接放學

最近因為天氣關係, 連帶個人都有D懶...

摳左幾個星期先肯寫番D野, 睇相先啦, 妹妮又做了yaya的model, 每逢有cute d既衫, yaya就要妹妮做model 影相, 好在妹妮又好enjoy, 自得其樂!

最近去永安, 居然自己走去揀左對龍貓拖鞋

又成日鐘意戴黑超扮明星

1月6日, 呢日得閒同爸b去接妹妮放學, 我地一早就到, 點知要比搭校車同學上晒車先/ 唔知妹妮有無奇怪點解今日要留低無同搭車d同學一齊走呢? 到我地喇, 爸b一馬當先一支箭咁衝入去.

老師見到我地就嗌妹妮出黎

見到我地妹妮好開心呀, 笑到眼都矇晒.

而家妹妮宜情認得路, 有時經過舊學校都會話 its my school, 而家揸車經過新學校都會話 my school is here!

我地上個月join左個新英文班, 本來報phonics, 而家報左reading for meaning班. 今日第一堂, 妹妮入到班房有D驚, 仲即時扁咀兼有淚光, 後來知道老師有故仔講, 同埋見到圖畫入面個公仔咁熟口面先無咁驚. 因為上次黎做評估時已見過呢個公仔嘛, 仲攬到人實一實潻!

不用5 分鐘已經可以坐定定聽書了, 同老師有問有答潻.

一個鐘後就好開心咁放學出黎！原來今日得妹妮一個上堂, 我地都諗如果呢班真係得一個學生就抵喇, 單對單噃!! 老師都有一齊出黎講下妹妮表現, 仲讚妹妮d英文好'high level'呀, 可以完全表達自己, 又唔怕講 (梗係啦, 妹妮係個土炮abc黎嘛!)

妹妮都話上堂好開心, 咁就好喇, 無嘥錢了

見佢咁開心我地放學就去食yogurt, 妹妮見到咁多toppings 係咁'筆'

自從呢次之後, 而家每次返英文班放學都當老馮一樣話 lets go to eat ice-cream了

仲會話我拎綠色杯, 佢拎紅色杯, yaya拎藍色杯潻.

食左三堂, 已經熟晒地頭, 識自已攞杯, 叫yaya抱起佢斟yogurt, 自己加toppings

最搞笑係佢每次入到呢間yogurt店都,非常enjoy, 一邊聽住店內音樂, 一邊un住扭身扭勢咁食. 見佢食得咁開心, 又好難拒絕唔去既