Maui 之旅2016 ～ Day 3

Day 2 一早起身去食早餐，點知同尋晚一樣係露天，其實太陽都幾晒下。不過景色真係唔錯！



橫掂係海灘隔離食早餐，順便去行下

除左沙灘，隔離個泳池都好正，有模疑沙灘，如果帶埋妹妮黎玩就好了！因為相信我地自己都未必會撘咁多程飛機專程再來了



呢個小教堂都幾靚架，相信都有好多人係呢度搞婚禮的

呢日爸B上午有活動，我係房攤抖下睇下電視，又係食晏時間了。今次去左二樓既balcany食，一樣係無敵海景，但係食物選擇其實唔多



呢個trip可以比我地每人揀一樣活動，有浮潛，水上活動如獨木舟，hiking，city tour等，其中比較吸引係觀鯨，但係多年前去Bremuda已經睇過，於是我地揀左做Spa。不過係分開男女各自做，女人全部要著泳衣浸jacuzzi，大概浸一個鐘就到massage，玩兩個多鐘就完了

Spa完未夠鐘食晚飯我地就去酒店隔離個plaza仔逛下，雖然有prada，gucci，LV等名店但係都唔啱我地，其他都係賣手信，真係兜個圈就夠了



5點零我地book左食晚飯，今晚呢間係我地睇完yelp食評揀的。餐廳叫Capische?  ，相信係Maui算比較出名fine dinner既餐廳




去到覺得個景超靚呀！！！！係花園度食，好彩我地早到咋，如果天黑左就影唔到靚相了

同場加映妹妮係香港跟EE去左做義工，食左牧場少年。但係妹妮話做義工好悶，反而走左去玩攤位遊戲做小手工 -__-




呢個景真係好靚，容許我係度狂影相

首先來個牛肉簿切，呢個係我個人既飛佛，每次見到menu有呢碟餸我都會好想叫架




鬼佬open rice YELP話呢度既mushroom risotto好味，真係好正，但係好漏，兩個頭盤食完都飽左一大半了



呢個海鮮湯又係好出名，真係好多料但係我覺得不過不失唧

爸B呢個扒都燒得幾香，但我地覺得上次LA食果間ARROYO好味d。可能因為食完兩個頭盤都已經飽晒，無晒謂口所以覺得無咁好味



就係咁我地由天光食到天黑，真係飽到捧住個肚走，實在食得太飽！個risotto同意粉真係應該食一半就算，打包做宵夜好過。

Maui 之旅 2016 ～ Day 1－2

4月29晚，我同爸B要掉低妹妮飛去夏威夷呀！估唔到咁短期內又有旅行去，多得爸B公司可以帶埋我去，呢個咁啱係5。1勞動節long weekend，可惜帶唔到妹妮去啦！呢晚我同爸B夜機，妹妮送我地到樓下上的士

啱啱至去完美國而家又去，如果呢個trip係年中或年尾就好了。今次去夏威夷既荗宜島，要係檀香山轉機，因為時間關係，我地要早一晚到步。雖然機程唔算好耐，但係轉機，等機時間總共都成17個鐘。首先香港 -->關島-->檀香山-->荗宜。第一程去到關島，其實我地都未去過關島架，呢次過門不入，好彩機場入面商店仍有開門，有d野行下食下。

再飛7個多鐘去到Honolulu了，我地好多年前來過，見到個機場真係好懷舊呀！再飛多一個鐘就到Maui了，我地去到已經9點幾了

去到Maui既Kakului，個機場成個美孚商場咁既？！

行出小小就無咁似美孚了

第一晚自費酒店，我地揀左係Kahului市住。上網查過Kahului已係成個Maui島最似市區既地方，我地聽日可以係度行下街先至入去resort。

呢間小酒店都有泳池又係海邊，HK＄1200/晚，不過不失啦。勝在地點方便，離機場只要5-8分鐘車程，搭的士只係US＄15！酒店坐落條大街左右各有一個商場（Maui唯一兩個較大商場）都係行10分鐘內就到，連租車都慳返

我地行十分鐘內就去到一個商場Maui Mall，呢度有IHOP呀！我地一早起身就黎食早餐

爸B上次食過呢個Phili cheese steak番尋味，今次再encore

呢期既推廣係red velvet crepe，入面有cream cheese，好味但都幾漏下

商場附近有TJ MAX有超級市場，我地都去入下貨。中午就返去酒店checkout，keep 住行李再行另一邊既商場！呢個商場叫Queen Kaahumanu shopping center，比較似美國本土既mall但係都係無咩好買，好多商店都係買夏威夷衫 ^_^

我地行到3點幾就返酒店拎行李，再返機場集合。跟大隊去Resort Wailea區了，由機場去Wailea大概要半個鐘，如果搭的士要US＄50

去到Resort了，望落去都唔同d，同我地尋晚住果間差3倍幾價錢

好明顯格調完全唔同，有花圈有珠鍊，有welcome drink

我地間房景觀都好正呀！！望到海好舒服

廁所勁大



其實房就唔算好Grand，但係舒服夠大



梳洗一下就整裝出發去食welcome dinner了



呢晚welcome dinner 係海邊既戶外花園食，呢個小教堂相信係婚禮勝地

第一晚就係輕輕鬆鬆咁過了