中秋節

中秋節又到了，好快又秋天，又係我地一家既生日月了。

中秋節晚我地去公公屋企晚飯，出門前影張全家幅先！妹妮攞番舊年EE買既大白兔出黎，所以今年都無諗過要買燈籠。

而家可能大個左，又識問下隻兔仔點解會有碌，係咪比好細個既細路拖住行架？好似比上年更加知道中秋節玩燈籠係做咩。妹妮仲記得嫦娥點上月亮既故事潻！

咦，公公買左個新燈籠比妹妮呀！係白雪公主潻

呢晚我地order左盤菜

公公又買左好大條魚，又有雞，又叉燒，好好餸呀。食食下飯，妹妮又食到甩牙了！呢日佢甩左第3隻牙仔呀，妹妮好好彩，每次甩牙都係食食下野甩，無經歷過掉掉fing唔甩又唔實既過程，而且每次都唔痛，真係好幸運呀！

EE買左望月奶皇月餅，話係前半島師傳開既，我地今年都有買半島奶皇月餅呀，因為妹妮唔鐘意食蓮蓉架。呢個望月食落去鬆一D，好似旦皇比半島多DD，但係都好好味

EE同姨丈都買左燈籠比妹妮呀，呢個比公公買既白雪公主大好多呀！！

食飽飯又係例牌去公園巡下既時候，妹妮有成3個燈籠，加埋公公買左好多螢光棒呀

睇下D燈籠掛到成身都係呀！個Ariel太大個了，妹妮拎住都掂到地下呀，可能出年玩啱D

去到公園已經好多人喇！！D草地已經比人霸晒野餐了，不過我地只想兜個圈行下應下節就算，因為已經9點幾其實妹妮食緊飯時已經開始眼瞓，佢平時8：30就上床架喇 

不過知道有得玩就點都頂到一陣既！D螢光捧發晒光又真係幾靚架

掛到一身都係！但係而家D電子燈籠一D都唔光，D燈泡好暗，比螢光捧仲暗呀，著左好似無著一樣！

叫妹妮影下相佢已經無表情了

真係好攰了？喊住話好攰唔想影相喎

點知轉頭幫佢整左隻蝴蝶翼就生猛番晒！即時猛咁彈下彈下，話自己：I'm a real fairy now!! -_-

嗱！即刻肯影相喇，仲成個人生猛番晒，一直彈到去停車場。但係上車唔駛5分鐘就即刻無電

返到屋企都唔願起身換衫呀

追月夜輪到去嫲嫲果邊，呢晚出街食，原來係三叔生日，妹妮畫左張生日卡比三叔呀！但幅畫係隻‘疆屍貓’。。。聽到都覺得‘吓？！’

食完飯上平台公園玩呀，未去已經好鬼high喇！

去到平台公園，黑媽媽好似無開燈一樣，D公園燈咁暗真係唔明，唔通諗住較暗D等D人電燈籠好feel D?

妹妮都未玩燈籠已經走左去玩滑梯，其實而家無得玩火同焟爉真係無以前咁好feel呀，D燈籠又暗，唔玩螢光捧真係無野好玩！

好彩都有螢光捧玩下，妹妮玩跳大繩

其實佢唔識跳繩架，淨係識跳起一下，條繩一路‘發’佢唔識一路走一路跳入去架

玩下年步舞

我地都係影左小小相，玩左一陣就番上樓了 

三表姐弟妹影下相啦

上返去食生日蛋糕，睇黎佢地有蛋糕食好似興𡚒過玩燈籠呀

happy birthday and happy mid autumn!!