Do-Re-Mi hea 遊長隆2

第二日行程同上年一樣，都係去動物園。今年hea d，我地無食7-9am早餐，改食9-10am。所以一早起食都無趕頭趕命。

去到白老虎餐廳，梗係想坐白老虎旁邊，行入d就見到

今次霸到白老虎窗口位呀！不過老虎一直扒係石頭上無行埋黎呀

終於食飽飽出發去動物園，呢日天氣唔算好熱，上年經驗都帶定衫換。上年真係熱到滴晒汗架！

其實今次黎動物園都有任務架，因為妹妮有份功課要做資料搜集，要影動物相，植物相，指示牌相，動/植物公園相。好彩黎左呢度，多d野影，否則都係去香港動植物公園咋

呢d標語牌就要影低喇

我地索性比左部相機妹妮自己影，而家用數碼相夠方便，點影都得又唔駛晒出黎 。

見佢揸機都似模似樣架，而家就影緊佢認為要既植物相喇

真係好認真架！

影到單晒眼，嗡晒口鼻咁

不過影出黎d相都ok架

呢d就係佢既傑作

行左一陣已經12點，於是又食晏先。其實今次行程比上年hea好多，可能因為上年人多又早起身，我地好似旅行團咁有好多地方去，上晝已騎左騾仔，餵左大象。

 上次無去熊貓館今次去睇番

每次去完一個館都有d公仔引你買，好彩妹妮只係攬下就夠唔會扭買咋

今次仲買左香蕉餵大象潻，但係唔係好似細個時去荔園餵到埋象鼻（我好有印象細個時係個象鼻伸埋黎攞蕉架），而家係掉埋去等佢地係地下執

爸B餵得好興奮呀！

大象都好歡迎我地d香蕉呀！

好快就行左去餵長頸鹿

呢次真係餵到埋口了，d長頸鹿好快就一口扯晒成枝樹枝，所以要揸得好實先可以餵耐d架

嘩好難得先影到長頸鹿走埋黎食樹葉架

又係公仔時間

三個仲不停試戴晒上頭，真係無幫襯，搞搞震！

之後仲睇埋白袋鼠同樹熊，上年都無睇過呢兩種動物呀

呢對母子樹熊好得意呀！

一路行去搵小火車參觀Safari Park，突然個天開始暗同落微微雨，好彩趕得切上小火車可以避下雨，順便唞下

雖然已經睇過，但今次爸B第一次黎，妹妮都有介紹比爸B知有咩動物睇架

但係妹妮開始眼瞓，小火車一路行又dun dun下，又落完雨有微風，好快就瞓著了

落左車我地三個停左係露天餐廳門口比妹妮瞓左成個鐘呀！不過已經無咩風，加上妹妮瞓親覺都出汗，瞓下瞓下成個頭都濕晒 ＠＿＠

今次無睇白老虎馬戲又無睇大象show，妹妮醒左嗱嗱聲換過件衫，我地就趕去睇河馬show了

初時都諗河馬可以點表演呢？原來係個集錦show，咩動物，鳥類都有d既！

睇完show都5點幾了，我地呢晚book左 "四海一家"食buffet, 要6點到，於是就離開動物園了

準時6點到四海一家，成日聽人講個buffet有好多野食，好正，於是黎試下啦！

呢度地方真係超大！我地行左3間茶樓咁遠先到我地張枱，好彩我地個廳門口一樣有野食拎

其實食物款式都算多，但就唔係貴野。不過以＄189/人都唔算貴，但係要行好遠出大廳攞野食就真係行到有d攰！下次都係食番茶樓叫小菜算了