4月4日 呢日起程去京都了！其實今次去関西旅行都無諗住要黎賞櫻架，主要係無咩地方特別想去，D人又猛話東京幅射好勁。諗起関西有環球片場，又有奈良餵下鹿仔，都幾適合我地吖。初初仲諗住四月頭已經係櫻花水尾，因為記得櫻花好似係三月就開晒，但今年就啱啱好係我地黎之前即三月尾先開！正呀！
去京都最快應該係搭JR， 但要去大阪站（即梅田）上車。今朝我地索性一早就由心斎橋直踩去梅田，因為去USJ果日見呢個站好似好多野食，但係我地最後去左新大阪站轉車，原來而家有架新快速 ，真係好快，大約廿五分鐘就到京都JR站了！！
一出京都JR，我地要再轉車去烏丸五条站，因為我地book左要換和服呀！！！ 經過一輪上網資料搜集後揀左夢館。。。其實京都的幾間和服山租都應該差不多，但係夢館就最平，因為而家做緊半價優惠，2500円就可以著成日和服了，好抵玩呀！！一路上已經見有好多穿和服既女仔，仲見到一班穿和服既鬼佬同鬼婆潻！！其實我地book埋爸B個位，點知佢話咪搞！
我地個booking 係11：00，點知上到去已經好迫人！可能呢幾日係賞櫻旺季特別多人租和服， 除左遊客都有好多日本人都有租架。同妹妮揀左先，佢一見個衣架就即刻指住黃色果套，問佢駛唔駛揀下粉紅色呀？佢睇都唔睇就話唔揀喇，要黃色！好了，到媽me揀了，本來心目中想揀套彩紫或桃紅色之類既，但係可能我地11：00已經太晏，剩低係架上都係D較沉色的。。。淺色又怕同D櫻花撞色影相唔靚。最後都揀左幾套紫色，叫妹妮比下意見，又問下在場工作人員意見，加上費事揀太耐怕爸B要呆坐等我地，我求其揀左件已經比較最唔沉色既紫色了。跟住去大變身！
呢個trip以來最期待就係呢日了，因為細個已經好想試下著和服架喇！！去左咁多年日本旅行都未試過，今次終於有得試！妹妮都好興奮呀！！ 可惜入面不准拍照，我地入去更衣室，入面係分兩排每邊四塊鏡既更衣位，比係對住塊鏡黎著，當然自己係無可能幫自己著，全都要由阿姐幫我地著。我地去到入面已經好多人，我地搵到兩個隔離既位可以一齊換衫。估唔到穿和服條腰要纏咁多層野！妹妮小童，除剩入面件長袖底衫都得，大人就著埋bra，套上白色底衣，再加白領和衣，綁上白色圍裙再穿上有色既和服。當中腰部份綁左幾條帶。但係著起和服真係覺得佢有一種美態！！不消十分鐘就著好！！
跟住另加一千円就可以去set 頭，妹妮都有份set呀，去到set 頭部好似間小型salon咁，有成7，8個髮型師架，我地排隊等位時妹妮開心到猛話：媽咪我好緊張呀！！
排排坐等位時有兩張A4 紙共十二款髮型比你揀，我見在場好多日本妹都set 得好靚。
因為要排隊，所以到妹妮時我比佢自己埋去同髮型師溝通。到我時我先走埋去，佢地知我地係一齊都比我地坐隔離。妹妮仲話我知佢睇相揀左自己既髮型潻！其實我唔係好滿意自己個頭既較果，因為set完好似無set咁，同我自己整既差唔多，可能係我揀錯相呀。人地果D好似靚好多咁架，妹妮果個都set得好過我呀，早知揀佢個款啦。
登登登戥！大變身成功！！都係細路著和服得意D，但下之再有機會去京都，我仍然想再著呀！
呢班日本妹姐姐同我地一齊變身完落樓，我地問佢地點去清水寺最快，佢地都唔識。但係都用電話幫我地搵了條巴士線，原來夢館樓下有80號巴士去到五条坂，去到就行到上清水寺喇！
等車之際叫爸B影下個頭比我睇，好似無咩特別咁呀！
妹妮個波波頭好似‘有D野睇’，佢話髮型師同佢一齊揀架
去到五条坂了，一落車就見到有指示去清水寺了。妹妮猛叫肚餓，但係沿住五条坂行上去都無咩食市，見到有間餐廳就即刻行入去了。店仔小小所以要等位潻呀
終於有位了
