroom都有mini ghost chair，型！

仲有得扮揸車！

呢個牌子既屋苑都有呢D銀花樽，令到好似照鏡一樣！

嘩，姨丈抱抱，再大D妹妮可能唔肯比人抱了。。。又或者抱佢唔起了

6點鐘去BBQ場，姨丈個家姐知道妹妮係度，專登買了一同糖比妹妮。。。同糖就係交友既橋樑了，妹妮第一次見都即時跟住晒，仲熟到成日Angela Angela咁叫人 -_-"

爸B扮幫手

妹妮同新朋友Angela EE

個個都去扮下煮野，其實係貪玩多D

好快燒到天黑了，其實都開始熱，可能要等秋天先可以再燒野食了

妹妮見到個花樽都忍唔住要照下鏡呀 ^O^