蘇梅 2012 ﹣ day 3 hea在酒店的一天，妹妮's first Spa

一早未起身已經聽到妹妮同爸B大聲對話，比佢地嘈醒，原來一個係屋一個係泳池，唔怪得妹妮講得咁大聲啦！



早餐都未食又去游早水，住酒店我地真係無賠架，用盡D設施



其實黎左蘇梅呢幾日，都係日日有時陰天有時好天，日日都有過雲雨。天氣又唔算熱，我諗大概廿七，八度左右，唔會熱到出汗。



游完水，shower完出去食早餐，今日可以慢慢歎了！



妹妮居然猛讚D朱古力cereal好味，仲話要帶yaya黎食？！香港都買過呢隻cereal啦，真係咁細個已經識隔離飯香



呢間就係酒店唯一既餐廳（隔離仲有間一樣樣既，不過都係出自同一廚房），圓枱上就係一樽樽任攞既牛奶，果汁，yogurt 



今日歎下早餐先



今日因為晏左出黎，終於見到有其他人喇！



妹妮叫左香焦pancake 加朱古力醬



爸B叫左泰式炒飯



我叫了叉燒炒麵。因為呢度人流小，所以餐廳唔會好似大形酒店咁擺buffet枱，煮晒咁多種食物。但係咁樣 a la carte叫法，樣樣即叫即煮，仲新鮮好食，而且呢度個廚房煮得真係好食！食完其實都好飽，但係又好想食下唔同既野，不過真係食唔落了。



妹妮自己可以食晒呢碟pancake呀！



其實出去露天食都幾正架，不過驚多烏蠅囉。相中左邊個鬼佬係酒店經理，我地check in時佢親自黎歡迎我地，平時係酒店出入都成日見到佢架，連妹妮都識佢叫Alex。



食飽飽我地返屋企休息下，仲爭扎緊租唔租車出去town行下。不過景點都係去下個seal 同tiger zoo，或者去下個waterfall騎大象，又或者去下Big C大型超市買手信。。。仲有兩個睇佛像既景點我地又無咁大興趣。諗緊之際，妹妮主動幫媽me按摩呀，揸小小cream按，好專業架



按完背仲按埋手潻



再幫爸B按埋，真係好乖呀！！



唔知係咪做完‘家務’攰攰地呢？開始捽眼，好似想瞓覺咁呀。



未決定出唔出去，不過因為租車係廿四小時計，而我地明天又成黃昏6點機，租都等今日3點先租。於是又執埋包服去大池游水。其實而家先朝早10點幾咋，你知妹妮好早醒架啦，佢起身時先7點零鐘咋。





舊年去westin，個pool side bar見小朋友就自動offer杯沙冰，呢度就無嘞



妹妮有水玩就開心！



係水中都識擺甫士架

上水晒一陣太陽，話時話，今次見阿sa賣廣告話有helioplex，要唔break至work，成日都咁白，於是買支neutrogena 防晒用吓啦！點知好似塗蜜糖燒雞翼咁，大家都晒到金黃色！！一D都唔work囉！！以前用Shiseido 支Anessa，同朋友去澳門玩ko cart，朋友無塗晒到甩皮，但係我就一D都無黑。真係好後悔今次買左neutrogena黎試呀

有一家6口外藉人仕係樹底開餐，見到佢地係度食都覺得去露天食有feel D



呢班小朋友都係講廣東話架，佢地聽到我地講野都問我地邊度黎，佢地就係吉隆坡黎玩，住左四晚了。妹妮好似想撩D細路玩咁

游完水了，我地再返屋企



妹妮真係精力真係多到你唔信，玩多一陣



沖完涼乾淨晒，叫room service，妹妮玩左咁耐可能都好餓了



尋晚叫左phai si-ew （炒玻璃粉），今日叫phai thai （泰式炒金邊粉）甜甜地，好好味呀！



黑牛漢堡件扒就鞋左D D



clubsandwich 好味！ 總括黎講呢餐都食得好開心！！



我地決定唔出去了，爸B叫媽me去做spa，佢陪妹妮玩。去到spa center，問下4歲半做唔做得spa呀？佢地又話ok，於是我返房帶妹妮出黎。我都未行到返去已見妹妮一早出左門口等喇，佢都不知幾興𡚒！



返到spa center，姐姐先準備兩杯果汁



上到雙人房，今次係妹妮第一次做spa呀！我同妹妮一路行去spa center時都話比佢知佢好幸福架，媽me變左大人先有機會去spa咋！你而家4歲幾就有spa做。佢問係咪細個窮呀？ 我答 ：係呀，細個邊有錢去做spa噃。其實我地細個時邊有而家咁好生活吖！有＄都唔識去做spa啦，寧願一家人出街食餐勁架啦。



司傅們幫妹妮坐好洗腳仔先



妹妮好搞笑，成日攬住條毛巾驚死跌左咁



我地一齊上床，叫妹妮扒低覺豬豬就得架喇，姐姐會幫佢按摩，唔駛講野架。無耐我裝下妹妮，佢扒左係度推緊油。因為佢做時間短D，我瞓瞓下聽到佢叫聲媽me，望下佢已經坐左起身。。。第一句話：我又想按bun bun 呀！（你按完嗱？有無瞓著呀？按左邊度呀？）後來打返房叫爸B先黎接妹妮走。



到我返到去兩父女係露台玩緊，妹妮話按摩好舒服喎，佢做晒動作話我地知按左邊度（基本上係全身按晒，但係佢話淨係無按bun bun-->pat pat囉）仲話扒低時已經瞓著左了



不過反身時已經醒噃，再瞓陣覺豬先啦



Zzzzzzzzzzzzzzzz! 



媽me見個背景影相都幾靚，又唔執輸影下相先



嘩！妹妮瞓到流晒口水呀



叫極都唔願醒，仲想瞓



唔知點解低抄親妹妮塊面都圓到波一樣，平時又唔覺咁包包既



未瞓醒都要起身喇！再瞓今晚瞓唔到架喇，我地今晚食戶外餐



menu都有燈架，妹妮仍然moody



叫左椰青醒番D啦！




今晚都叫左好多野食，不過因為相機影出黎唔夠光無影相了！



眨下眼又到假期最後一晚，聽日hea都大半晝就要走了，真係嫌個trip太短呀！！