playdates

學校新年假完結前夕，同妹妮約多幾次朋友短聚，等佢放假無咁悶吖嘛。趁海港城仲有情尋朱古力display，呢日約埋Sana去扮公主！



影相前兩人一見就糖黐豆一樣，會自動手拖手，好似好耐無見好掛住大家咁！



之前Sana媽咪話有個counter比小朋友換衫同化埋𤕸潻呀，不過可能新年太多人，所以個counter都摺埋。我地自備左公主衫，初初妹妮仲以為有得化𤕸，好鬼期待呀。不過無化𤕸有公主衫著佢地一樣開心！只要捐廿蚊就可以入去影相架喇，入面D朱古力擺設都好童話架。

呢，就你呢係個公仔條裙入面咋，平時行過都無留意到呀

呢日Sana嫲嫲從日本黎探Sana，佢地一早已經去完山頂玩了。

再黎陪兩個公主影相

佢地好搞笑，好識擺甫士架！兩個會好自然咁擺到D好夾既甫士，好合拍架

跟住我地想去食tea, 但係週圍都爆滿，最後幾經辛苦先去agnes B等到位，食下cake

兩位公主好大食，每人食左件半都有！

咁蹺商場有舞獅，順便影下相先！

妹妮講過好多次話想叫Sana黎屋企玩，呢日Sana 嫲嫲同爹D因為已經行左成日，返左屋企先，Sana就上黎玩。其實最主要目的係同大肥玩咋！！

兩個玩到大肥駝駝拎，幫大肥做運動呀

Sana排住同大肥玩，妹妮就排住畫畫

跟住玩玩下就一齊去左畫畫

Sana屋企無寵物，所以都係攬多一陣大肥先

再玩煮飯仔，每次兩個聚埋都好難叫佢地分開，我地車Sana返屋企，次次就到佢兩個就係度 ‘cher...’咁叫，唔想咁快分開嘛。每次分別時都會有goodbye kiss架，仲sweet 過d 大人

另一日，約左行行去玩。呢日爸B去台灣出差，妹妮同爸B傾電話先比爸B上機



呢日目的地係黃埔，見到財神仲要寫明學業進步，小朋友點可以唔合照呀。

同行行去冒險樂園玩，印象中咁耐我地去過一次冒險樂園玩咋，上次果間仲係細細間，都未黎過間咁大既冒險樂園玩呀。

妹妮一入到去已急不及待飛𩣺去玩，即時騎住左個波波

呢度真係幾多野玩，不過大人都真係好難跟得上。以前去playtown玩，因為妹妮仲細，都會跟住爬來爬去，但係而家佢大個D，可以自己跑又唔驚比人推跌，我地都唔跟咁多了

佢仲好快識到朋友仔潻！佢叫 Seven，因為7歲喎，個名又幾有創意噃！

行行到喇，求先妹妮同Seven講 ： 我一陣唔同得你玩喇，因為我有朋友黎。正傻豬，有朋友都可以大家一齊玩嘛！

係繩網區玩完一輪出去玩下機動遊戲先

都唔明點解D細路咁鐘意入錢玩呢D up下up下既電車呢？？

呢個frog hopper同海洋公園果個一樣架，上次妹妮都玩得好開心架，一D都唔驚！

兩個無見成半年都有，但係細路仔真係好易熟絡，玩左一陣就拖晒手好friend架喇！無見行行一排，佢大隻左好多呀！以前妹妮大件過佢好多，而家接近左了 

又去玩彈彈車

同碌保齡，行行明顯係高手，睇下叠飛咁長就知！妹妮就碌極都唔中，又或者返轉頭

玩完一輪我地去醫肚先，佢兩個好似銀幕小情侶呀，可惜各自都有 ‘心上人’了 

去食野等位，見番Seven同細佬，原來佢地住元朗，好小出黎架，今日係黎參加生日會咋

呢日去和民食野，等位已經等左半個鐘，但係野食都一樣等咁耐，我地足足食左成個半鐘呀！！

因為買左day pass，返去玩多陣先走

雖然短聚幾個鐘，但係妹妮都好開心，有得玩嘛！順便聯誼下，等佢生活圈子大D嘛！自己好小朋友係由細識到大，而家妹妮都有一班朋友仔，唔知佢地既友誼又可以keep到幾耐呢？ 希望以後再多d時間帶妹妮同朋友仔短聚啦。