妹妮也化妝

話說姑姐買左盒蝦蟆Kitty化妝品比妹妮，妹妮已諗定出年學校costume party時要用。點知呢日星期六，yaya就拎左黎幫佢化 -____-"

嘩，救命呀！！打腫左咩？不過妹妮自己好鐘意囉 ＠＿＠

佢話係扮Frozen入面既Elsa (again!) 我話Elsa用淺藍色架！妹妮話Elsa係用淺紫色，不過佢無淺紫色就用住紫色先

爸B帶佢去學琴時仲整鬼佢，叫d管理員睇下妹妮有d咩唔同左？妹妮又怕醜就用雙手好似好晒擋太陽咁放左係額頭遮住個妝，笑死！！但去到鋼琴老師處，佢又好大方比人睇，不過老師都笑佢貪靚！

某個星期六，爸B帶完妹妮上小提琴課後去左香港藝術館睇展覽呀

今次展覽個主題又幾得意噃 －－>刻畫人間 — 朱銘雕塑大展  是國際知名華人藝術家朱銘首次於香港藝術館舉辦的大型個展。是次展覽展出的《人間系列》是他最重要的作品系列之一，當中人物造型取材於日常生活、人們的家庭、工作崗位等範疇，以不同物料雕刻出塵世的種種面貌。展覽以120套木、陶、石、銅、不鏽鋼等不同物料的雕塑，呈現《人間系列》30年來的演變，展現朱銘對當下生活的觀察以及反思。因為我無份去，所以癈話小講，去相吧！