完不了的暑假

以前細個時成日都想永遠係暑假，可以唔駛返學。到而家自己唔駛返學，輪到妹妮返又想暑假短Ｄ。並不是想望子成龍，而係妹妮勁活躍，要留在家中玩來玩去都幾件玩具我估都幾悶。初時因妹妮4月時才剛剛歲半開始返學, 適應返開生活2個月又豬流感放假. 為免她無學返, 而讀開的學校無暑期班我們轉校去，但老師們總想有個暑假吧，所以而家都有兩個星期小休。

 

就留在家玩玩吧！同咪me去游下水啦.

 

 

沖涼都可以好好玩既。你睇妹妮雙蠱惑眼！

 

又或者沉思下囉。。。

有時同熊仔傾下心事

‘啤啤熊孔’ what are doing? (無漏呀，妹妮次次都無講個you字架）

無人理就攤抖下啦

而家good sitting連手仔都要握住。

 

無聊得滯撩我玩捉迷藏, 自己走入衫架叫我等我搵, 但一個大肚dum加雙豬腿又點會見不到？

 

嘩～！！仲搵你唔到？妹妮好驚訝的大叫!哈哈

 

話說最近樓上裝修, 妹妮一聽到鑽牆聲就好驚, 有時會即刻將個頭烏埋黎要抱抱. 今次yayaGigi由厨房出來, 見唔到妹妮, 以為她又呢埋了. 原來她聽到鑽牆聲後將自己收埋入cushion呀.

 

星期六一早妹妮最期待, 因為有得go街街食早餐. 今次好叻, 差唔多自己食晒成個餐包. 睇佢好似老鼠仔啄下啄下居然又食得晒

 

自己都忍唔住要照下係咪食得好有儀態呢?

 

趁早未太晒去公園玩下, 去親呢度都要揸車, 仲要我坐埋一齊.

 

自己爬上滑梯, 好大膽呢.

 

又玩swing swing

 

去到草地先見到好多細路, 見到有個外傭拎住個波妹妮即刻走去攞. 好彩個姐姐又肯比. 妹妮攞住個波走來走去.

 

仲想同個哥哥交換, 不過人地唔啋佢.

 

因為被蚊釘(見額頭)都係返歸了, 見到水池又想玩水.

 

香港地好難搵節目，下晝已經諗唔到去邊。爸Ｂ提議起去參觀樓盤...呢個係我地以前週未常做的事呢，而家多個小Ｂ一齊去了。妹妮好似都幾enjoy架！ 

 

熱到死，爸Ｂ幾時先肯走架？