We love October 妹妮7歲生日會

妹妮成日都好恨有生日會，雖然 過往都有搞，但係佢年年都仲話好想有生日會架。趁而家'仲細'搞多次啦，遲d大個就真係唔會搞了。

知道有生日會妹妮好開心，今年除左請平時既朋友仔，仲請左幾個小學同學，妹妮超開心呀！！

今年係Pizza Hutq搞party，問過幾間Pizza Hut，得尖沙咀呢間容納到50-60人。呢日有d 甩漏，希望朋友仔都玩得開心啦！

爸B同妹妮都係見到BB就興奮

呢日好多朋友都有比面出席，但係我顧住影相，真係招呼唔到呀

1點半開始食野先，因為晏d有得整pizza，所以無叫pizza 即場食，真係笨左！

 

成班朋友仔自成一角，好彩每班朋友都有common friend，有伴唔會悶

妹妮就同小學同學仔玩多d 

後來朋友仔同同學仔都打成一片，搞到好嘈！希望Pizza Hut 無因今次咁嘈而怕左以後唔再搞party啦

San a 同 Sophia 都係妹妮好好朋友，不時都仲定期見面架！

食完一輪，PizzaHut 哥哥都有同細路玩遊 戲架

比班細路玩到佢怕呀

玩左一輪就開始整pizza了，因為哥哥話怕handle 唔到，只可整最多5個pizza咋

其實都係玩下，每人酒d材料落去個餅底，不過對d細路黎講應該幾好玩既

呢個哥哥真係萬能架，落單又係佢，吹波波又係佢，玩遊戲又係佢，連教整pizza都係佢！

其實真係好易架，只係塗d茄醬

加d料，好似肉，腸，栗米，菠蘿

大功告成！！等十分鐘就有得食喇

係時候到蛋糕出場了！呢個蛋糕係自己搵款，再叫師傳跟妹妮個樣做，都幾似吖！蛋糕都整得幾靚呀

妹妮就話個公仔唔似佢，不過好得意呀，但係估唔到5磅又唔係好大個

蛋糕做得比想像中好呀，因為係未見過實物，只係從網絡上搵款，仲要customize個公仔。。。都唔知會整成點，其實有d博一鋪希望整得靚咋！舊年都係搵款比另一間餅店抄，但係出黎效果就好嘛嘛，雖然蛋糕好味但係唔靚。今次總算內外兼備又睇得又好食！

人太多都影唔晒d朋友仔呀

砌蛋糕了！

希望個party大家開心啦

幼稚園朋友Ryan 同Rio 同妹妮都算死擋架！

JJ同妹妹

朋友陸 續離開，我地留低影左一陣相，原來幅牆影相都幾靚噃！

EE同姨丈都影埋一份

見呢個甫士幾靚我地又影

妹妮呢日好開心呀，多謝咁多朋友仔同同學仔既愛心禮物！！！

妹妮超鐘意呀！！出年應該無生日會了，但係今年呢個last call都留下美好回憶 ：D