呢度食牛肉，天婦羅烏冬同喬麥麵，妹妮自己隊晒成碗天婦羅喬麥麵呀！
其實呢條本來只係一條繩，但個阿姐打成一個孖結，都整得幾靚呀。
終於上到清水寺範圍了，已經有好多櫻花同埋好多遊人，但係影相真係一流，個景超美呀！
D櫻花全部都係盛開緊架
妹妮一雙矇豬眼襯埋和服真係好似日本妹仔架，唔講咁多，睇相啦！
我地想去清水舞台，但係又唔知係邊，於是就沿住人潮走，入到去清水寺。原來要買入場卷架，不過日本有度好，小朋友未讀小學都唔駛買飛，我地買兩張大人飛就得了。
原來而家企緊果度已經係依山建築既地方，下低只係靠木杉乘托住咋
沿住人群一路行，就可以見到呢個清水舞台，係屹立係山坡上面架，好多人都係呢度影相架！加埋櫻花仲靚，不過唔知點解D陽光好似突然變左斜陽咁，開始變黃。
影完呢個必影景點，沿住路行落去，有個伯伯係度寫生呀。妹妮咁鐘意畫畫，見到有人寫生更感興趣！
都畫得幾靚呀！！
妹妮被途人邀請合照，佢又好合作擺晒甫士！
中途有D小食店比人唞下，雖然坐室外，但係你一坐低佢就埋黎招呼你，我地叫左樽橙汁飲，順便坐下唞下啦
兜左一個大圈了，返到清水寺人口，好自然就會行去另一方向，原來就係二年坂同三年坂了。
居然咁早（大約3點咋）就見到藝妓出沒，佢被遊人爭住排隊影相，唔知佢要行幾耐先去到目的地呢？
我地沿住三年坂行，兩旁有好多賣手信同食物既鋪頭
但係手信我地一D都無買過呀，淨係買左雪糕咋。
妹妮隨手拎起個風車，襯起和服更似地道日本人
一路都有好多鋪頭架，要間間都入去睇下真係行幾個鐘都得呀
我地行番落東大路通（大馬路）就截的士返夢館還衫。 妹妮今日都行左好耐但係著住和服佢覺得好靚好好玩又好開心，一上到的士係短短5分鐘車程已經瞓著左！ 其實著住和服一D都唔辛苦，對拖鞋直情同著人字拖一樣，分分鐘好行過著鞋！而且都唔係好似睇戲咁要細細步就住黎行，一早叫左爸B一齊著和服架啦！下次再去京都一定再租多次呀！ 返到夢館已經4點幾了，我地好快換番晒衫向溫泉酒店出發！
去京都最快應該係搭JR， 但要去大阪站（即梅田）上車。今朝我地索性一早就由心斎橋直踩去梅田，因為去USJ果日見呢個站好似好多野食，但係我地最後去左新大阪站轉車，原來而家有架新快速 ，真係好快，大約廿五分鐘就到京都JR站了！！
一出京都JR，我地要再轉車去烏丸五条站，因為我地book左要換和服呀！！！ 經過一輪上網資料搜集後揀左夢館。。。其實京都的幾間和服山租都應該差不多，但係夢館就最平，因為而家做緊半價優惠，2500円就可以著成日和服了，好抵玩呀！！一路上已經見有好多穿和服既女仔，仲見到一班穿和服既鬼佬同鬼婆潻！！其實我地book埋爸B個位，點知佢話咪搞！
我地個booking 係11：00，點知上到去已經好迫人！可能呢幾日係賞櫻旺季特別多人租和服， 除左遊客都有好多日本人都有租架。同妹妮揀左先，佢一見個衣架就即刻指住黃色果套，問佢駛唔駛揀下粉紅色呀？佢睇都唔睇就話唔揀喇，要黃色！好了，到媽me揀了，本來心目中想揀套彩紫或桃紅色之類既，但係可能我地11：00已經太晏，剩低係架上都係D較沉色的。。。淺色又怕同D櫻花撞色影相唔靚。最後都揀左幾套紫色，叫妹妮比下意見，又問下在場工作人員意見，加上費事揀太耐怕爸B要呆坐等我地，我求其揀左件已經比較最唔沉色既紫色了。跟住去大變身！
呢個trip以來最期待就係呢日了，因為細個已經好想試下著和服架喇！！去左咁多年日本旅行都未試過，今次終於有得試！妹妮都好興奮呀！！ 可惜入面不准拍照，我地入去更衣室，入面係分兩排每邊四塊鏡既更衣位，比係對住塊鏡黎著，當然自己係無可能幫自己著，全都要由阿姐幫我地著。我地去到入面已經好多人，我地搵到兩個隔離既位可以一齊換衫。估唔到穿和服條腰要纏咁多層野！妹妮小童，除剩入面件長袖底衫都得，大人就著埋bra，套上白色底衣，再加白領和衣，綁上白色圍裙再穿上有色既和服。當中腰部份綁左幾條帶。但係著起和服真係覺得佢有一種美態！！不消十分鐘就著好！！
