摸獅頭

雖然過左年咁耐都未寫晒，又寫返年初幾，仲係假期，妹妮呢排迷上電影frozen, 連髮型都要求set到同主角一樣！

yaya好有心機幫佢鬢鬢辮，而家妹妮會要求點扎個頭，又話由呢度鬢去果度，然後又話要扎起，超貪靚！

可惜成日做埋d核突樣！佢我地面前要幾核突有幾核突，我地話send幅相去佢果班既whatsapp group，佢會即刻嗌唔準！！

一話send 去班既whatsapp，就會擺番個'正常'樣！

呢日去茶餐廳食晏，遇正有舞獅！

妹妮今年都無睇過舞獅呀，呢日'清清渣渣'好有氣氛好熱閙呀

同事話摸過獅頭會帶來幸運，我叫妹妮去摸，好彩隻獅繞場一週經過晒d枱，我地都摸到晒獅頭呀

妹妮問摸到隻眼算唔算架？

摸過獅頭希望今年一家行大運啦！

紥左成日辮，放番落黎時變左卷髮，妹妮超鐘意，仲擺晒pose比我影相！

好耐無影門口全家幅了

呢晚約左do-re-mi食晚飯兼派利是

我地同康然到先，好耐無見影下相先

Ellie都到埋了

好耐無團拜了，一班朋友出黎聚下頭食下飯真係幾開心架！

唔知妹妮同康然睇咩呢？

大合照 ！

襯仲有桃花，埋去影相啦

Do-re-mi 又一齊了，妹妮真係好似大個好多咁！妹妮6歲，康然4歲，Ellie 3 歲，但係妹妮零捨高左一截