聖誕大餐

呢排天氣凍，個人懶晒， 仲有排先追得番晒。christmas day，呢日去左EE屋企慶祝，由EE下廚食聖誕大餐。記得細個時有跟太婆去餐廳食聖誕大餐架，好似而家D西餐廳晚餐一樣，有餐湯，牛扒，啫喱，餐飲， 但細個時已經覺得出街食“聖誕大餐”好勁喇！仲有一年公公帶我地一家去食自助餐，當時都覺得好興𡚒架！



是晚餐單有豬扒同春雞任擇

次次妹妮坐呢張按摩椅都話自己坐左太空船飛左上太空

開餐喇！有栗米湯

D餐巾都好靚好有氣紛呀！！

我地有人食豬扒

有人食春雞！係得EE咁有心機，得閒鐘意整野食，媽me極其量都係鐘意整下曲奇，同新買麵包機時會貪過癮整下麵包，所網爸B就無咁好口福。

呢個叫christmas cake，係姨丈買番黎的，佢好心急想試食

番叮熱左後有陣藥材味，食落有D提子乾，但係唔係好好食

都係homemade brownie好味好多！！

EE請我地食大餐，妹妮買左聖誕禮物比EE呀

係tea for 2 茶壺套裝，希望EE同姨丈啱駛啦！

晚飯後EE摷出之前用剩既花炮，開埋佢啦，唔係就出年先用架喇！

妹妮記得拉炮會有響聲，已經即時揞住耳仔

一人拉一邊開左佢，入面D小禮物都好廢下架！

妹妮油左指甲，連舅父德都留意到讚佢指甲靚呀

食飽一輪，唞左一陣就係甜品出場既時候！！唔多唔小都有D期待想食架

朱古力火鍋呀，唔係大時大節都唔會買黎食。所以我覺得食朱古力火鍋都有小小節日氣紛！

真正打雪糕邊爐，但朱古力凝結左變成脆皮又真係幾好食！！妹妮大粒大粒咁擺入口食

睇佢個樣就知有幾happy!

同EE，姨丈玩 “木頭人唔準郁” 睇下邊個唔眨眼，妹妮係大笑姑婆，多數都係佢忍唔住笑先

又做埋D核突動作想引人笑，爸B問你有無見過白雪公主咁核突吖？妹妮話見過白雪公主呻鼻涕喎。

呢晚又玩到成十一點先返屋企了，大家都有知愉快既聖誕節！