五.一勞動節, 我地都去勞動一下, 是日約晒爸b家人下畫去bbq. 出發前妹妮突然摷到隻blythe出黎仲話想玩, 於是嗱嗱聲執幾件衫一齊出門.
妹妮全程自己拎番袋玩具, 真係乖嘞! 希望佢唔好新屎坑, 平時都咁愛鍚自己d玩具就好了
爸b仲驚遲到先drop低我同妹妮再去泊車, 點知去到其他人都未到. 我地即刻開壇玩住等, 幫公仔著衫...唔知幾時妹妮會開始覺得幫公仔玩衫係好玩架呢?
佢而家都好似幾enjoy咁架
當正個公仔係佢個bb, 呵住佢, 真係希愛心架啫
玩左一陣公仔, 表弟率先出現, 於是轉陣走去平台玩吹波波
換左新DC, 於是猛幫妹妮影相順便試下機
個sport mode都ok, 定格影到咁快既動作. 去到平台玩時, 因為我地有帶吹波波, 吸引到另一d細路一齊玩. 仲friend過打band!!
尢其妹妮對呢個姐姐特別好, 成日拖住佢手架.
一齊玩跳遠, 呢d相好搞笑呀!
開始bbq了, 好快有野食喇! 唔駛問妹妮梗係等食腸仔啦
呢個用另一個art mode影既, 幾得意架
妹妮都無時停, 係要跟住個姐姐玩, 佢地玩狐狸先生幾多點, 妹妮直程跟足人地d動作
好多細路仔呀
連姑媽同大伯都一齊玩麻鷹捉雞仔
又玩有隻雀仔趺落水, 妹妮拖住表弟一齊玩
妹妮玩到成頭成身大汗, 好彩Carol姑媽送左條手巾仔, 可以用黎攝下背脊咋
成班企晒係度等玩紅綠燈
細路一齊食動物餅, 爸b話食左邊種動物今晚就會變成個種動物架喇, 嚇到左邊個個唔敢食呀!!
係時候要唞下了, 妹妮食下雞翼啦
跟全休息一下, 同表妹玩下啦, 不過鬼咁肉緊
妹妮笑得好甜呀
嗱嗱嗱, 又係向下豎起個V嘞!!
三老表
No comments:
Post a Comment