妹妮有口福

妹妮真係有口福！其實以前都試過買D工具嘗試將食物整得靚D，等妹妮食得開胃D。好似一塊方包壓成熊仔樣咁，食都食得開心D啦！最近yaya突然開竅，無啦啦砌D靚靚午餐比妹妮！妹妮梗係開心到飛起啦！！ 不過佢食緊公仔塊面時，yaya話 oh my gosh, you're eating his face! 妹妮即刻猛話唔好oh my gosh 啦！食野之嘛！



整開有癮，夜晚再整，妹妮一打開眼見到隻雞雞又係超surprise同興奮！其實妹妮平時都食好多野，係食得慢d，不過變左公仔飯，好似食得真係快左小小噃



妹妮最鐘意既長髮呀！！



真係食得晒架，佢仲食埋塊包潻架！



唔信？真係食得晒架！！

呢排可能真係整開有條癮，間中yaya就整下呢D公仔飯比妹妮食。連媽me返緊工都收到yaya whatsapp 妹妮靚相，直情現場直擊一樣！

雖然d公仔飯唔算好精美，但係都已經算好有心機整喇。



呢次唔係公仔飯，三文治一樣可以好野味！


連雪糕杯都要用生果做，妹妮愈黎愈鐘意食火龍果呀



雪糕更加無得淨！



呢排妹妮好有口福，朋友Yennis姐姐天整左動物macaron比妹妮食，靚到唔捨得食呀！！



Moon姐姐又送左月餅比妹妮，但係妹妮一聽到月餅就問係咪custer 架？原來係佢心中月餅係奶黃唔係蓮蓉架！！妹妮仲識讀晒Moon姐姐張字條



仲要回信潻！


妹妮腦仔入面已經有好多野想寫了， 一早諗好晒



送比Moon姐姐既



yaya笑妹妮眼仔細細，佢即時瞪大兩隻豆豉眼，力証同媽me一樣



今年錯過左訂半島月餅，報紙都賣晒話排隊都無得賣，半島仲送tea 卷比排隊買唔到既有心人。飛上海時見機場大把有得賣，但係正價二佰幾蚊真係唔想買，往年買開百零蚊之嘛！居然有日客人送左盒比我呀，好開心，妹妮又有口福喇。嗱，呢盒係custer黎架！



平時yaya 帶妹妮返興趣班，又或者落樓下playroom玩，都會影d相比媽me欣賞下架



見妹妮上堂時，同其他小朋友一樣咁主動舉手，真係開心晒！希望妹妮可以繼續做個大膽妹！