冬至在迪士尼

12月22日，兩家屋企都一早做冬食晒飯，今日反而好得閒，妹妮已經開始放聖誕假， 於是去迪士尼探下Woody 同Jessie 。去之前都無話比妹妮聽，淨係講佢知去探下Woody，佢都唔知去邊架。沿途已經瞓著覺，我地仲諗住係車度等佢瞓多一陣，不過佢可能feel到我地已經到達，好快就瞓醒了！

除左Woody同Jessie，仲去探埋Wendy姐姐潻（Wendy, 真係打搞晒呀！）好耐無見，妹妮已經比上次大隻好多了。Wendy姐姐都可以話睇住妹妮大架！

難得妹妮又唔係好怕醜噃

聽緊自己唱既鈐聲。。。 hip hip hurry, there's something new today, today we can see, the color of the rainbow （然後好似食帶咁不斷repeat呢句）。。。係好耐之前妹妮唱既歌，Wendy姐姐將佢轉左做鈐聲，而家爸B都用緊架！

傻妹見媽咪同姐姐傾偈，圍住我地跑左幾個圈

鬼鬼馬馬

入到樂園玩下先！

嘩，好大支士的糖呀！

直情想爬上去！！

聖誕節既廚𥦬都特別靚架！

所以影左好多相！好鐘意呢隻泥紅色襯埋聖誕既紅紅綠綠，好有氣紛呀

妹妮一見到氣球就話想要，我地梗係無買啦，成＄120個架！都係問人借埋D氣球影相算了

向toys story land進發！

每次見到bubble都會發癲！即刻走埋去又吹又捉D波波

好野！今次既目的就係黎呢度，反斗奇兵大本營！

可能仲係新開，今日都好多人。排隊同Woody影相都排左成半個鐘有D！爸B真係好彩，Woody啱啱break完行番出黎係身邊擦過，咁都影到張合照。

排隊期間三個綠色士兵操出黎，本來我拉妹妮去影相，點知佢可能係唔夠瞓今日都幾moody，見到D士兵仲驚到喊。死都唔肯行過去，爸B想引佢出去，走埋士兵度影埋相，妹妮都唔肯郁！

到我地同Woody影相喇，影呢張相前一分鐘妹妮都仲係喊緊架

排隊玩Slinky，一樣咁多人，排足45分鐘呀！好彩沿途有欄杆坐下，如果唔係妹妮一句‘攰攰’ 扭抱，要爸B抱足全程都幾辛苦。

到我地喇！！！妹妮好興奮呀

其實都幾好玩既，不過排咁耐先玩得2分鐘，希望第時無咁多人唔駛排咁耐啦。

好開心呀！

仲覺得好刺激潻！

其實成個toys story land只有3個機動遊戲，妹妮又唔敢玩降落傘，U班個過山車更加未玩得，所以玩完Slinky我地又出番去玩D‘普通野’。不過心水清既妹妮問又話探Woody同Jessie，點解唔見Jessie既？（又係噃，今日真係見唔到Jessie噃）

咦，有人用水畫左阿Ham出黎呀

返出去睇左場3D show後又去玩小飛象，上次生日果次都無玩小飛象，今次補番

又係排半個鐘，排隊時無聊自拍

上到象喇！妹妮識自己控制飛高飛低了

又排過，今次去坐木馬

自得其樂！

妹妮一早就話要坐細馬唔肯坐大馬！今次霸到隻細既比佢（鬆一口氣！）

本來影得好開心

點知管家婆性格突然發現爸B掛住影相唔坐好，佢開始擔心，猛叫爸B坐好唔好影相喇，仲擔心到喊

不過解釋過後，不消半分鐘又可以變臉笑番



趁佢兩個去玩winnie the pooh，媽me鼠去shopping，仲掹埋Wendy姐姐陪我揀野。雖然之前去反斗城都買左D聖誕禮物，不過入到黎又想買定d小禮物。。。妹妮上次去樂園酒店食buffet時好鐘意隻會郁既mini，今次就買左比佢做聖誕禮物了。

購物時有個巡遊呀，呢個同平時果個唔同架！

妹妮都有出去玩呀

不過可能今日真係唔夠瞓，成日都幾moody，一陣又喊。。。事後比番D相佢睇，問佢點解喊呀？佢話因為個姐姐叫佢跳舞但佢唔想跳喎。。。

好了，都滿載而歸了，本來打算食埋飯先返屋企，但係見妹妮都謝晒就出市區先食飯啦！

上車無耐已經瞓著覺，用晒新買既咕𠱸同頸枕，瞓到頭髮都亂晒！

去Elements食夏麵館，今日我地就係呢度做冬！妹妮又做咩喊呀？原來佢話腳仔好攰仲抽筋潻（有無咁誇張呀？？？？？）

爸B按完腳仔先肯食野呀！

見妹妮好鐘意新買既咕𠱸，本來買黎比佢擺車入面有時瞓覺挨下既，因為而家坐booster seat無兩邊兜住個頭，瞓著時個頭成日左搖右擺，放個cushion可以挨住舒服D。點知佢鐘意到要拎埋上屋企。。。

送妹妮返屋企後媽me爹D有節目呀，朋友請睇城城呀！仲要好前潻！！



我地衝出去影相時見到汪阿姐呀，不過佢唔係影城城而係影自己 ﹣＿＿﹣“ 而我地因為周圍都無車位泊車，搞到泊得好遠，趕得滯連相機都留低係車入面無帶，唯有用Iphone影相啦。