跟住另加一千円就可以去set 頭，妹妮都有份set呀，去到set 頭部好似間小型salon咁，有成7，8個髮型師架，我地排隊等位時妹妮開心到猛話：媽咪我好緊張呀！！
排排坐等位時有兩張A4 紙共十二款髮型比你揀，我見在場好多日本妹都set 得好靚。因為要排隊，所以到妹妮時我比佢自己埋去同髮型師溝通。到我時我先走埋去，佢地知我地係一齊都比我地坐隔離。妹妮仲話我知佢睇相揀左自己既髮型潻！其實我唔係好滿意自己個頭既較果，因為set完好似無set咁，同我自己整既差唔多，可能係我揀錯相呀。人地果D好似靚好多咁架，妹妮果個都set得好過我呀，早知揀佢個款啦。
登登登戥！大變身成功！！都係細路著和服得意D，但下之再有機會去京都，我仍然想再著呀！
呢班日本妹姐姐同我地一齊變身完落樓，我地問佢地點去清水寺最快，佢地都唔識。但係都用電話幫我地搵了條巴士線，原來夢館樓下有80號巴士去到五条坂，去到就行到上清水寺喇！
等車之際叫爸B影下個頭比我睇，好似無咩特別咁呀！
妹妮個波波頭好似‘有D野睇’，佢話髮型師同佢一齊揀架
去到五条坂了，一落車就見到有指示去清水寺了。妹妮猛叫肚餓，但係沿住五条坂行上去都無咩食市，見到有間餐廳就即刻行入去了。店仔小小所以要等位潻呀
終於有位了
呢度食牛肉，天婦羅烏冬同喬麥麵，妹妮自己隊晒成碗天婦羅喬麥麵呀！
其實呢條本來只係一條繩，但個阿姐打成一個孖結，都整得幾靚呀。
終於上到清水寺範圍了，已經有好多櫻花同埋好多遊人，但係影相真係一流，個景超美呀！
D櫻花全部都係盛開緊架
妹妮一雙矇豬眼襯埋和服真係好似日本妹仔架，唔講咁多，睇相啦！
我地想去清水舞台，但係又唔知係邊，於是就沿住人潮走，入到去清水寺。原來要買入場卷架，不過日本有度好，小朋友未讀小學都唔駛買飛，我地買兩張大人飛就得了。
原來而家企緊果度已經係依山建築既地方，下低只係靠木杉乘托住咋
沿住人群一路行，就可以見到呢個清水舞台，係屹立係山坡上面架，好多人都係呢度影相架！加埋櫻花仲靚，不過唔知點解D陽光好似突然變左斜陽咁，開始變黃。
影完呢個必影景點，沿住路行落去，有個伯伯係度寫生呀。妹妮咁鐘意畫畫，見到有人寫生更感興趣！
都畫得幾靚呀！！
妹妮被途人邀請合照，佢又好合作擺晒甫士！
中途有D小食店比人唞下，雖然坐室外，但係你一坐低佢就埋黎招呼你，我地叫左樽橙汁飲，順便坐下唞下啦
兜左一個大圈了，返到清水寺人口，好自然就會行去另一方向，原來就係二年坂同三年坂了。
居然咁早（大約3點咋）就見到藝妓出沒，佢被遊人爭住排隊影相，唔知佢要行幾耐先去到目的地呢？
我地沿住三年坂行，兩旁有好多賣手信同食物既鋪頭
但係手信我地一D都無買過呀，淨係買左雪糕咋。
妹妮隨手拎起個風車，襯起和服更似地道日本人
一路都有好多鋪頭架，要間間都入去睇下真係行幾個鐘都得呀
我地行番落東大路通（大馬路）就截的士返夢館還衫。 妹妮今日都行左好耐但係著住和服佢覺得好靚好好玩又好開心，一上到的士係短短5分鐘車程已經瞓著左！ 其實著住和服一D都唔辛苦，對拖鞋直情同著人字拖一樣，分分鐘好行過著鞋！而且都唔係好似睇戲咁要細細步就住黎行，一早叫左爸B一齊著和服架啦！下次再去京都一定再租多次呀！ 返到夢館已經4點幾了，我地好快換番晒衫向溫泉酒店出發！
No comments:
Post a Comment