情迷Nicolas & Bears

最近開始都被妹妮叫做MeMe...為保持一點媽咪性，不如就寫成咪me啦! 

咪me我一直都係購物狂，有了妹妮後就更多個籍口滿足購物欲！　其實而家都只是間中會買衫衫比妹妮，因為朋友每隔一陣就會將家裹不合穿的‘財富轉移’給我家，真係慳返好多。但逛ＢＢ衫是一件樂事啊，就算只看不買都開心。最近收到Wendy同 Cathy姨姨不約而同都買Nicolas & Bears的衫衫給妹妮作生日禮物，每一件都好可愛，連自己都想著上身！以前都有去過NB，不過那時妹妮還細，這些衫衫都覺得太老積，好像不合ＢＢ身份。𡯁其我同爸Ｂ weekend都好casual，不會dress up的。星期日的親子日多數都Ｔ恤牛仔褲上陣，所以NB的都好似隆重了點，而且價錢亦不平宜。對上一次都是妹妮半歲時大減價買過一件Ｔ，雖然當時都買一歲碼，不過而家迫爆了。

妹妮半歲時的骰一點，可愛一點！

不過觀感都有轉變的一刻，當上次看到Cathy姨姨給我遞上NB catalogue時就有點雙眼發光！今季的款式都好鐘意呢，就像我喜歡的style縮細了！自己穿不下都好想買下讓自己囡囡穿呀...當然減價時買最好！上星期同Wendy光臨ＮＢ，見有媽咪版衫衫，當然望落不及童裝吸引，但穿起又是另一件事，都好ＫＡＷＡＩＩ呢！！連Wendy都看得牙癢，就是有囡囡的‘好處’，嘻嘻！

於是買下這套mommy & baby親子裝，我的是十四歲碼，妹妮的是大了兩號...是三歲的，太可愛了，怎捨得只穿一季呢？等她出年應該合穿吧！

特色係後面的摺摺，及假裙腳，扣好鈕後好似入面穿了裙的。

可惜妹妮發𤷪，否則可以post穿起後的相哦。