我家有個律師了！

11月29日係舅父德既大日子，因為呢日佢正式宣誓成為律師呀！我地要去高等法院聽佢宣誓。今年年 尾有幾次飲宴，於是幫妹妮添設左條靚裙，及膝長度無咁formal，下次音樂表演都著得！妹妮見到媽me拎出對高踭鞋自己即刻走去試著，頂佢唔順！媽me著37.5, 但係妹妮都著成33號鞋了，好快就會啱著媽me d 鞋喇！佢對媽me d 物件好有記性，有次話鐘意我有個黑色小手袋，係側邊揹，有打斜格仔好似菠蘿d紋既。。。哦！原來講緊個Chanel -_- 聽完佢咁真係又覺得好笑又覺得難頂

去到Pacific Place，已經佈滿了聖誕裝篩了，場影咁靚順便影多幾幅相先得

好彩呢日著靚d , 去到法院感受莊嚴既氣紛，呢日全部都係宣誓律師既親有影相，有d似大學畢業一樣，大家都好開心！ 

呢位係幫舅父讀誓詞既律師，原來要做Bar (barrister) 先有假髮戴架。舅父就揀左做Solicitor，所以無假髪。入到庭內，真係同電視既場影好似架！可惜唔準影相，我地聽了每位讀誓詞既律師介紹呢日宣誓既準律師，當中好多都提及個人趣事同經歷，所以唔算太悶。我地呢個session有8位宣誓成為律師，而下一輪就見到有陳荗波個仔。

宣誓儀式一個鐘就完結了，舅父正式由見習律師成為真正既律師了！！

爸B唔知點解好感觸，攬住舅父話佢好叻好乖。。。可能希望見到妹妮將來都有日可以咁叻呱？！

不過最開心可能都係公公呱，因為我地屋企出左個律師呀！（籍得鼓掌呀！！）我地落到地下，呢個位又係成日係電視見到，但係真係第一次黎咋！

就好似畢業典禮一樣我地就同主角影相，當然小不了全家幅啦！！

舅父都有其他朋友黎觀禮架，不過無影到咋，總之就恭喜舅父！之前半工讀，甚至辭工去左北京大學讀埋個master，真係好有决心同毅力。自問我就無能力做到，希望妹妮大個都有一樣既恆心啦！

影相完畢我地仲去左飲茶，呢日真係直得紀念！

晏晝仲同妹妮攝左場生日會，返到屋企就佈置聖試樹！十二月就到喇，拎出聖誕樹又係時候了

今年多左隻Burger，個傻豬成日呢左係樹底，當係新蒲點！

Burger第一個聖誕節呀

期待聖誕來臨呀！！