做節 X 2

講番中秋晚飯，星期5（9月9日）去公公處食第一輪。其實下星期一先係中秋節而且仲要返學，但係妹妮係朝早先講比我知今日要帶燈籠返學！以往D燈籠又掉晒，想搵個頂擋都難。於是爸B一早帶妹妮去買個燈籠返學用，好彩而家返下晝班，唔係都幾難晨早8點前買得到燈籠呀！



爸B話呢個星星形燈籠係妹妮自已揀既，今晚去食飯梗係帶埋去應節啦。點知坐車途中妹妮提及同學仔Kayla話佢個燈籠唔靚呀！爸B問妹妮呢個燈籠係你自己揀嘛，你鐘唔鐘意？妹妮答鐘意，咁咪得囉！我地又問佢Kayla拎咩燈籠呀？原來係angry bird。 我同爸B都話我地都鐘意星星多D噃，因為呢D先係傳統燈籠嘛。其實其他人覺得你點樣係唔緊要架，最緊要自己鐘意就得啦。希望妹妮可以build up更多自信，唔好咁易被人影響啦。



去到酒樓，今日EE帶左好多波波，原來佢學識扭波波呀！今日扭在狗仔，劍，同長頸鹿比妹妮呀



是晚有鮑魚雞湯，妹妮自細都好鐘意飲湯，而家自已隊晒成碗！



公公‘s 寶貝，妹妮每次都好識做會大聲叫‘公公’架



而家開始無晏覺瞓，所以要帶埋奶粉出街，順便飲埋，返到屋企可以即瞓



自已都扭埋一份，奇在就算個波爆左佢一D都唔驚噃！



仲有風車潻



返屋企時，妹妮居然話 ： 真係開心！ （做咩咁開心呀？） 我鐘意去街街呀，唔鐘意成日係屋企！ 



星期日到嫲嫲處做節，今次帶左媽me新買既金魚燈籠



我地又係第一個到，無野做試下新機自拍，妹妮影親3人相都會攬晒我地條頸！



到齊了，同表妹表弟玩下先。



去邊攞個puzzle黎影相呀？



三老表



姑媽抱抱



三叔平時小見D，有一次妹妮經過三叔公司，指住話三哥呀！（邊個三哥呀？）Tim Tim呀！（哦，仲以為笛僑偉潻! 原來佢跟姑姐叫三叔做三哥！-_-")



臨走時見到魚缸入面有Nemo, 仲有Nemo個friend。。。好似叫dora (妹妮真係噏得出個名架）！睇真D條魚真係同Nemo一樣架！



大家中秋節快樂！