扭波波

早前妹妮話唔想再食cereal做早餐，我地就幫佢轉下menu，有時食下包，有時食下三文治。今朝yaya煮左煎腸仔煎蛋比妹妮，佢見到即刻大叫好野！仲話看自己係食緊麥當勞早餐。我以為佢意思係煎蛋腸仔好似麥當勞早餐潻， 點知行埋去睇下，原來因為佢點緊麥當勞既茄汁呀 所以叫做麥當勞早餐囉，笑死我呀！！見佢食得咁開心，我話睇時去pizza hut, 麥當勞攞定D外賣資源就可以返黎扮食緊pizza hut同麥當勞喇。

講番之前，都成大半個月了，因為呢排好忙都無時間寫。。。

續上篇，我地離開Cheryl屋企後，下晝就約埋行行同Sana去學扭波波。都係團購見有堂上＄98平平地，所以去玩下。佢地一見到個泵已經不停玩泵氣，妹妮仲猛泵氣足自己

課堂未開始，參觀下先，見D作器都幾靚吖， 仲見有皇冠賣。



妹妮之前有頂hello kitty皇冠架，不過已經爛左，見呢頂只係廿蚊，買番比佢啦。



D皇冠仲有男裝潻，行行都想做下皇帝呀，仲要打孖黎！



Sana都到了，堂都未上，就已經急不及待要吹波波了



但係原來呢D細波波好難泵架！！

開始上堂喇，呢度都幾好架，每套工具都有一份大人一份細路，大人細路可以一齊整。第一樣係最簡單既學整劍



行行可能夠大力，好快就泵到個波波了



有助教都會黎幫下手架




泵完波就開始扭，原來扭波波都唔係咁難架，只要唔好驚佢爆就得喇。



好快就扭得好了，大家一齊比下劍先

第二樣係扭狗仔，都好容易架咋！




而且都好容易做得似模似樣呀

都估唔到咁易呀

咦，行行條狗尾仲未唧到尾潻！


呢個扭波波班得個半鐘咋，所以今次只夠時間扭到3樣野咋，最後一樣係比較複習既蝴蝶



要將一條氣球對摺再扭架，仲要再搭埋其他氣球一齊先做到。



妹妮當然唔會整得到啦，都係由媽me代勞，佢係上面畫下圖案點綴下啦



製成品都好靚架！！妹妮今日扭左好多波波呀，每個款都再扭多左一隻，真係滿戴而歸呀！！