立春2015。再見婆婆

2015.1.14

呢日開開下會收到細佬whatsapp，康復院通知婆婆過身了。雖然婆婆已經95歲，都預左遲早有呢一日，但係當呢日真正來臨時的確好唔捨得。護士話半夜餵食時她仍然有反應，但係至5點抺身已經過身了。正正呢日EE飛左去美國出差，康復院搵唔到我地搞到成9點至聯絡到。。。我地去到見到婆婆最後一面時，身體已經涼了。雖然傷心，但想深一層，對婆婆來講可能係好事，因她躺在床上已有幾年。不能自由活動真係好難受，可能此刻在上天更自由自在！

細個時我跟公公同婆婆三婆孫同住過整個幼稚園階段，直至小二才返爸媽屋企，所以我地感情好深厚。兒時既每一個片段仍然瀝瀝在目，可惜細個住既地方已經再重建了，無法去懷緬每一個地方，但係每個地方仍然係我腦入面。

2015.2.4 立春

今日婆婆出殯了，我地無刻意揀立春，今朝見到facebook有朋友post才知今日係立春。。。可能天意係今年春天既開始之時，婆婆同我地都有一個好開始。妹妮今日都有去參加儀式。但係本身我地都無咩親戚，只有兩個舅父，大舅父一家人同由加拿大返港既細舅父同我地一家人。可幸婆婆總算有嘗過四代同堂，真係算有福氣！連殯儀館經理都話婆婆叫做'百齡壽母'，應該為此高興。經過簡單儀式，我們送別了婆婆。。。婆婆，希望你係天國可以生活得更愉快，自由自在！我會懷念你，多謝你無微不至既照料，我仍然記得細個時同你去第二座飲咖啡（其實係而家既舊式西餐廳），仍然記得係成日帶我地据扒，食西餐。。。每一個點滴回憶都會銘記於心，期望夢中再與你相見！

個video係聖誕前妹妮最後一次同婆婆合拍了，現在只能回味