慢遊布吉2011 DAY4 ﹠5

7月4日 Day 4

䏲左片先，之前話妹妮好鐘意飲細細杯個d smoothies，睇下就知！次次飲到好以為佢去左蘭桂芳架！(如果睇片之後變晒怪獸符號，按refresh就睇得番字喇）

如常一早去食個豐富早餐，其實日日行下都算有小小運動，而且風景尚算美好，所以都無叫車送我地去大堂

下個節目又係去游水

今日妹妮同我地一齊join aquacise班，仲有兩個鬼仔一齊，成班有3個細路仔

原來D招式日日不同，今日同前日做既動作都有分別，有d變化無咁悶！

妹妮一直企係poolside bar淺水位一齊做，不過佢穿左水袖雙手掂唔到頭，好搞笑！

呢個就係下低另一個pool，細D所以我地無去游呀

今日去左食sandwich，D料任揀都係220銖，仲幾好味！

妹妮最掛住個雪糕櫃，成日候住。包住毛巾又話自己係super girl

好鐘意呢張相呀

close up睇佢係彈跳緊咁跑架

個view真係好正，有間咁既渡假屋就好了

呢個bathroom都好鐘意，所以不厭其煩不斷影相

叫爸B影我又影得唔靚，都係自己揸機影好d

中間D獨立屋，最加個間就係我地間房喇

爸B好偉大呀！！！今日妹妮瞓晏覺時佢叫我自己去做spa呀，本來諗住有妹妮係度我地都做唔到spa，爸B唔做我又唔想自己去。。。不過最後都經不起誘惑去了。

個藤巢好型呀！叫做heavenly spa, 真係唔知有幾好呢？

間房就唔係特別驚喜

入到去呢個jacuzzi就幾有型

兩個鐘好快就過了。。。爸B問我舒唔舒服，但係因為好快就瞓著左，所以都唔知呀

返到房妹妮己經覺豬醒了

焗濃麵包出爐！經過幾日sun bath，而家己經變左金黃色了

好嘞，又出動了！最衰係房無wi-fi要比錢（450銖/24hr)，話平唔平但又無必要所以無上網。之前漏低兩本書，臨急係機場買個本就無用既。係餐廳用到public wifi時上thailanfans.com見有人話去lemon grass house買手信。。。不過又唔知係邊

呢個爸B真係粗心，幫妹妮影相，成塊大招牌遮住左妹妮隻眼都睇唔到

呢頂帽好正，前後唔同樣之餘仲可以反轉戴！

揸車經過見路邊有好多學生同小食檔，於是落車睇下有咩食，不過多數都係賣飲品同公仔麵，失望，不買到

布吉校車，塞滿晒學生架

今日都係近近地去左central festival 行下算，因為去到海邊其實都無咩買。妹妮見麥當勞叔叔做sawadeeka，佢又話要

入去商場見到swensens，走入去食個雪糕先

個menu真係眼花撩亂呀

妹妮最近成日唱香蕉見到香蕉船，所以叫左香蕉船比佢，等佢知道咩叫香蕉船嘛

又係妹妮揸機，而家可以叫佢幫我地影相了！

呢個商場仲有mr Donut，日本有既佢都有齊，點解香港無既？

行行下街妹妮話見到佢個家姐，邊個呀？原來係呢個公仔呀 ﹣＿﹣" 仲走埋去同個公仔傾偈又繞晒手。。。

雖然都無咩買，不過好過Jungcelyn 咁噃，d鋪頭好似啱行d。食完雪糕經過auntie anne's去買條腸仔卷比妹妮食。

酒店個agenda話monday night有個Lobster & seafood night，於是今晚plan左返酒店食。點知原來個agend係上星期架，今個星期一無呀！

既然返到黎都懶再出去，求其係酒店搵間餐廳食算了

入左呢間係亞洲菜，咩都有D

妹妮就顧住畫畫

叫左個kids meal比佢，係盧魚，佢都算乖食晒成碟！

我地個幾碟就普通，唔算好食囉

7月5日

last day了，每日起身一望無際，真係唔捨得走呀！最慘係唔知幾時先再有得飛了，每次去旅行最後一日都依依不捨想懶死唔走

最後沖刺，玩埋個上晝

呢間酒店既早餐好豐富，種類算多之餘食waffle, pancake時更有一塊蜂巢比你刮蜜糖。d蜜糖超甜，真係想開杯蜜糖水飲！所以日日都令我走去食塊ruffle先得

酒鬼妹妮又出場，除左要mix味仲要碰杯 ﹣＿＿＿﹣“

酒店入面都有好多小朋友架，成日你望我我望你好似好想一齊玩咁噃

last day 我地留番係自己pool玩了，今日唔去大池喇，盡情游埋佢！

傻豬唔知點解係要推住我pat pat， 一邊推一邊大笑

雖然已經影左好多相，但係點影都唔厭

幾時再黎布吉呢？

難忘的private pool，有個望住海既私家pool，個feel真係好正，淨係hea係度咩都唔做都好好feel

乳豬仔

又係時候講bye bye了，今次搭泰航d時間唔錯呀，早機去午機返，2：45pm機我地12：00 check out啱啱好！

由酒店到機場本來就係一條直路行highway就得，但黎既時候因set 唔到gps搞到我地兜左路。而家回程行啱路先見到旅行書提及既英雄姊妹碑！

每次都預早到，行下鋪頭啦，妹妮應承yayaGigi會買隻大笨象比佢架，但係我地行街都無買野，去到機場買下手信囉。仲話要買比學校班上d小朋友潻！見有老虎即時叫我拎住佢隻豬豬。隻豬豬帶左黎多日都收埋係個背襄入面無拎過出黎呀。

bye bye 布吉，開頭兩日妹妮都話想返香港，而家又話想留係布吉。返到香港都係7點幾，我地仲可以食埋晚飯先返屋企！布吉hea 遊 ～完