秋季大旅行

10月31日， 唔係慶祝halloween，係去旅行呀！！ 今次秋季大旅行媽me要去上海training無得去呀！好彩爸b行得開可以陪妹妮去咋！我都係返香港先有得睇返D相，妹妮就話去旅行好好玩！今次去小白鷺，我地係妹妮3歲生日果年，唯一一年無入迪士尼就去左小白鷺玩，上次都幾好玩架，今次仲同咁多同學仔一齊去，難怪妹妮覺得好好玩啦！仲話星期日要再去過潻。

妹妮今年都有幾個friend d既朋友仔呀，攬頭攬頸，比起舊年K2時無咩朋友仔明顯開心好多，始終小朋友都好受同學仔影響

今年K3有呢班成30人，媽me到而家都未記得晒D同學仔既名呀。

淨係知妹妮話今次旅行超級好玩，有餵羊啦，有跳彈床啦，有整麵包啦

仲有手作仔做下

又有整麵包，好似比我地幾年前黎多左好多野咁噃

睇佢咁lam lam脷，係咪整得好好食？

今次媽me無份去，爸B影相又求其影下就算，希望下次可以陪到妹妮再去多次戶外活動啦！

Aerin's first Trick or Treat

一年一度哈佬喂，我地屋企會所每年都有搞活動，除左有自製鬼屋，仲有手工，face painting比細路玩，最壓軸就係上樓去拍門攞糖， 所以要徵求糖果家庭，肯開門比細路派糖至得。往年我地都無落去玩架，因為妹妮8：30就上床，呢D節目好似太夜了。但係聽到樓下一班哇鬼聲又好似好好玩好想帶妹妮去試下。今年妹妮大D，可能同樓下D細路有溝通，佢知到有party, 有日一早就拉我去‘book個party’...其實係去報名參加個party就真！

呢日著左candy witch 但係頂帽成日甩。樓下D細路好多都扮鬼扮馬，落足心機架！呢度有埋畫花臉架！有D小朋友畫到流晒血咁

但係妹妮只係畫左蜘蛛網同個心心咋

仲有手工比細路黐黐貼貼

做完手工呢度仲將兩間party room改裝成鬼屋！妹妮好雀躍跟小朋友走去出去玩了，全完唔記得左我跟住佢！

見到咁多細路扮鬼扮馬又真係幾搞笑架

工作人員都好認真有扮野，唔係流架

呢個埃及造型都好特別呀

呢，鬼屋就係呢度，小朋友要排隊入去，每次幾個人咁。

等校巴三劍俠，佢地3個又聚頭。妹妮入鬼屋時跟住前面幾個大D既男仔，佢都無諗過要拖住我，好彩我跟住去咋。入面咪係黑嗎嗎，有吊晒野，突然又有個人彈出黎嚇下你果D鬼屋囉。妹妮驚到尖叫呀！我仲以為佢驚到喊潻呀，好彩一路行一路話假架，佢又好似無咁驚咁。

我以為女巫會係最多人扮，點知女鬼居然仲多！原來好多小朋友舊年都有黎玩架，我地有心唔怕遲

壓軸節目就係上樓玩trick or treat喇！原來呢個晚會都好多人參加架

因為多人，所以上樓treat or trick分左成四組，妹妮呢組就年紀最細，但係佢又係自己一個人就行左去！

三劍俠最熟絡都係拖住行好D

其實我地好似睇樓團咁，成棚人跟住地址去報左名既糖果家庭敲門

但係細路就應該覺得好好玩既。

睇下妹妮個藍都裝得幾滿噃！佢地一見人開門就一擁而上咁攞糖，我細個都無玩過呢D玩意呀

我地去左共4個單位，其實總共都只有6個家庭報名派糖咋。聽其他家長講舊年佢地去左成6，7家攞糖架。



趁人齊影下合照先！呢組D小朋友都參唔多年紀

最後一個家庭就係我地屋企呀，妹妮一聽到帶隊姐姐講下一站係我地個地址就即刻嗌：係我屋企呀！！！ 一敲門爸B塞左隻hello kitty 漏氣氣球出黎，D細路都有小小嚇左一跳架。跟住大家就衝入去攞糖，有仲入埋屋潻！好彩我地自備左多D糖咋，差D唔夠派呀。

今年妹妮真係滿截而歸呀，佢個藍有好多糖呀。最抵死係爸B偷食左佢條雪糕糖，佢第朝起身居然發現左！之後見到糖紙就賴爸B偷食，要我拎我買包糖同佢對張糖紙，先可以幫爸B洗脫罪名呀！