蘇梅 2012 ﹣ day 2 南緣島，龜島

第二朝好早起身，因為呢日book左去外島玩。餐廳7點鐘開，我地即時去食早餐，因為7：30就要上車出發！


尋日都係行左個圈，無真正體驗過間酒店。今朝行過都係好小人住，望落好似得一，兩間屋有人住咁。



呢度係餐廳，接機個員工話而家暫時得兩間餐廳，遲D會再開多一間。



去到餐廳都係7點鬆D，佢地仲set緊枱，我地見枱上得好小野食，只有麵包同cereal，一眼睇晒。。。同爸B一齊心諗。。。唔係化，酒店早餐就係得呢D？好搵笨呀！！爸B即時同妹妮倒一碗cereal先



有一樽樽獨立包裝牛奶，豆奶或yogurt，可以沖落cereal度食

我見D果jam咁靚，好似樽樽都係手做一樣，就切幾片麵包食下

D麵包仲暖架，應該係新鮮出爐呱



話晒呢間都係small luxury hotel，所以即使只係飽同cereal都幾好食又幾精緻。環境都幾好，對住個海食，係多D烏蠅囉，因為open door，所以都避免唔到。



以為就係咁多野食之際突然送上個雀籠，有包，生果同cheese and ham。。。但係我地都已經食左D cereal同麵包＋手做果jam，飽飽地了

原來好戲在後頭！！而家先遞上個a la carte menu, 原來係逐樣遂樣order架！！！我地一來已飽飽地，加上又要趕車去外島，唔食又唔抵，於是我叫左個egg benedict，爸B叫了泰式魚蛋金邊粉，兩樣都算幾好食，爸B直情激讚碗粉好食潻！好彩今日第一日啫，仲有三日食，聽日食番夠本先得。



經酒店報左local tour去南緣島同龜島，因為舊年去布吉時諗住又倒塔咁早起身而無去PP島，蛋島等。今次的起心肝去玩下，專車7：30就到酒店接我地，去到碼頭就同一班人一齊上船



船程成個半鐘，加上坐快艇好tun，坐到pat pat都梗晒！成班船9成都係外藉人仕，得我地係中國人，好似去左外國一樣



個半鐘後到達了！！



呢度係南緣島，原來係私人島黎架噃，要每人250B 入場費架。真係唔明D人點解要比錢去人地D島呢？





其實好似我地既離島一樣，不過有專營餐廳，紀念品店咁



黎外島最重要目的就係落沙灘，即時除衫落水去！！妹妮真係有‘磨del' 風範，即時擺下甫士比我地影下相先



媽me都加入影埋一份！



領隊話呢邊灘水夠深同多魚，但係沙灘近海水部份D沙好粗，踩到腳痛架！套浮潛工具有用喇！！不過妹妮咬極都唔識咬舊膠，又唔識用口唞氣。



最後放棄，用番細潛水鏡，寧願閉氣



不過水底又幾清既，而且又真係幾多魚噃

妹妮都唔驚D魚架，仲想捉魚潻！



佢話D魚好難捉，捉極都捉唔到



媽me都喂下魚先！一早都唔記得包定D麵包去餵魚，我地用自己食既嘉頓蛋卷頂住咋



除左潛水其實都可以游下水，晒下太陽既，其實我地留係呢個島2個鐘，唔係玩得好耐架咋



妹妮懶到成日當爸B係海豚，比佢騎住游


睇下D岸邊D沙粗到，夾埋D貝殼醉，好慘腳架！妹妮要用拖鞋墊住坐呀。


好彩一早霸左沙灘遮同椅啫



妹妮居然識到新朋友呀，坐隔離班後生仔猛叫住妹妮。成日Aerin Aerin咁叫佢，又請妹妮飲野，又叫佢影相，好受歡迎咁呀



佢地好似印度人，但係又話係曼谷黎既。



玩完南緣島再上船去另一度食晏




求先見島上餐廳係食buffet，以為呢度都係，點知係就係，但係只得3碟餸揀咋。好彩有飯又有汁，妹妮都食到成碗！



有D人食完飯就去浮潛，我地就休息下先。

再落船，原來呢度已經係龜島了，不過隻船再駛開D比我地游下水



出到海中心，就比大家再落海潛水

呢度D水比求先南緣島更清！！而且今日好晒，落水後舒服晒



妹妮著住救生衣都可以係海中載浮載沉



又見番求先個哥哥呀，一落水佢地已經比左塊麵包妹妮餵魚架喇



兩父女海中晒太陽



睇下D水清到水面都見到水底架



係水底一樣咁清！呢度D魚更大條，而且唔會啄人





好鐘意呢張相呀！妹妮個樣漲卜卜

玩左個幾鐘我地上船返去了，返到酒店準時4：30。其實都幾好玩既，如果唔去外島都唔知有咩做。我地3個都晒到好黑呀！！已經不斷幫妹妮補防晒，但係都變到旱燶麵包一樣。舊年去布吉都係，勁補防晒都變炭，要冬天先白番呀！佢本身係白底，我驚年年咁晒黑會變左個真黑妹呀。不過擺起甫士又幾靚女既。



奈何個人粗粗魯魯成隻馬騮咁呢



天公做美呀，我地番到酒店洗完白白先落雨，好彩唔係出島時落雨咋。我地呢係房度睇下電視，好彩呢度D雨係落十零分鐘就停，我地決定今晚留係酒店食野唔出去了。

成日黐實爸B，成塊膏藥咁，不過爸B冧到爆！



臨出去食飯前，管家妹幫手tidy up好張床



連枕頭都要擺番好，叫佢幫手執屋就啱晒



今晚食泰國野，又係去番今朝食早餐間廳餐。



出面望住個pool，個view都幾好架



可能時間尚早，都係得我地3個人咋！好似無其他住客咁



首先點了春卷，沙嗲雞



呢兩樣妹妮都食得嘛！



跟住爸B叫了椰青frappee, 妹妮叫了荔枝smoothie



吖，今年無舊年個D小杯smoothie 比妹妮左一杯右一杯潻！



D餸黎晒喇，開餐！！



呢個都係比妹妮食既 Phai Si-Ew，係海鮮炒glass noodle，味道唔錯！！



呢碟係黑椒蒜蓉老虎蝦，隻蝦好味過尋晚係chaweng beach既餐廳果D



黃咖喱烤鴨，有小小似青咖喱甜甜地，而且好多鴨胸，起碼十幾片，好抵食！



仲有呢條原隻seabass，好脆好味！我地仲有叫冬陰功，不過冬陰功就就咸左小小。不過我地好滿意呢餐呀，因為全部都好好食！呢度個廚房好得呀！！



妹妮差唔多自己食晒成碟粉呀



今日都用左好多體力，係時候覺豬了。