停不了的聖誕Parties （一）

不經不覺又一年了！話咁快就2015了，希望新一年更進步

自從12月20號開始就日日有飯食，20, 21 日都同屋企做冬，22日正日我地自己係屋企晚飯，都係叫yaya買d蝦，魚煮豐富小小就算了

但係妹妮都覺得同平時唔同特別興奮

仲開始自己搣蝦殻，以前一直都由yaya幫佢搣架

23日，聖誕party 序幕揭開，首先同朋友一齊係屋企大吃大喝！我地叫左太興到會，又叫左生蠔同Groves既黑毛豬腿，好豐富呀！ 

仲有交換禮物環節！我地買d禮物一d都唔求其，個個抽到都好開心架！

我地屋企平時好小人黎，通常都係聖誕先會開下party，就算農曆新年都無咩人黎拜年，聖誕升係最熱閙了

妹妮同Curtis小朋友就有最多禮物！

呢日好多朋友都係第一次見Burgerk架，估唔到Burger見到咁多陌生人都會驚驚，即時搵諚呢埋，但係熟絡左就肯比人抱抱了

Curtis呢晚同爸B好friend呀，比爸B抱住睇電視添

棵聖誕樹滿佈禮物呀！！

我抽到Le Cruset既蜜糖Jar 呀！！！正！

大家係度研究緊自己份禮物，妹妮就當左媽me果份係佢既 -_- 其實除左抽獎，呢晚妹妮都收到3份禮物喇！

Curtis都好鐘意我買比佢份禮物咁呀！

我地順便慶祝埋Oli生日

24晚平安夜，我地去左Paul個婚禮。點解揀平安夜架？唔係闔府統請加埋一班朋友一齊真係唔去呀！

呢班朋友過往聖誕節我地都會有gathering, 呢晚就當係自己友聚餐

Do-re-mi 同新郎Paul

新人d婚紗相係法國影，好靚呀，有d仲去左米歇山 (Mont St Michel)影架！多年前同爸B去巴黎旅行都諗過去，但係太隔涉所以無去到，係呢度影相真係好靚呀！

仲有人演奏鋼琴，幾個細路即刻埋去哄

妹妮條裙係Yaya造架，我覺得幾靚呀，仲有d俄羅斯風味添！

終於入席了！！

趁有時間同新郎影下相先

主家席好特別，打橫擺，而且有舞池，一定係有野睇

一對新人出現了，祝你倆白頭到老！佢地真係有表演左一隻舞呀！

我地玩到成十一點幾先走，妹妮一上車即時瞓著左呀

25日，我地一早出去又一城grey hound食晏，妹妮又試穿媽me高踭鞋 -_-

唔知點解覺得佢呢身打扮就好似聖誕老人一樣！哈哈

呢晚我地家又有party，係同媽me既屋企人，公公返左大陸玩所以無黎呀。EE又一展身手下廚！不過隻火雞係一早整好，所以只係焗番熱就得

啤梨沙律d啤梨好甜又好淋，令我地之後都買下啤梨食

呢日晏晝我地同妹妮用佢既零用錢買左d聖誕禮物比屋企人，呢晚妹妮就比舅父同EE，姨丈抽禮物。

其實d禮物只係掛裝既牙刷套，＄39一個，買左10個都唔駛500蚊

EE就送左我地名既可樂比我地，其實一直都無諗過去訂呀

而家有齊一套超正呀！！！Thank you！！

我地每人都有一枝呀！！

至於妹妮隻聖誕襪，佢晏晝時先許願話想要個皮球係屋企玩喎，但係都無時間諗買咩禮物比佢，所以都無特別買呀

火雞出爐了，又真係好嫩唔鞋架！

水牛芝士蕃茄同脆包

合照就唔小得啦

仲有雪糕火煱添！

EE都係第一次見到Burger 咋，個個都話Burger成隻大貓既size, 一d 都唔似得5個月大

呢個聖誕節都算節目豐富，未完架！一路仲有得食呀！遲來的Merry Christmas