猴年年初一

大年初一，一早起身當然同爸媽拜過早年！

Burger都有利是架！

點知未起身就收到公公電話話入左醫院睇醫生，因為去唔到廁所，於是去左浸會要入院觀察。我地改去醫院探病，話晒初一，都扮好靚靚去拜年，幫妹妮卷左髮點知變左師奶仔

其實初一去醫院我地都試過，妹妮3,4歲時既初一早上發燒，我地都去左法國醫院睇醫生，所以百無禁忌！



陪左公公一陣，佢成晚唔舒服無覺好瞓，係醫院安頓好反而有覺好瞓。探病後我地去左食個新年飯。其實好鐘意新年時個個都休息，連商場d鋪都關門既日子，雖然無鋪頭行街，食野地方有d都未開門，但係就好有休息既感覺，同平日好不一樣嘛！而家好多地方都初二已回復正常，其實外國都會大時大節大家一齊放下假，希望呢個習俗會keep住，唔好初一都同平時一樣，比人放下假啦！



晚上去嫲嫲屋企拜年晚飯，妹妮著起圍裙幫手洗碗時成個日本師奶仔咁款，好搞笑！



大合照



過往幾年都有係公公屋企樓下商場影全家幅，呢日無去到，係大堂影返張算了

新年party

嘩，太耐無update了，真係好鬼懶，唔覺唔覺又到農曆年了，快快手寫d先。

因為出水痘，搞到聖誕party全部告吹，到除夕終於可以出關了！！呢日晏晝同妹妮，EE去左遊輪碼頭食lunch 再去東華嘉年華。第一次去遊輪碼頭食晏，妹妮話要食西餐，呢間餐廳幾舒服，味道都唔錯



食飽飽去左東華嘉年華，入場費＄180包＄120機動遊戲，$40攤位，$20入場費。



第一個遊戲玩左AIA都有既滑梯




之後去另一個屬於兒童區既彈床又要另比＄40



可能我地早去（只開左一，兩星期）好多機動遊戲都未開，開左既又好激唔敢玩！ 好似呢個遊戲我地望左成十分鐘有多都只有一pair人玩



好彩有呢條長滑梯，算係最好玩的了！！

呢個滑梯算最好玩，有成3, 4層樓高, 瀡落去好快好刺激！

呢次去真係無咩好玩，我地encore幾次滑梯，最後玩埋咖啡杯



同另一個彈床，原來呢個屬大人區唔駛另加＄架！

去理EE屋企探貓就返屋企開party

 

本來呢個party係聖誕日開既，因為出水痘而延至除夕呢日

EE送既大金莎！

呢晚電視播孤男㝰s女，妹妮第一次睇，其實我地睇過N次但每次都覺得好好睇！妹妮呢晚係8歲以來第一次最夜瞓，夜到睇到倒數放煙花！！！！



1月3日本來一早約好朋友去郊外BBQ，但係居然落雨！真係好無癮。我地唯有將party移司到室內係我地屋企開party

一早買好既BBQ食物唯有係屋企煎／煮／焗啦

爸B買左個新遊戲機既game，大家一齊跳下舞！

寧靜的聖誕

今日聖誕節，呢一年既聖誕我地只可以係屋企渡過靜靜的假期。。。因為媽咪中招出水痘呀！＞＿ <

其實星期三開始，因為星期日買左d燕窩白鳳丸諗住補下，以為食左3日爆瘡添。開頭只有臉上一，兩粒，胸口數粒，到夜晚發現原來全身都有，但都唔知係水痘！24號朝一早即刻去浸會醫院睇醫生，確定係水痘！！！點解幾廿歲人至出架？醫生話多數都係由人傳染到，可能有個出水痘既人打噴嚏落粒𨋢制，我摸到後放左入口就傳染到了！以後真係要勤洗手呀！醫生話除口水，水痘d水會傳染，一般無身體接觸既社交都OK，最驚都係係d口水噴到人，所以要戴口罩。 同埋最好自我隔離，唔好傳染到其他人。

妹妮打過防疫針，醫生話雖然都有機會傳染到，但係發病可能輕微好多，所以我呢幾日都分開房瞓，妹妮同爸B一間房。而又好彩Yaya放假返左鄉下，爸B又出過。

聖誕聯歡會都取消晒，妹妮一早唔知我安排左咩節見，所以都無失望既。平安夜我仲煮埋晚餐添，不過就要夾開食。買左d和牛扒同蜆肉，就整煎牛扒同白汁蜆肉意粉，加個沙律咁，簡單的晚餐。

無得出街食飯慶祝，係屋企都可以開下簡單派對既

睇下Burger係後面其實𥄫到實睇下有咩啱食，餵食仔！

爸B買定晒Brownie同雪糕，飯後仲有甜品食

Burger每次都被逼比妹妮夾住，見到佢個無奈樣真係好好笑！

呢個聖誕無諚去，唯有3個人在家過一個平淡又安靜既聖誕！要玩第時再玩過，但係在家既感覺都唔錯呀！Merry Christmas！！

V仔到著

最近好流行V仔，其實係EE Emily介紹既，之前本來想買另一日本牌Recolte Smilek夾餅機。都係有底盤可換，但EE介紹呢款有成十款底盤，除左飛碟，有雕魚燒，窩夫，仲有panini，簿脆，冬甩等等。。。

新機到著，點都要玩下啦！！即試waffle先，一早買定晒waffle mix。材料都好簡單，只要waffle mix，蛋，奶，牛油就得了

將所有材料搞暈，不消兩分鐘就型成粉漿了

預熱完部機，就可以好似街邊檔倒雞蛋仔漿咁落去機度！

歷時4分鐘，其間部機有蒸氣噴出

登登登戥！！！出爐了！！！賣相一流呀！！！食落口都好好味呀，真係無買錯呀！

弊！整好至搵唔到cream，朱古力醬，雪糕！！唯有晒住幾粒糖頂住先，但係味道口感都好過咖啡弄果d，唔係實的的而係鬆軟，有d脆邊既，Yummy！！！！