波波＋ＢＢ happy saturday

前幾晚同兩位姐姐晚飯送的波波，妹妮一Ｄ都無忘記。

第朝一起身又‘波波...波波’的嗌，驚死個波波會走佬一樣，即刻揸住騰出騰入無放過手。

沖完涼自己一邊坐梳化大啖大啖的嘆姐姐前一晚送她的無印飽飽，一邊睇baby first TV。呢日幾熱，妹妮手臂出籠，好彩仲有Ｄ肉地，成個小肉女。

閒時在家妹妮就係揭下書的便過日晨了。

書又睇完做咩好？？

今朝已經三日，仍然在玩那已泄氣又不會飛的波波。

換好衫準備返學去，著波鞋後成個幼稚園學生一樣，老積Ｂ。

上堂時除洗手外最鍾意係snake time，今日咪me要返工由爸Ｂ湊返學。爸Ｂ話妹妮唱遊時已經無再另轉身要抱抱了，而且仲走去掂老師呢！

放學時送的簽到貼紙。

最近妹妮又返兜這隻ＢＢ公仔，經常夾在頸上好似拉小提琴一樣。而家仲要攬住公仔瞓潻，如果扎醒都要搵返ＢＢ先可再瞓。

瞓醒後一頭鬆毛

晏晝爸Ｂ貪得意影的，原來隻腳仔其實唔係好大咋。

早幾個星期拎了妹妮的特區護照，張相係差不多一歲時影的。明明交彩色相但出來又變了黑白，不過張相令妹妮雙眼變得又大又圓又黑！正！！