慢遊布吉2011 DAY1

出發喇！！引頸以待，恨左好耐終於有得飛喇！！都餓左半年喇，唔飛下周身唔舒服架！雖然布吉係個好多人去過既地方，但係可能我地太鐘情日本，每次去旅行都係諗日本，所以泰國我地淨係去過曼谷芭提雅咋 （我細個跟媽咪跟團時就去過七岩華欣咁大把）。本來今次都係揀去沖繩架，不過最後都係試下布吉啦

一早知道今次目的地係Thailand，仲學講sawadeeka潻！不過第一次聽到sawadeeka時佢話：what? so many cups??

經過3個鐘機我地到了！但係未落機都見到出面好大好大雨呀，心想死啦，仲有幾日要玩，唔係咁大整蠱呀？到步後攞車，點知個gps較極都set唔到我地間酒店，個staff話因為個gps未update喎。。。舊年8月開幕都差唔多一年，都未update?? 唯有睇地圖啦，一路揸車去酒店都係大雨。大家唔好以為爸B唔織揸車，不過佢係路盲，又唔識睇地圖，所以次次導盲犬都係我囉！

幾經轉折先到酒店，我地仲要比100babt人地帶路先搵到！估唔到呢度都有D人見遊客就主動話收幾＄帶你去邊度邊度（佢揸住電單車）。點都好，到左就ok啦！仲好天番晒無落雨，YEAH！！！ 

check in 之際妹妮已經走去熟識下環境

因為間房未執好，個待應話請我地去cafe飲個下午茶，妹妮更唔客氣要食雪糕！

好囉！有得入房了，唔知間酒店有幾大，不過上網睇話係倚山而建，好多梯級同斜路架。

今次重手d book左個private pool villa，唔係好遠咋，一條直路經過6間villa就到，我地係最尾尾個間

入到去都好滿意呀，幾有渡假feel噃。。。據講張床叫heavenly bed，唔知幾舒服呢？朋友早一個星期先係布吉返港，叮囑我地帶定一兩個杯麵，而家大排用場，又未夠鐘食飯，係房入面hea時可以比妹妮頂下肚，佢第一次食咋，但係聞到味已經話好好味！

個浴室都好鐘意呀，唔係好grand，唔係好泰式，有d modern同間單，我鐘意！酒店話個bathroom 叫heavenly bath，唔知係指個feel定係係度浸浴有天夢效果呢？

個浴缸有電簾拉架

衣帽間

妹妮已經當係自已屋企一樣

睇下個private pool先，同想像中差不多，揀呢度係因為個pool望海，上網搵酒店時見好多pool villa都係好靚但對住四幅牆，於是試下呢間海景view又新開既啦

妹妮有水玩勁開心！

幾大玩一輪先啦！

仲未變炭燒朱古力前既乳豬

游完水梗係嘆下hea下影下相啦

整個villa既感覺都好鐘意呀

妹妮率先試下張heavenly bed

每朝一早起身第一睇就係大海又的確唔錯，唔怪得海景單位會貴D啦！

就係呢條小徑去我地間房架嘞

酒店每個星期都有個時間表有不同活動搞，今晚見佢搞BBQ night我地費事出去搵食了，留係酒店食飯算了。由小徑行出來落斜路就去到大堂同埋餐廳，落斜好易唔駛叫車都得啦

左手邊就係其餘6間villa，右邊要上山就係share pool villa同普通房。

public pool

妹妮個步姿好麻甩呀

所謂BBQ night就係多左BBQ海鮮，牛扒，豬扒等等，再加buffet。。。1200銖 一位

勝在任囉

好在妹妮未夠4歲，eat free drink free，最抵係佢！又食得多！

第一晚就咁hea左一晚，其實揀布吉又帶住妹妮都預左hea D無去日本咁緊湊。btw 張床又真係幾舒服噃！