東京買，食團 Day 1-2

9月19-23日 東京之旅

好耐無同朋友（無爸B，妹妮同行）去旅行了！其實都無幾何只係同朋友出行，N年前都有同兩個中學同學去過夏威夷順便返LA。對上一次都可能係幾年前company incentive trip去沙巴了。呢次同3位美女去東京，其實已經講左兩年，本來想去歐洲添架！終於成行了！雖然拋低妹妮同爸B，但係一樣好興奮呀！！妹妮知道我去日本，又問佢有無份，不過知道自己要返學無得去都好乖無扭計。

其實自從福島事件，我地都去過一次東京，但係近日又不斷有提出幅射問題，爸B決定唔會再帶妹妮去東京了。。。所以應該唔會一家人再去，唯有自己同朋友去啦！天朗氣清，真係好興奮呀！

就到了，其實呢刻望出去見到富士山架，不過係相反而睇唔到，富士山個頂突左出雲頂上，真係好高呀！

呢次我地搭左shuttle bus 出城，因為有小小塞車，同埋班機好似比以前晏左開，出到酒店都成4點幾了！

check in 完settle down好嗱嗱聲食小小野先，去左最就近既和民食野，原來秋刀魚刺生好好味架！

聞到東京既空氣，好舒服呀，好似有成兩年無黎了，但仿如好多年了，自己好鐘意東京，除左買野外，食野啦，方便啦。。。真係好鐘意呢度好想成日黎呀。

呢個weekend可能有祭典，新宿站上蓋有好多鄣幕，有人唱歌，又有人著晒浴衣派傳單

我地第一站去行下街，一出新宿西口站就見到木村，呢個廣告牌好似長年都係比佢拈令住架，又一個熟識的面孔

新宿同平時一樣都係人來人往

行左一陣都已經8點，伊勢丹都關門了, 於是去搵飯食。行過蟹道樂就入去試下！

舊年去大阪都想去食，但係要等位所以無食到，今次食返，一樣要等位！不過大家都攰，都費事再行了，好彩好快有位

入面都幾大，而且有現場古琴表演

去到日本通常都係大吃大喝，食番夠本！我地都瘋狂咁叫野食

雖說瘋狂，但係都係叫左4個餐啫

個蟹蓋入面d羔真係好好味呀！！其餘蟹肉有熟的有生的

雖然叫左4個餐，但係太多野食了，食到好飽好飽呀～！於是再去街上逛，呢間好多平野賣，連cosplay d 衫都大把有得賣架！樓上仲有電器部，一應俱全。

今次住Keio Plaza, 離開新宿站都要行成10分鐘，我地一路行，見到有Lawson's 又入去逛下。回程返酒店途中見有呢d臨時檔拉麵，但真係太飽食唔落，想幫襯都唔得

返到酒店了，呢間酒店d房比以前住新宿prince大d，但係就無果邊咁方便

Day 2 ，東京天氣有點涼，但係都有成廿幾度。呢日一早去樓下食讚岐烏冬

每之黎東京我地都會食一次當早餐架

半熟卵真係好好味架！

食飽飽後我地去攞車，因為今日會去遠程。。。木更津outlet血拼呀！！我地專登第二日就去，咁就算無野買，返到東京都仲可以買吖嘛。

其實尋晚瞓得唔係好好，好彩有May幫手揸車，可以瞓一陣。木更津呢個三井outlet比以前去開個御殿場近小小，係今年新開架，而且有好多牌子！我地諗住如果呢個無野買就即刻轉𧘹去御殿場

出發了！

outlet位於千葉縣，我地以前去Mother Farm都去經過呢條路線架。仲見到東京鐵塔

又經過橫濱個摩天輪

大約一個多車程，終於到了！！

嘩，呢度有小火車比小朋友坐添架，如果妹妮係度就可以坐下了。呢度有好多野行呀！！不過都唔算買左好多野

行到攰我地去左Starbucks抖左一陣

呢個時候我只係好忍手買左幾對Paul Smith襪咋！

行多一陣又再食lunch，呢碟大Toro都係5百幾円咋！

我地4個人食左差唔多三十碟野，飽晒！黎到東京真係博晒命食架 

不經不覺都行到4點幾，呢日天氣麻麻，又有雨，所以好早天黑了

呢日真係滿載而歸！

回程返東京了

返酒店off load晒戰利品，我地去左朋友既朋友介紹既四十八漁場晚飯

待應拎左成盤海鮮比我地點菜

當然又係合照時間，今次黎旅行都係以食，買為主，行街都唔會點影相，係得坐低食飯時先會影下相咋。

呢間餐廳裝修都幾有特色，真係好似漁場一樣

我地叫左蠔，刺生啦，焗魚啦

呢個係蟹羔＋刺生＋芝士豆腐

呢晚專登唔食咁飽準備食多一輪架！我地行番去新宿站出口既思之橫丁，呢條橫町全部都食串燒架。因為已經差不多10點，有d鋪已經準備關門了

其實當宵夜咁食，都係唔係志在食野，都係食下個氣紛，飲下野

不過又真係燒得幾香噃！

呢日不論個喼同個肚都好滿呀！！