２ weeks @ Nobu

連續兩星期都因為公司而有幸去Nobu食免費lunch。老細話等d 客人感受一吓MINI嘅lifestyle 咁話，所以我哋每人要請一pair potential customer。首先嚟個morning drive，晨早８點幾由showroom組成MINI車隊揸車去科大兜風，然後兜去Inter-con 嘅Nobu食早餐，然後guests就上cooking class, 我哋staffs就去coffee shop飲嘢。大概個幾鐘後我哋就返去享受客人嘅製成品．．．有大廚教喎，都唔難食嘅。小試實驗品後，仲有個full lunch。 d 頭盤都好味，係Nobu嘅signature魚生拚盤，跟住就係大大條嘅銀雪魚main course，仲有軟殼蟹卷，心太軟同綠茶雪糕。食完己經飽到唔駛食晚飯咁制。跟住一大班人揸返車返showroom先解散。話時話，又真係有客玩完之後有幫襯喎，呢次活動都算成功呱。Nobu個經理話佢哋平時唔會搞呢d班，今次係第一次喎。由於名額有限，又要試車，請唔到嘅各方好友客人請多多包函呀。