自家製小手作

上個月了，公公生日， 突然忽發奇想不如做份生日禮物啦！橫掂妹妮放假得閒，搵D野搞下先。最容易就梗係整相架啦！又可以擺下相，自家製得黎都叫有D用，起碼收果個人都用得著呱。

於是搵到個無用既硬盒，cut左個盒蓋出黎開窿



我幫妹妮用絲帶綑好邊後，就比佢自由發揮，鐘意點搞說點搞。新年時有D用剩左既揮春貼紙，咁啱又身壯力健，啱晒！

公公生日飯，當然做好左件禮物啦。。。雖然係廢物利用，但係都好有心意架！

公公其實收咩都開心架，不過親手做有心思好多嘛

其實都唔係全新係用廢物做架，係得個相架框，同立體花花係用唔要既硬卡，其他都係貼紙，絨布，絲帶等手工用品

不過妹妮好似自己欣賞個相架多過公公，送左比公公後仲猛睇住

有咩同姨丈傾得咁開心呢？？

直情大笑姑婆一樣！！

大合照呀，妹妮唔鐘意食蓮蓉，淨係鐘意食奶黃。。。原來呢間酒樓無奶皇壽包噃

同姨丈幾時變得咁friend呢？

因為妹妮就快升小一，而學校又話只準戴黑色頭飾，於是有日手痕左扭右扭試下用平時買野包裝既絲帶做個髮夾

咦，效果都唔錯噃！！不過當然有待改進啦，可能要練習多D先可以靚D，但初步目標達成了，起碼妹妮有頭飾返學用了。平時返幼稚園戴到天花龍鳳都無人理，如果得番兩條橡根好似好怪咁，小夾仔，綁下馬尾都得呱！

之後一日，真係手癮大發，於是去左深水埗買左D絲帶，橫掂買開，就買埋D彩色絲帶，同埋膠水，頭箍，可以一次整多幾個

個黑白波點襯起頭箍又幾好睇噃！！

第一次小試牛刀，都睇得下噃！點知妹妮仲好鐘意潻，而家藍色果粒係佢既favorite!



同場加影EE DIY cookie，D做型真係好靚呀！

妹妮都話正，D cookie咁靚點都要影番幾張相先捨得擺落肚啦

仲有奶皇月餅，啱晒妹妮呀！！我地擺左落微波爐叮左20秒，仲更加好味！！

小廚神 2

一年一度cooking class來了，我地舊年都有參加過呢個cooking class ->小廚神 煮炸雲吞，今年黎做cupcake。妹妮知道仲有一班朋友仔一齊黎上堂，好興奮呀！

最早到係我地，埋位睇下今日D材料先！



跟住JJ都到了，我地霸定4個位，大家可以坐埋一齊好D嘛

趁未開始我地例牌週圍影相

朋友仔陸續到齊了，都差不多要上堂。但係參加得呢D班，都預左D父母猛影一輪相先可以開始

今年大家都大了一年，應該更容易了，今之仲加埋行行，我地已經霸左4位

開始就位了，全部小朋友走晒埋廚師處聽講同示範。我地有4個friend一齊，幾開心！妹妮仲對下個receipe 落邊樣材料先，其實材料好簡單，有蛋，鹽，糖，麵粉。。。應該返到屋企都可以整得番

大家都好留心聽廚師講解噃！

埋到自己位開工了，睇下佢地幾pro，似模似樣架，我係旁邊猛影相，都唔駛幫手！

導師都好有心機得閒就過黎睇下佢地點

JJ 同行行都好落力噃！

將材料搞好後入吱吱袋，將粉漿平均傾入4個紙杯

最開呢4杯就係妹妮架喇！

做完第一part可以唞下，因為D cupcake拎晒去焗

趁break 緊我地又集齊4個影下相先。



呢D就係一陣帶返屋企D禮物喇，好得意呀！

好了，part 2開始了，大家又圍住廚師去學野了。呢part 好玩D，因為係裝飾個cupcaker呀！

師傳已經幫我地預備好晒唧花用既忌廉，而家就示範下點唧d cream上個蛋糕，又黐下朱古力，糖花。有D似做小手工，對小朋友黎講真係好好玩架

呢隻整到豬仔一樣好得意呀



妹妮都開始掌握到唧花既力度，隨意加下糖花，朱古力粒都已經好靚了

lam下d cream，淨係食cream已經好好味了！！

每人有自己做既4杯，加埋師傳一早預備4杯比我地試下，共8杯！有排玩

妹妮好鐘意加M﹠M

 行行就猛加gummy bear上佢個杯，激死！

仲有每人一朶靚靚玫瑰花潻，唔駛加野，淨係朶花已經夠靚了



兩個鐘頭就差唔多整好晒D cupcakes了，我地仲可以帶晒返屋企潻

上完堂了，同呢堂既師傅 Hugo 影下相先，師傅對小朋友好有耐性，讚！



八掛妹又走去裝下其他人做成點

呢盒係Sana整架，D裝飾好靚，好精緻呀！

妹妮呢盒好明顯係粗枝大葉之作！全部都大大粒，塞到爆為止

JJ呢盒比較清D，顏色都pale D。可惜行行已拎走左佢果盒，好想睇下佢D gummy bears cupcake係點

好喇，大家攞埋禮物同証書就可以去食晏了

臨走要再欣賞下大家D cupcake 

好喇，我地上108樓飯喇，GO！希望出年再參加過。

頭盤有刺身同半打生蠔任選，因為包了兩人午餐，所以我同妹妮可以一樣一份

半打生蠔雖然細D但係好味呀，妹妮就負責食魚生，我食生蠔

呢度環境唔錯，但係坐呢D coffee table食晏真係辛苦D

露筍湯同粟米湯

行行一家啱啱4位，所以坐隔離張枱

要佢地坐定定真係好難呀！

睇下佢兩個已經碌左上梳化了

妹妮個銀雪魚都到了

我的是和牛，但食落似燜肘子

JJ媽咪的印度咖喱

兩個當正自己屋企一樣

食飽飽 可以出平台玩，呢日好好天氣呀！！上到108樓都無大霧，而且唔晒，一早應該搬出黎食啦！

妹妮話想睇望遠鏡，點知行行走去另一端，妹妮話：我見到你隻睇咋！

108樓望落去，景色都好靚，因為呢日真係好天，視野好好

影張panorama

我地相機無電，只可以用手機影相。。。如果呢幅用相機應該好好多呀

玩完一輪返黎食埋個甜品

成班細路就坐晒上bar 枱，好彩餐廳張我地cooking class同其他食客分區，如果唔係比佢地嘈到食唔到野！

離開前去了Elements影下相，佢兩個一齊就會自動擺甫士

唔知點解妹妮呢日作左個蹺手 mook咀 pose

連Sana都蹺埋一份，但改左做嘟咀

呢張糖黐豆相真係好得意呀！！