轉眼又一個月了，妹妮踏入terrible two後又一個月了。其實平時見人都係數到廿四個月就算，兩歲以上都已經例入小童之列，都無人理你廿五個月定三十個月，總之都係兩歲啦！
今個月妹妮飲食上有小許進步，並不是放棄飲奶，而係開始食飯仔了！雖然之前間中都會食下飯仔，不過要𡁻好耐才能吞下一兩啖，搞到碗粥都凍晒所以都係餵番粥仔。不過今個月就買了些三色通粉，希望可以刺激下妹妮食慾，得左！妹妮除了通粉外， 飯仔都食得好好了，開始肯用牙咬下，不似之前般‘妹下妹下’好耐都未吞到。
Winny姐姐之前因為去旅行未能出席妹妮生日會，就約妹妮玩，仲有生日禮物呀！
妹妮一見到就精神為之一陣! 而家再不會叫Violinlin了, 叫Violin。由Winny姐姐示範一下點玩先.
到妹妮玩時即時用力据，好似据樹一樣肉緊。
起勢据, 玩了成日都不肯放低, 而家成為頭號飛佛, 每朝起身就要搵violin
似模似樣噃.
第朝一早起身, 本來去到爸b咪me房一齊睇電視. 當爸b熄電視時妹妮懶床不走, 要再開電視,爸b叫了幾次'出廳喇' 都無理,堅持要watch tv. 點知爸b用小提琴一拉, 聽到琴聲的妹妮即時 '嘩' 一聲, 然後立即衝出廳. -_-"
天氣突然轉冷, 呢件新晨褸就啱晒冬天著. 妹妮好鐘意, 話 flowers so pretty喎.
下午茶3點3, 今日有小木瓜. 本來坐著的妹妮急不及待要睇住yaya切. 自己可以食晒半個.
見咪me對boot居然一腳伸入去著住行!! 對boot長到妹妮褲襠, 咁都行到??
No comments:
Post a Comment