新年最後衝刺團拜

過左年就黎成個月仲寫緊過年，哈哈，要急起直追了。去完旅行返黎，一切又回復正常，妹妮仲未返學，因為幼稚園比小學遲一個星期開學，但係興趣班就開學了，第朝一早就要上堂了。送妹妮去上堂，見D小朋友未夠鐘入班房都自覺拎本書坐係度睇，妹妮都跟住拎本書坐低睇，平時妹妮都好鐘意睇書，所以開正佢果瓣。



繼續團拜，今次同一班姐姐打邊爐食晚飯，時間早就帶埋妹妮去，仲book左私傢房架！



呢D係去日本買的小手信，箱根明物。。。黑糖曼頭，我地係好多地方都見到，順便買D黎試下



齊人喇！有妹妮幫手揸機，幾好噃，叫佢見到所有人先影，仲要係用iphone影架，唔係相機有粒制咁易架



妹妮差不多每日都會執下佢D公仔，要每個都整整齊齊咁先得



而家張床愈黎愈迫了



2月5日 星期日 一早同妹妮去食早餐，今日爸B會飛英國training呀。之前我地去旅行時爸B話比妹妮知佢要去英國成個星期呀，妹妮就係度捽眼，原來佢喊呀！！話唔捨得爸B喎，真係好生性咁架！



爸B出門後我同妹妮午睡，話佢知有朋友黎探我地呀。點知佢一瞓醒就問D朋友到左味呀？ 梗係未啦！！我地一邊睇Barney一邊等，一聽到門鐘聲妹妮就自動熄電視喇。Moon姐姐黎探我地呀，妹妮仲畫左幅畫比姐姐，有聖誕樹同埋我地屋企架。



妹妮仲表演拉小提琴比Moon姐姐睇，今次算拉得唔錯喇，起碼聽到係首歌呀。

跟住我地仲有下場，去Megabox同朋友仔團拜。我地成廿人咁滯霸左張長枱，細路坐埋一堆


呢班朋友仔由BB時就識架喇，不過只係大時大節先得閒聚埋一齊



妹妹思行同力恒哥哥，仲有梓悅



今日book左呢間小飛象，好處係有個兒童corner可以比佢地去玩



Clara都同妹妮好friend架，不過今次佢多數同梓悅玩



Esther EE一早訂定既乳豬，真係好外脆內軟呀！妹妮都話正，仲食過番尋味潻。



平時妹妮都會自己食飯，但係如果D餸唔啱胃口就食兩啖就要yaya餵。今日見到朋友仔個個都自己捧住個碗食飯，又話要自己食唔駛餵喎。



Hilina 同細佬 Hadden 



今次都算係團拜架，大家互派利是，Clara媽咪比利是妹妮呀



好難得先可以坐定定食晒成餐，D細路坐唔定要出去玩了，我地走去影相。妹妮呢排同Hilina friend D, 上次去Hilina屋企都兩個黐住玩



呢度有元宵裝飾，遠睇仲以為係旋轉木馬潻



成班細路各自擺甫士



大合照



最搞笑係呢度跟本無野玩，只有個裝飾，但係佢地都照殺圍住個圈跑



都唔知跑左幾多個圈了



呢對孖妹今晚好friend噃！



臨走前再影大合照，個位加D甫士多唔錯噃



臨走去停車場前，佢兩個仲口不停繼續雞啄唔斷



呢幾張相好鐘意呀，好似friend得好緊要咁呀，希望大家會多D再約出黎玩啦